Bɔ-Koe-Iyipiti 32:34 - ALLALA KUMƐ

³⁴ Woletɔ n bara kan tinɛ minna ko fɔ i ye nun, i ni ta nyɔ kaka. I ni sɔ mɔgɛnu yarɔ ka ta nyɔ. Nta melika dɔrɔn si sɔ i yarɔ. Hali wo, wo wati si na, n si anu tɔrɔ anu hakɛla ko la.”

Bɔ-Koe-Iyipiti 32:34 ပူးပေါင်းရင်းမြစ်များ

Yaburi 99:8

E, mata Mari Alla, i ya ila mɔgɛnuna madiyalɛ yabi. Hali i ya anu tɔrɔ anu hakɛla ko la, i ya a yira anu na fanan ko Alla le ile la min si makotoli kɛ.

Bɔ-Koe-Iyipiti 15:17

Mari, i wara kan tinɛ min yabɔ ka a ma i nyɛrɛ mayigi tinɛ la, i nyɛrɛ si ita bato-bɔn sɔ ma ye nyɔ. I si ta ma sigi ita kɔnkɔ-sɛnimɛ wo kuma nyɔ.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Bɔ-Koe-Iyipiti 23:20

“N si melika sɔ wo yarɔ ka wo kandan kilɛ la ha wo si don kan tinɛ wo rɔ n bara min tabɛn wo ye.

Bɔ-Koe-Iyipiti 3:17

N si anu nabɔ Iyipiti tɔrɔyɛ rɔ ka ta anu na Kenan nyamanɛ wo le tɔ, bɔnsɔn kɛnu siginɛ kan min, Kenannu wo, Hɛtinu wo, Amoranu wo, Pɛrasanu wo, Hɛfanu wo, anubɛ Yɛbusinu. Wonu bɛɛsi siginɛ Kenan nyamanɛ wo le tɔ. Nyamani-diyamɛ le nyɔ la.”

Bɔ-Koe-Iyipiti 33:12

Musa ya a fɔ Mari ye ko, “I ye tola a fɔla n ye ko n ni ta mɔgɛ kɛnu na kɔnɔ min bi sɔla n yarɔ, i ma wo yira n na. Min sanɛ wo kuma, i ko i ya n sɔn lɔn. I ko n bara-koe ara i hɛnɛ.

Bɔ-Koe-Iyipiti 33:2

N si nta melika ma i yarɔ-sɔlɛ la ka Kenannu wo, Amoranu wo, Hɛtinu wo, Perasanu wo, Hɛfanu wo anubɛ Yebusinu gben wo yarɔ.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 14:10

Mari ya kɛ le fɔ wole, Yuda mɔgɛnuna ko la. A ko ka to wo masɛgila ale Mari la, wo di min ye kati! Fan min si wo masɛgi a la, wo ye wonu da kun tɔ. A ko ale Mari ti sɔn wole la. Wo ye ko-yogomɛ min da kun tɔ, a ya wonu lɔn. A ko wo si tɔrɔ wo hakɛla ko la.

Yɛrɛmaya 23:2

A ko a bɛnta, wole ni Mari Isirɛlata Allata mɔgɛnu kumafunfan nun kɔnɔ wo ara anu gben ka anu tanyɛnsɛn. Woletɔ a ko fɔ a wa wo tɔrɔ wola karagbɛlɛyɛla ko la.

Yɛrɛmaya 5:29

Kɔnɔ ale Mari ko a si karagbɛlɛ wonu tɔrɔ kɛnuna ko la. Mari ko fɔ a wa mɔgɛ kɛnu tayili sara.

Yɛrɛmaya 5:9

Mari ko nfenna a ti mɔgɛnu tɔrɔ kɛla ko la? A ko a ni mɔgɔ-su kɛnu tɔrɔ iko a bɛnta, wo ni tɔrɔ nya min.

Hoseya 8:13

Wo ye sarakɛnu bɔla wo buyinu denu ye, nde, Mari ma de! Nde, Mari sewani ma wonuna ko la mumɛ! N si n yili to wo hakɛ ko ka wo latuntun yɔɔnyɛ rɔ wo tɔrɔya-koe la iko wo taranta Iyipiti nya min nun.

Emɔsi 3:14

Wo ni a fɔ anu ye ko Mari wa na anu tɔrɔ tinɛ tumɛ min anu hakɛla ko la, a si anuna saraka-mintan-tinɛ tinya min bi Bɛtɛli soe burɔ. A si anuna saraka-mintan-tinɛ bolon nanɛ keri, mɔgɛnu si anu dun min na anu niyi kisi-koe la.

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Yilan-Yilan Koe 20:16

Ma dira ko Mari ni ma dɛnbɛ min kɛ, Mari ya ma di-kɛ-kan wo lamɔɛn. A ya melika lana ka ma labɔ Iyipiti nyamanɛ rɔ. Kɔnɔ kaka, ma ye Kɛdɛsi dagɛ rɔ ila nyamanɛ dala.

Matiyu 23:35

Mɔgɔ-magbalanɛ min bɛɛ fagara, wo si wonuna tɔrɔyɛ sɔrɔn. Ka a bi Ebɛlita sayɛ ma ale min magbalanɛ, kɔni, ha ka a sigi Bɛrɛkayala dan Sakarayata sayɛ la, wo si tɔrɔyɛ wo bɛɛ sɔrɔn, ado wo ya ale Sakaraya faga Alla-Bato-Bɔn anubɛ saraka-bɔ-tinɛ tɛma.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.