Bɔ-Koe-Iyipiti 32:25 - ALLALA KUMƐ

²⁵ Musa ya a yen Aruna ma ala kun-tigiyɛ lawɔli a kin na, woletɔ Isirɛla mɔgɛnu bara murutiya ha anu bara ma yɛlɛnma-fan la anu yogenu yala.

Bɔ-Koe-Iyipiti 32:25 ပူးပေါင်းရင်းမြစ်များ

Ko-Dabirɛnu 3:10

Kei ko, “N ya i na-kan le lamɔɛn, ado n bara a lɔn ko n nakolɔn le, woletɔ n kilanta ka ta n dogon.”

1 Mansɛnu 12:28

Ale Mansa Yɛrabowami tara a kun nayigi ala mɔgɔ-banu fɛ. A ban wo mala, a ya sɛnɛ ladan ninki-den filala muninyɛ la. A ya a fɔ ala mɔgɛnu ye ko, “Wole ara mɛ tala Mari bato tinɛ Yerusalɛm. Wole Isirɛla mɔgɛnu, wo ma wota allanu yen kɛ la minnu nara wo la ka bɔ Iyipiti nyamanɛ rɔ?”

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

2 Ko-Kɔrɔta-Karan 28:19

Bawo Yuda Mansa Ehasi ara ko-yogoma-siyaman ma ala mɔgɛnu na ka bila Mari la. Wo le ya a ma, Mari ya tɔrɔyɛ lana Yuda nyamanɛ kuma.

Bɔ-Koe-Iyipiti 32:26

Musa ya a sɔ dagɛ don-dɛ la, a ko, “Ni minnu bi Marila kilɛ fɛ, wonu ni na n bara.” Lifayi bɔnsɔn bɛɛsi tara a wara.

Hɛnkilimaya-Kumɛnu 29:18

Marita wɔlɔyiya-kumɛ sa minnu bolo, mɔgɛ wonu si murutiya. Kɔnɔ minnu bi Allala tɔn birala, wonu si duwɛ sɔrɔn.

Aiseya 47:3

Mɔgɛnu si i makolɔn yen. I si miliya anu yala.” Mari ko a si a tayili sara i la. A ti kinikini mɔgɔ-wo-mɔgɔ ma ile Babilɔn soe burɔ.

Yɛrɛmaya 5:5

Woletɔ nde nyɛrɛ si ta Yuda mɔgɔ-banu bara ka anu makawandi. N lanɛ a la ko anu denu ya Marita ko-ladan-nya lɔn. Alla ye nyinina min ma ma bolo, tumado anu ya wo lɔn. Kɔnɔ yaga, mɔgɔ-ba wonu bara anu buri Mari kɔrɔ. Anu bara anubɛ-Mari-tɛma-yili ratɛgɛ gbat!

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Hoseya 2:3

Ni a ma sɔn, n si a makolonya iko a na ya a sɔrɔn nya min. A si ma iko dugu-magbalanɛ anubɛ gbangban. Kan-nagbalɛ si a faga.

Maika 1:11

“Sefira soe wo tɔgɔ-kɔrɛ mani de iko ‘nyagalen.’ Anu tenbi tala nyɔ-mɔgɛnu na, anu si ta anu mɛlannu na. Anu kɔgɔrɔyɔlɛ si ta miliyɛ bolo. Seyanan soe wo tɔgɔ-kɔrɛ mani de iko ‘bɔ yan.’ Nyɔ-mɔgɛnu ti sisi bɔla soe kɔma kilan bolo. Bɛti-Isili soe wo tɔgɔ-kɔrɛ mani de iko ‘kan-tina-latankanɛ.’ Wo wa soe wo mɔgɛnu wɔrɔndɔ-kan lamɔɛn tumɛ min, wo ni la a la ko mɔgɔ ti ta nyɔ-kisi-koe la worɔ.

Romu 6:21

Wo ya koe minnu ma fɔlɔ-nun, wo miliyanɛ minnu na kaka, wo ya nfen tɔnɛ sɔrɔn wonu tɔ? Wonuna ban le sayɛ la.

Tɔn-Fɔɛ-Fila-Nyɔgɛ 9:20

Mari fonde bɔra n kɔrɔ Aruna kuma. A ko a ni a faga. Wo wati rɔ, n ya Alla madiya ale fanan ye.

Lankɛnimayɛ 16:15

Mari ko, “Wo ni wo tole masɔ! N bi nala wo latɛrɛnala iko kankan! Mɔgɔ-sewanɛ le wo tigi la min bi kila a ya la ka ala kurɛ makandan alako a lakolɔn kana na to tagamana miliyɛ bolo!”)