Bɔ-Koe-Iyipiti 30:7 - ALLALA KUMƐ

⁷ “Aruna ni isɛnti mintan a mintan tinɛ kuma. A tenbi lɛnpu ladufenna sɔgɔma, a ni isɛnti mintan wo wati rɔ.

Bɔ-Koe-Iyipiti 30:7 ပူးပေါင်းရင်းမြစ်များ

1 Ko-Kɔrɔta-Karan 23:13

Ala sarɛ, Amiram, wo ya Aruna anubɛ Musa sɔrɔn. (Alla ya Aruna anubɛ a kegeyɛnu yabɔ alako anu ni ma ata mɔgɔ-yabɔnɛnu na burubukai! Anu si to sarakɛnu mintanna Mari ye. Anu si to miran-sɛnimɛnu fɛ-birala ka duwa mɔgɛnu ye ale Alla tɔgɛ rɔ.

1 Ko-Kɔrɔta-Karan 6:34

Samuwɛli fa le Ɛlakena la. Ɛlakena fa le Yɛroham la. Yɛroham fa le Iliyɛli la. Iliyɛli fa le Towa la.

2 Ko-Kɔrɔta-Karan 2:3

Mansa Silamɛni ya kilayɛ lata Mansa Hairam ma min siginɛ Taya soe burɔ. A ya a fɔ ko, “I ya kɔlɔma-hakikɛ minnu su mayira n fa Mansa Dawuda ma nun, a ya ala bolɔn ladan wonu na. A sɔgɛ ye n na, i ni wo sufanu mayira nde fanan ma.

2 Ko-Kɔrɔta-Karan 2:4

N bi nala Bato-Bɔn sɔla alako ka nta Mari Alla gbiliya. Nyɔ si ma kan-tina-sɛnimɛ la mabɛ nna mɔgɛnu si a bato kan min. Ma si isɛnti-hakikɛnu mintan nyɔ. Ma si to biredi-sɛnimɛ dila a ma nyɔ fanan. Ma si to saraka-mintantɛnu dila a ma sɔgɔma ani wurɛ la. Sulen-Tele wo, Karɛ-Kurɛ-Ladɛn wo, anubɛ a tele-sɛnima-toenu, ma si to sarakɛ wonu mintanna a ye ka mata Mari Alla gbiliya. Mata Mari Alla ko fɔ ma ni kɛnu ma Isirɛla nyamanɛ rɔ habadan!

2 Ko-Kɔrɔta-Karan 26:18

Anu ya a fɔ a ye ko, “Mansɛ, a ma bɛn, ile ni saraka-wo-saraka mintan yan tɔ Mari ye. Fɔ Aruna kegeyɛnu yɛ! Wonu denu dantɛgɛnɛ wɔlɛ wola ko la. Bɔ kan-tina-sɛnimɛ kɛ rɔ. I wara bila Mari Alla la, ado ala duwa sa i fɛ tun.”

2 Ko-Kɔrɔta-Karan 29:7

Anu ya Bato-Bɔn wo don-dɛ balan ka anu tui lɛnpu-ladufen-koe ma. Hali ka isɛnti anubɛ sarakɛnu mintan, anu ma sɔn wonu mala Isirɛlata Allata Bato-Bɔn la.

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Bɔ-Koe-Iyipiti 30:34

Mari ya a fɔ Musa ye ko, “I ni fen-suma-diyama nani bi, sitakate wo, ɔnikiya wo, kalibanan wo, anubɛ farankinsɛnsi-sɛnimɛ. Anu kelen-kelennamɛ-bɛɛsi suman-nya ra ni kɛnya.

Bɔ-Koe-Iyipiti 30:6

Wo ni isɛnti mintan tinɛ sigi Kan-Tina-Sɛnimɛ rɔ. Yorolan si taran anubɛ tɔn-kenkirɛ tɛma.

Bɔ-Koe-Iyipiti 30:8

A tenbi lɛnpu lamalanna wurɛ la, a ni isɛnti mintan tun, woletɔ isɛnti si mintan sɔgɔma ani wurɛ la nde, Mari ye ha tumɛ min di nde, Alla ye.

Bɔ-Koe-Iyipiti 40:27

A ya tɛ tugu isɛnti la iko Mari ya a fɔ a ye nya min.

Yilan-Yilan Koe 16:40

Miran-sɛnima-dɛnfɛnɛ wonu si ma wo hɛnkili-bila-fan la tɔn ko ko mɔgɔ-wo-mɔgɔ kana isɛnti mintan nyɔ fɔ Aruna anubɛ a kegeyɛnu. Wonu denu dɔrɔn si a mintan nyɔ. Aruna kegeya ma minnu na, wonu fanan si halaki iko Kora anubɛ a gba-fɛ-bilalɛnu mara nya min.

Luka 1:9

Anu ya ale Sakaraya yabɔ koron-nakɛ fɛ ko a ni don Mari Bato-Bɔn la ka fen-suma-diyamɛ mintan iko anuna namu ye nya min,

Kɛwɔlɛnu 6:4

Nba, male nyɛrɛ si ke mala wati bɛɛ kɛla Alla-matarɛ anubɛ kawandili-bɔɛ la worɔ.”

Tɔn-Fɔɛ-Fila-Nyɔgɛ 33:10

Anu si Isirɛla mɔgɛnu karan tɔn-bira-koe ma ka anuna sarakɛnu masɔ anu ye ile Marita saraka-mintan-tinɛ kuma.

1 Samuwɛli 2:28

A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.