Bɔ-Koe-Iyipiti 30:26 - ALLALA KUMƐ

²⁶ I ni tulu-sɛnimɛ wo doni sisa nna Fani-Bɔn anubɛ tɔn-kenkirɛ wo ma.

Bɔ-Koe-Iyipiti 30:26 ပူးပေါင်းရင်းမြစ်များ

Bɔ-Koe-Iyipiti 30:27

I ni tuli do sisa tebulu anubɛ a fɛ-mirannu ma. I ni do sisa lɛnpu anubɛ a fɛ-mirannu ma. I ni do sisa isɛnti mintan tinɛ ma.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Isikiyɛli 28:14

N ya melika-makilannɛ do to nyɔ-mansɛ makandan tinɛ. A siginɛ nta kɔnkɔ-sɛnimɛ kuma kuru-da-gbɛlɛnu tɛma silɛ ye tiila minnu ma.

Yilan-Yilan Koe 17:2

“A sɔgɛ ye n na, n ni gbunya-kumɛ ban wo tɛma. A fɔ Isirɛla mɔgɛnu ye ko bɔnsɔn tan-ni-fila kun-tigi kelen-kelennamɛ-bɛɛ ni na anuta kɔrɔ-sɔ-sewurinu na anu bolo. Anu ba na kɔlɔma wonu na tumɛ min, i si bɔnsɔn-kun-tigi kelen-kelan tɔgɔ sɛbɛ ata kɔlɔma ma.

Yilan-Yilan Koe 7:1

Musa banta Marita Fani-Bɔn sɔla wati min, a ya dantɛgɛ-tuli do bi ka doni sosa Marila Fani-Bɔn ma anubɛ saraka-mintan-tinɛ anubɛ a miran bɛɛ. A ban, a ya Fani-Bɔn dantɛgɛ Mari ma anubɛ a fɛ-miran mumɛ bɛɛ.

Yilan-Yilan Koe 7:10

Anu ya saraka masɔ tinɛ dantɛgɛ Mari ma tele min nyɛrɛ rɔ, bɔnsɔn-kun-tigi wonu nara kɔ-fannu na saraka masɔ tinɛ yakɔrɔ.

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.