Bɔ-Koe-Iyipiti 31:2 - ALLALA KUMƐ

² “N bara Yurila den-kei Bɛsalɛli yabɔ Yuda bɔnsɔn rɔ, Huri mamanɛ, kɔni.

Bɔ-Koe-Iyipiti 31:2 ပူးပေါင်းရင်းမြစ်များ

2 Ko-Kɔrɔta-Karan 1:5

Yurila den Bɛsalɛli ya saraka-mintan-tinɛ min nadan silɛɛ la nun, wo ye Marita Fani-Bɔn yarɔ Kibiyon. Yuri wo fa tɔgɛ le Huri. Mansa Silamɛni anubɛ ata mɔgɛnu ya Mari bato nyɔ.

Bɔ-Koe-Iyipiti 17:10

Yasowa ya a ma iko Musa ya a fɔ a ye nya min. A tara Amalɛkinu kɛlɛ tinɛ. Musa wo, Aruna wo, anubɛ Huri yɛlɛta kɔnkɛ wo kun tɛma.

Bɔ-Koe-Iyipiti 33:12

Musa ya a fɔ Mari ye ko, “I ye tola a fɔla n ye ko n ni ta mɔgɛ kɛnu na kɔnɔ min bi sɔla n yarɔ, i ma wo yira n na. Min sanɛ wo kuma, i ko i ya n sɔn lɔn. I ko n bara-koe ara i hɛnɛ.

Bɔ-Koe-Iyipiti 33:17

Mari ya a fɔ Musa ye ko, “I wara min fɔ n ye, n si sɔn wo ma kamasɔrɔn i wara-koe ara n hɛnɛ. N ya i sɔn lɔn fanan.”

Bɔ-Koe-Iyipiti 35:30

Musa ya a fɔ Isirɛla mɔgɛnu ye ko, “Mari ara Yurila den-kei Bɛsalɛli yabɔ Yuda bɔnsɔn rɔ, Huri mamanɛ, kɔni.

Bɔ-Koe-Iyipiti 36:1

“Mari ya boloma-wɔlɛ-kɛ-hɛnkili di min bɛɛ ma, Bɛsalɛli anubɛ Oholiyabu anubɛ mɔgɛ donu fanan, wonu ni Marita Fani-Bon-sɛnimɛ ladan iko Mari ya a fɔ Musa ye nya min.”

Bɔ-Koe-Iyipiti 37:1

Bɛsalɛli ya kɔlɔma do bi min tɔgɛ akasiya ka kenkirɛ ladan wo la. A ya ala yanyɛ ma nunkan-nya fila ani a tala. A ya a kɔnɛ ma nunkan-nya kelen ani a tala. A ya a sɔɛ ma nunkan-nya kelen ani a tala.

Bɔ-Koe-Iyipiti 38:22

Yurila den-kei Bɛsalɛli, Huri mamanɛ ka bɔ Yuda bɔnsɔn rɔ, wo mara boloma-wɔli-kɛlɛ damasi kun-tigi la ka fan wo bɛɛ ladan iko Mari ya a fɔ Musa ye nya min.

Bɔ-Koe-Iyipiti 38:23

Ahisimakila den-kei Oholiyabu min bɔra Dan bɔnsɔn rɔ, wo mara Bɛsalɛli dɛnbɛnɛ la Fani-Bɔn mirannu nadan-koe rɔ. Oholiyabu mara boloma-wɔli-kɛlɛnu kun-tigi la ka kɔlɔma lɛsɛ anubɛ ka yese dan anubɛ ka sɛnɛ-mɔlɔnɛ ladan.

Yɔni 3:27

Yɔni ya anu yabi ko, “Mɔgɔ ti ke fenfen sɔrɔnna anu nyɛrɛ ma, fɔ Alla wa min di a ma.