Bɔ-Koe-Iyipiti 30:23 - ALLALA KUMƐ

²³ “I ni fen-suma-diyamɛ do bi min tɔgɛ mira. Wo ni wo yi do bi minna gbiliyɛ si ma iko yi kalɔn kelan, anubɛ kɔn-gbolo-suma-diyamɛ min tɔgɛ sinamɔn minna gbiliyɛ manɛ iko yi kalɔn talɛ. Min sanɛ wo kuma, i ni faranya-kalɛ do bi minna gbiliyɛ fanan manɛ iko yi kalɔn talɛ,

Bɔ-Koe-Iyipiti 30:23 ပူးပေါင်းရင်းမြစ်များ

1 Mansɛnu 1:39

Saraka-Masɔla Sedoki ya dantɛgɛ-tuli bi ka bɔ Marita Fani-Bɔn la ka a kɛ Silamɛni kunyɛ rɔ ka a dantɛgɛ. Anu ya buri fɛ. Mɔgɛ bɛɛ ya a lasɔnkɔ. Anu ko, “Mansa Silamɛni, alamɛ i mɛra!”

1 Ko-Kɔrɔta-Karan 9:29

Miran toe doinu, donu bi wonu makandanna. Wo kɔma, a dɛgɛ-munku wo, a minni-fen wo, a tulu wo, a isɛnti wo, a kɛnɛ wo, donu bi wonu makandanna.

1 Ko-Kɔrɔta-Karan 9:30

Kɔnɔ ka kɛnɛ-subolo-siyamɛ wonu tayabasan a kilɛ fɛ, saraka-masɔlɛ doinuta wɔlɛ le wo la.

Yaburi 45:8

Tulu-suma-diyamɛ ye ila kura-sumɛ diyala. Ila fɔli-kɛlɛnu bi i bira boloko-nyimɛ-kɛla ila bolɔn la min tabɛnnɛ sogo-ba-nyin-malɛsɛnɛnu na.

Bɔ-Koe-Iyipiti 25:6

anubɛ tuli do min si kɛ lɛnpu rɔ anubɛ fen-suma-diyamɛ do min si kɛ kun-tiginuna dantɛgɛ-tuli anubɛ isɛnti rɔ.

Bɔ-Koe-Iyipiti 30:22

Mari ya a fɔ Musa ye ko,

Bɔ-Koe-Iyipiti 30:24

anubɛ bagɛ min tɔgɛ kɔsiya, i ni a fere-gbalɛ donu bi minna gbiliyɛ manɛ iko yi kalɔn kelan. Wo si a bɛɛ suma a kilɛ fɛ iko a di nde, Mari ye nya min. I ni ɔlifi-tuli kalɔn kelen bi ka a kɛ kɛ bɛɛsi kuma.

Bɔ-Koe-Iyipiti 31:11

Anu ni tulu-sɛnimɛ anubɛ isɛnti ladan Kan-Tina-Sɛnimɛla ko la. Anu ni wo bɛɛsi ladan iko n bara a fɔ ile Musa ye nya min.”

Bɔ-Koe-Iyipiti 35:28

Anu nara tuli la min si kɛ lɛnpu rɔ. Anu nara kɔn-gbolo-suma-diyamɛ donu na anu bolo min si ma isɛnti la ka kɔn-gbole wo do basan dantɛgɛ-tuli la.

Bɔ-Koe-Iyipiti 37:29

A ya dantɛgɛ-tulu-sɛnimɛ anubɛ isɛnti ladan a kila-bɛrɛbɛrɛ fɛ.

Hɛnkilimaya-Kumɛnu 7:17

N bara sɛnti-subolo sawa purupuru nyɔ ma.

Keninteya-Siginu 1:13

N kɔntɔ-mɔgɛ, i manɛ n ye iko fen-suma-diyama-bɔrɛ i tenbi sani n kinyɛnu tɛma.

Keninteya-Siginu 1:3

I sumɛ di n ye, n ba i tɔgɛ lamɔɛn fɔ i sumɛ si don n tɔ. Musi min ba i yen, wo kole si bɔ a rɔ muluka!

Keninteya-Siginu 4:14

I yala-yen ara n hɛnɛ feu! Ile nna nakɔɛ, i gbɔɛ dɔn di. Nyɔ-sumɛ ara a diya don n tɔ.

Aiseya 43:24

woletɔ ma sa isɛnti sanna a ye tun. Ma sa a wasa-koenu kɛla ka to sogo-kɛɛn dila a ma. Kɔnɔ ma ara to ma hakɛ-dunɛnu sala a kuma. A ko ma ara to ko-yogomɛnu sigila a kuma min kɛ, wo ara a labandan.

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Isikiyɛli 27:22

Siba kɛnu anubɛ Reyama kɛnu ya kuru-da-gbɛlɛnu anubɛ sɛnɛ anubɛ kɛnɛ-hakikɛnu felen Taya kɛnu ma.

Yilan-Yilan Koe 4:16

“Arunala dan Ɛliyasa ye kun-tigiyɛ kɛla Fani-Bɔn mumɛ bɛɛ kuma, katarala kɛnu ma, tulu-sɛnimɛ min bi kɛla lɛnpu rɔ wo, isɛnti wo, dɛgɛ-munke ka a ma kɔ-fan la wo, dantɛgɛ-tuli wo, anubɛ fenfen min dantɛgɛnɛ Mari ma, ale si taran wonu kuma.”

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’