Bɔ-Koe-Iyipiti 32:17 - ALLALA KUMƐ

¹⁷ Yasowa ya mɔgɛnu sɔnkɔ-sɔnkɔ-kan lamɔɛn. A ya a fɔ Musa ye ko, “A manɛ iko mɔgɛnu bi kɛlɛla dagɛ rɔ.”

Bɔ-Koe-Iyipiti 32:17 ပူးပေါင်းရင်းမြစ်များ

1 Ko-Kɔrɔta-Karan 7:27

Ilasama ya Nun sɔrɔn. Nun ya Yasowa sɔrɔn.

Yobu 39:25

Buru-fɛ-kan anubɛ sun-tafɛ-kan ye bɔla anu nyɔgɔn fɛ le. A ye tola wula-yan le la, a ni kɛlɛ-sumɛ mabira ka kɛlɛ-kurugbɛ sɛrɛn-kan lamɔɛn.

Yaburi 47:1

Mɔgɛ bɛɛ ni lɛnkɛ gbesi ka sewa. Wo ni Alla-tanto-bɛtinu bɔ wo sɛbɛ-kuna-wɛ la.

Bɔ-Koe-Iyipiti 17:9

Woletɔ Musa ya a fɔ Yasowa ye ko, “Mɔgɛ donu yabɔ ma ye minnu si ta Amalɛkinu kɛlɛ tinɛ. Alla ya a fɔ sewuri min ma ko n ni a bi, sina n si ta wo la n bolo kɔnkɛ kun tɛma ka n sɔ nyɔ.”

Bɔ-Koe-Iyipiti 24:13

Musa anubɛ a gba-fɛ-bilalɛ Yasowa wulita ka yɛlɛ kɔnkɛ kuma.

Bɔ-Koe-Iyipiti 32:18

Musa ko, “Ka na a fɔ anu bara mɔgɛnu nɔ kɛlɛ rɔ, wo sɔnkɔ-kan ma kɛ la, ka na a fɔ kɛlɛ ara mɔgɛnu bira, wo sɔnkɔ-kan ma kɛ la. Kɛ mani de iko sigi-sa-kan.”

Bɔ-Koe-Iyipiti 32:6

Bandɛ kanɛ, anu suruta nala saraka-mintantɛnu anubɛ yisi-kima-sarakɛnu na. Anu ya anu de-nyini ka anu min. Wo kɔma, musi wo, kei wo, anu ya bolola-tolɔn dabira.

Yɛrɛmaya 51:14

Mari Sɛnbɛ-Bɛɛ-Tigi ara a keli ko a si sibolo-siyaman natugu Babilɔn kɛnu kan ma iko kondɔnnu. Anu si anu dɛ bolobɔ ko anu bara Babilɔn nɔ.

Emɔsi 1:14

Wo sɔn, wonu denu bi a mala, a ye tɛ layigila wola soe kuma, Raba, kɔni, ka anubɛ a tarɛ mintan gburr! Wo wati rɔ, sɔnkɔ-sɔnkɔ anubɛ kɛlɛ si taran nyɔ rɔ. Kɛlɛ si gbɛlɛya wo kuma iko banda-fin-fɔnyɔ.

Emɔsi 2:2

Woletɔ a ko a si tɛ layigi Mohabu nyamanɛ rɔ ka wola so-latankanɛ, Kɛriyoti mintan. Hali wola kɛlɛ-kurugbɛnu tenbi sɔnkɛ anubɛ buri-fɛ kun na, wole Mohabu mɔgɛnu si na faga kɛlɛ-kɛ-tinɛ.

Yasowa 6:16

A wɔrɔnfila nyɔgɛ, saraka-masɔlɛnu ya buri fɛ tumɛ min, Yasowa ya a fɔ mɔgɛnu ye ko, “Wo ni gbele-gbelen. Mari ara soe kɛ nɔ ma ye.”

Yasowa 6:20

Saraka-masɔlɛnu ya burinu fɛ. Isirɛla mɔgɛnu ya wo lamɔɛn tumɛ min, anu gbele-gbelenta wɛ kɛ. Tarɛ buira fugbu!

Yasowa 6:5

Anu ni buri fɛ anu nyɔgɔn fɛ wɛ kɛ. Isirɛla mɔgɛnu ba wo lamɔɛn tumɛ min, anu ni gbele-gbelen wɛ kɛ. Soe tarɛ si bui. Kɛlɛ-dannu si don soe burɔ worɔ.”

Kɛlɛ-Kurugbɛnu 15:14

Anu ke Gbaga-Gbaga-Koloya soe ma, Filisitinu burimatoe le nara a magbenna. Anu bi sɛrɛn-sɛrɛnna a ma. Marita sɛnbɛ yigira Samsin kuma. A ya fanka sɔrɔn. A ya yili wo ratɛgɛ a bole ma iko yesekari-lamurunnɛ.

1 Samuwɛli 17:20

Wo wulun sɔgɔma subaga, Dawuda ya a lasɔ. A ya sagɛ wonu kerifanɛ to mɔgɛ do la. A ya dɔn-fan wo damasi bi iko a fa ya a fɔ a ye nya min. A ke dagɛ wo rɔ, a ya a taran, Isirɛla kɛlɛ-dannu bara bɔ dagɛ wo rɔ ka ta anu sɔ anu gbɛ rɔ anu si kɛlɛ kɛ kan min. Anu bi tala gbele-gbelenna anu bolo fɛ nya-kun-kelen.

1 Samuwɛli 17:52

Isirɛla mɔgɛnu anubɛ Yuda bɔnsɔn-mɔgɛnu gbele-gbelenta. Anu tara anu gbenna ha Kati soe burɔ ha Ɛkirɔn soe tarɛ-don-dɛ la. Filisitinu furi-bolokanɛ ye tala Seyareyim kilɛ wo fɛ ha ka ta ke Kati anubɛ Ɛkirɔn soenu tɔ.