Bɔ-Koe-Iyipiti 33:12 - ALLALA KUMƐ

¹² Musa ya a fɔ Mari ye ko, “I ye tola a fɔla n ye ko n ni ta mɔgɛ kɛnu na kɔnɔ min bi sɔla n yarɔ, i ma wo yira n na. Min sanɛ wo kuma, i ko i ya n sɔn lɔn. I ko n bara-koe ara i hɛnɛ.

Bɔ-Koe-Iyipiti 33:12 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

2 Samuwɛli 15:25

Mansa Dawuda ya a fɔ Sedoki ye ko, “Wo ni tɔn-kenkirɛ lasɛgi a gbɛ rɔ tun Yerusalɛm soe burɔ. Ni n di Mari ye, a si a ma, n ni na tɔn-kenkirɛ kɛ yen n yɛ la a gbɛ rɔ tun, yɔ!

Yaburi 1:6

Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Bɔ-Koe-Iyipiti 3:10

Woletɔ n bi i latala mansɛ wo ma ka Isirɛla mɔgɛnu kunyɛ bɔ gbaran rɔ Iyipiti nyamanɛ rɔ.”

Bɔ-Koe-Iyipiti 3:4

Mari ya a yen min kɛ ko ale Musa ara ta ko ragbɛ tinɛ nyɔ, Alla ya a kan nabɔ a ma ka bɔ kɔlɔma wo rɔ. A ko, “Musa, Musa.” Musa ko, “Yon bi n takelela?”

Bɔ-Koe-Iyipiti 32:34

Woletɔ n bara kan tinɛ minna ko fɔ i ye nun, i ni ta nyɔ kaka. I ni sɔ mɔgɛnu yarɔ ka ta nyɔ. Nta melika dɔrɔn si sɔ i yarɔ. Hali wo, wo wati si na, n si anu tɔrɔ anu hakɛla ko la.”

Bɔ-Koe-Iyipiti 33:1

Mari ya a fɔ Musa ye ko, “I nara mɔgɛ minnu na ka bɔ Iyipiti nyamanɛ rɔ, anu bi. N ya wo benbanu yili-madiya lanyiri-nyamanɛ minna ko la, Iburayima anubɛ Isiyaka anubɛ Yakoba, kɔni, wo ni wo bɔ yan ka ta nyɔ rɔ.

Bɔ-Koe-Iyipiti 33:17

Mari ya a fɔ Musa ye ko, “I wara min fɔ n ye, n si sɔn wo ma kamasɔrɔn i wara-koe ara n hɛnɛ. N ya i sɔn lɔn fanan.”

Bɔ-Koe-Iyipiti 33:2

N si nta melika ma i yarɔ-sɔlɛ la ka Kenannu wo, Amoranu wo, Hɛtinu wo, Perasanu wo, Hɛfanu wo anubɛ Yebusinu gben wo yarɔ.

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 45:3

Mari ko fen-kolomɛ minnu dogonnɛ pinpi rɔ, a si wonu di a ma. Wo kɔma, ale si a lɔn ko Mari le Mari la. A si a lɔn fanan ko Isirɛlata Alla ya a sereka-tɔgɛ rakele.

Yɛrɛmaya 1:5

yanni n ni ma mɔgɔni-finyɛ la n na burɔ, a ya n yabɔ. Yanni n ni sɔrɔn, a ya wɔli-gbɛrɛ dantɛgɛ n ma a dan na. A ya n ma nɛbi la sibole bɛɛ ye.

Hegayi 2:5

Wo bɔra Iyipiti tumɛ min, n ya a fɔ ko n bi wo fɛ, ado n bi wo fɛ wo nya na le fanan, yɔ! N ti bɔ wo fɛ. Wo kana kilan.”

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”