Bɔ-Koe-Iyipiti 30:28 - ALLALA KUMƐ

²⁸ I ni do sisa saraka-mintan-tinɛ anubɛ a fɛ-mirannu ma. I ni do sisa yi-sigi-miran anubɛ a sigi-fan ma fanani.

Bɔ-Koe-Iyipiti 30:28 ပူးပေါင်းရင်းမြစ်များ

1 Mansɛnu 7:38

Huram ya kunan tan nadan silɛɛ la fanan ka anu sigi kenkirɛ kelen-kelennamɛ-bɛɛ kuma. Kunan wonu kɔnɛ ya nunkan-nya nani-nani bɔ. Yi-durɔmu nanɛ si kun de anu kelen-kelennamɛ-bɛɛ rɔ.

Bɔ-Koe-Iyipiti 29:36

“Tele-wo-tele, wo si to tura kelen mala sarakɛ la ha tele wɔrɔnfilɛ da ni fa. Anu hakɛ-yamatogon-sarakɛ le turɛ kɛnu na. Wo kɔma, wo si tuli kɛ saraka-mintan-tinɛ wo ma. Wo si a ma worɔ, saraka-mintan-tinɛ fanan ni sɛninya.

Bɔ-Koe-Iyipiti 29:37

Wo ni sarakɛ kɛnu bɔ tele wɔrɔnfila kɔrɔ iko n bara a fɔ wo ye nya min. Sarakɛ kɛnu si ma saraka-mintan-tinɛ sɛninya-fan la. Wonu si a ma, saraka-mintan-tinɛ ni sɛninya. Ni fenfen tugura saraka-mintan-tinɛ kɛ la, wo ara don nde, Alla bolo.

Bɔ-Koe-Iyipiti 30:18

“Wo ni yi-sigi-miran anubɛ a sigi-fan ladan silɛɛ la ku-kɛ-koela ko la. Wo ni a sigi nta Fani-Bɔn anubɛ saraka-mintan-tinɛ tɛma. Wo ni a lafa yi la.

Bɔ-Koe-Iyipiti 30:27

I ni tuli do sisa tebulu anubɛ a fɛ-mirannu ma. I ni do sisa lɛnpu anubɛ a fɛ-mirannu ma. I ni do sisa isɛnti mintan tinɛ ma.

Bɔ-Koe-Iyipiti 30:29

I ni wonu di nde, Alla ma alako wonu si sɛninya nya min. Ni fenfen tugura miran kɛ do la, wo ara don nde, Alla bolo.

Bɔ-Koe-Iyipiti 35:8

Wo ni na tuli do la min si kɛ lɛnpu rɔ. Wo ni na kɔn-gbolo-suma-diyamɛ do la min si ma isɛnti la ka kɔn-gbole wo do basan kun-tiginuna dantɛgɛ-tuli la.

Bɔ-Koe-Iyipiti 40:11

I ni tuli do kɛ yi-sigi-miran anubɛ a sigi-fan ma ka wonu sɛninya.