Bɔ-Koe-Iyipiti 31:15 - ALLALA KUMƐ

¹⁵ Wo ni wola wɔlɛ kɛ tele wɔrɔ kɔrɔ. A tele wɔrɔnfila nyɔgɔn ma, wo ni wo sulen wo ma bawo tele le wo la min dantɛgɛnɛ nde, Mari ma. Ni min ya wo tele tinya, wo tigi ni faga yati!

Bɔ-Koe-Iyipiti 31:15 ပူးပေါင်းရင်းမြစ်များ

Ko-Dabirɛnu 2:2

Alla ya wɔlɛ min bɛɛ kɛ, a ya wo ban tele wɔrɔ le kɔrɔ. A tele wɔrɔnfila nyɔgɛ ma, a ya a sulen.

Bɔ-Koe-Iyipiti 16:23

Musa ya a fɔ anu ye ko, “Ni a ma-sɔgɛ ye wo la nya-wo-nya, wo si a ma wo nya, ni ka a mintan de, ni wo ma, ka a te le, wo si a ma wo nya. Kɔnɔ ni mintɛ toe tora, wo si ma sina dɔn-fan la. Wo ni wo lamara ha sɔgɔma bawo sina tele si ma tele-sɛnimɛ la Mari ye.”

Bɔ-Koe-Iyipiti 23:12

“Wo si wola wɔlɛnu kɛ tele wɔrɔ kɔrɔ ka wo sulen a tele wɔrɔnfila nyɔgɛ ma. Wola yɔɔnnu wo, wola sundan minnu bi wo dɛnbɛna wo, anubɛ wola kolo-fan minnu bi wɔlila wo ye wo, wo bɛɛsi ni wo sulen a tele wɔrɔnfila nyɔgɛ wo ma.

Bɔ-Koe-Iyipiti 31:14

wo ni Sulen-Tele wo gbiliya bawo tele-sɛnimɛ le min sɛninyanɛ wo ye. Ni min ya a tui ka tɔn wo tinya ka wɔlɛ kɛ tele wo ma, wo ni wo tigi gben wo kurun tɔ. Wo tigi ni faga yati!

Bɔ-Koe-Iyipiti 31:16

Woletɔ wole Isirɛla mɔgɛnu ni Sulen-Tele bira ka a gbiliya. A ni ma habadan-tɔn la wobɛ wo kegeyɛnu ye.

Bɔ-Koe-Iyipiti 31:17

Habadan-tamasere le kɛ la min bi mabɛ wole Isirɛla mɔgɛnu tɛma. Nde, Mari ya san-kole anubɛ dugu-kole dan tele wɔrɔ kɔrɔ. A tele wɔrɔnfila nyɔgɔn ma, n ya n sulen.”

Bɔ-Koe-Iyipiti 34:21

“Wo ni wola wɔlɛ kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo sulen, hali sɛnɛ-sa-wati le anubɛ ni a tɛgɛ-wati le, wo ni wo sulen tele wo ma.

Bɔ-Koe-Iyipiti 35:2

Wo ni wola wɔlɛnu kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo ma Sulen-Tele la bawo Marita tele-sɛnimɛ le Sulen-Tele wo la. Ta-sisi kana yen mɔgɔ-wo-mɔgɔ bolo Sulen-Tele ma wo sigi tinɛ bɛɛ rɔ. Min ba wɔli a tele wɔrɔnfila nyɔgɛ wo ma, wo ni a faga.”

Isikiyɛli 46:1

Ma Tigi Mari ko, “Tenbi-bolɔn min bi Bato-Bon-luyi tele-bɔɛ waralɛ rɔ, mɔgɛnu bi wɔlila tele wɔrɛ minnu kɔrɔ, don-dɛ wo latogonnɛ ni to tolon! Kɔnɔ Sulen-Tele anubɛ Karɛ-Tele-Fɔlɛ-Ladɛn ma, a lakanɛ ni to.

Saraka-Masɔlɛnuta Tɔnnu 16:29

“Karɛ wɔrɔnfilɛ wo tele tan nyɛrɛ ma, Isirɛla mɔgɛnu anubɛ anuna sundannu ni sunyɛ don ka anu sulen anu halala-wɔlɛ ma wo tele nyɛrɛ ma.

Saraka-Masɔlɛnuta Tɔnnu 23:3

Mari ko a ya tele wɔrɔ di ma ma ka mala wɔlɛnu kɛ kɔnɔ a tele wɔrɔnfila nyɔgɛ, a ko ma ni ma sulen wo rɔ. Mari ko a tele wɔrɔnfila nyɔgɛ wo ma, ma kana wɔlɛ kɛ kɔnɔ ma si ma ladɛn ka Mari Alla bato. Ma tara kan-bo-kan, a tele wɔrɔnfila nyɔgɛ wo, Maritɛ le wo la.

Saraka-Masɔlɛnuta Tɔnnu 23:32

Ka a fɔlɔ ma karɛ wɔrɔnfilɛ, a tele kɔnɔntɛ fitiri-magben ma ha a tele tan fanan fitiri-magben ma, ma si wo le ma mata Sulen-Tele do la. Ma kana fenfen dɔn.

Luka 13:14

Dina-bon-kun-tigi diminyara ko Yisa ara dandanli kɛ Sulen-Tele ma. Woletɔ a ya a fɔ mɔgɛnu ye ko, “Tele wɔrɛ ye ma bolo, ma si to wɔlila minnu ma. A bɛnta, mɔgɛnu ni na tele wonu tɔ ka kɛndɛyɛ nyini kɔnɔ wo ma bɛn Sulen-Tele ma mumɛ!”

Luka 23:56

Anu sɛgira anu barɛ ka sɛnti anubɛ mun-kɛ-tuli rabɛn a furi ye. Sulen-Tele ma, anu ya anu sulen iko tɔn ya a fɔ nya min.

Tɔn-Fɔɛ-Fila-Nyɔgɛ 5:12

“A ko wo ni wo hɛnkili to Sulen-Tele ko ka tele-sɛnimɛ wo bira gben iko ale wota Mari Alla ya wo nyamari nya min.

Hiburunu 4:9

Kɛ si a yira ma la ko Allala mɔgɛnu si ke anu sulenna iko Alla ya a sulen a tele wɔrɔnfila nyɔgɛ ma nya min.