Bɔ-Koe-Iyipiti 33:13 - ALLALA KUMƐ

¹³ Nba, ni n bara-koe ara i hɛnɛ, i yandi, a ma, i ni i miriyanu yira n na alako n ni i lɔn. Wo le si a ma, n ni i tanɛ lɔn ka to i diyana-koenu kɛla. I ni a lɔn yati, ko ita mɔgɔ-yabɔnɛ le sibole kɛnu na.”

Bɔ-Koe-Iyipiti 33:13 ပူးပေါင်းရင်းမြစ်များ

2 Samuwɛli 15:25

Mansa Dawuda ya a fɔ Sedoki ye ko, “Wo ni tɔn-kenkirɛ lasɛgi a gbɛ rɔ tun Yerusalɛm soe burɔ. Ni n di Mari ye, a si a ma, n ni na tɔn-kenkirɛ kɛ yen n yɛ la a gbɛ rɔ tun, yɔ!

Yaburi 103:7

Mari ya a miriyanu yira Nɛbi Musa la. A ya a ma, Isirɛla mɔgɛnu ya ata kabana-koenu tayen.

Yaburi 119:33

Mari, ita tɔnnu kɔrɔ-bɛrɛbɛrɛnu yira n na alako n ni to anu birala burubukai!

Yaburi 25:4

Mari, n karan alako n ni i kɛ-nyanu lɔn iko i ye nyinina n ma nya min.

Yaburi 27:11

Mari, a sɔgɛ ye i la, n ni min ma, i ni n karan wo la. N kunyɛ sɔ kan-tina-latankanɛ la bawo n yogenu siya pɔ!

Yaburi 51:13

Woletɔ n si hakɛ-tiginu karan ita tɔnnu ma alako anu ni sɛgi i ma.

Yaburi 86:11

Mari, a sɔgɛ ye i la, n ni min ma, n karan wo la. Wo kɔma, n si a bira lanayɛ rɔ. N si ila wɔlɛ kɛ n yisi bɛɛ la nya min, i ni n nabila wo la.

Bɔ-Koe-Iyipiti 3:10

Woletɔ n bi i latala mansɛ wo ma ka Isirɛla mɔgɛnu kunyɛ bɔ gbaran rɔ Iyipiti nyamanɛ rɔ.”

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Bɔ-Koe-Iyipiti 32:12

Ni i ya wo ma, Iyipiti kɛnu si a fɔ ko i ya mɔgɛ kɛnu nabɔ nyɔ alako i ni anu ban dugu-kole kuma. I yandi, i fonde yɛlɛma ka kinikini anu ma. I ye nala ko-yogomɛ min mala anu na, i yandi, i kana wo ma anu na.

Bɔ-Koe-Iyipiti 32:14

Wo le ya a ma, Mari ya a fonde yɛlɛma. A ma ala mɔgɛ wonu kasara tun.

Bɔ-Koe-Iyipiti 32:7

Anu bi wo kun na, Mari ya a fɔ Musa ye kɔnkɛ kuma ko, “I buri yigila kamasɔrɔn i wara na mɔgɛ minnu na ka bɔ Iyipiti nyamanɛ rɔ, wonu bara yɛlɛma ka yogoya.

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Bɔ-Koe-Iyipiti 5:1

Wo kɔma, Musa anubɛ Aruna tara ka Isirɛlata Mari Alla kan latenbi ale Iyipiti mansɛ ma ko, “I ni ale Marita mɔgɛnu boloka alako anu ni ta a bato tinɛ wulɛ rɔ ka ladiyɛ kɛ a ye.”

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Aiseya 63:17

Mari, nfenna i ye a mala, ma ye yilan-yilanna ka bɔ i fɛ? Nfenna i ye a mala, ma tole ye gbɛlɛyala, ma sa i gbiliyala? I yandi, sɛgi ma ma. I halalɛ le male la minnu bi wɔlila i ye buda!

Aiseya 63:19

Mɔgɛ donu bi nyɔ, i ma minnu mara wɛ tele-kelen-bɛrɛni! I tɔgɔ ma sa wonu kuma lun-kelen lun-tala, ado male ara ma le gbɛ iko mɔgɛ wonu.

Yowɛli 2:17

Wole saraka-masɔlɛ minnu bi wɔlila Mari ye saraka-mintan-tinɛ anubɛ Bato-Bɔn don-dɛ tɛma, wo di ka Alla matara. Wo ni a fɔ ko, “Mari, kinikini ila mɔgɛnu ma. I yandi, i kana sɔn, sibolo-gbɛrɛ-mɔgɛnu ni yɛlɛn ma ma ka a fɔ ko kɛnuta Alla ye mintɔ?”

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Romu 11:28

Yahudiyanu ma sɔn kibara-nyimɛ la min kɛ, anu mara Alla yogo la ka a tɛgɛ wole sibolo-gbɛrɛnuna ko ma. Kɔnɔ ha ka, Yahudiyanu di Alla ye bawo a ya anu yatɔnbɔn ka lanyiri kiri anu ye ka a tɛgɛ anu benba-benbɛnuna ko ma,

Ɛfɛsa 1:17

N bi ma Mari Yisa Kirasiti, wo Fa Alla gbiliya-tigi matarala ko a ni ata Ni-Sɛnimɛ di wo ma. A si hɛnkili di wo ma ka ata tonyɛ labɔ gbɛ rɔ wo ye alako wo ni a lɔn a nya-bɛrɛbɛrɛ ma.

Tɔn-Fɔɛ-Fila-Nyɔgɛ 9:26

N ya a fɔ ko, ‘E, Mari, Sɛnbɛ-Bɛɛ-Tigi, n bi i matarala. I yandi, i kana ita mɔgɛ kɛnu faga. I ya anu nabɔ yɔɔnyɛ rɔ Iyipiti nyamanɛ rɔ ita fanka-makawanɛ le la.

Tɔn-Fɔɛ-Fila-Nyɔgɛ 9:29

Min sanɛ wo kuma, ita mɔgɔ-bɛrɛbɛrɛ le kɛnu na. Ile le tɔrɔta mɔgɛ kɛnu na ka anu nabɔ Iyipiti ita fanka-makawanɛ la.’ ”

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.