Bɔ-Koe-Iyipiti 30:18 - ALLALA KUMƐ

¹⁸ “Wo ni yi-sigi-miran anubɛ a sigi-fan ladan silɛɛ la ku-kɛ-koela ko la. Wo ni a sigi nta Fani-Bɔn anubɛ saraka-mintan-tinɛ tɛma. Wo ni a lafa yi la.

Bɔ-Koe-Iyipiti 30:18 ပူးပေါင်းရင်းမြစ်များ

1 Mansɛnu 7:23

Huram ya yi-sigi-kunan kinama-wɛ do ladan silɛɛ la. A kɔnɛ ya nunkan-nya tan bɔ. A burɛ rayanyɛ ya nunkan-nya loli bɔ. Ala minɛ ya bolo-bira-nya bi-kɔnɔntɔ bɔ.

1 Mansɛnu 7:38

Huram ya kunan tan nadan silɛɛ la fanan ka anu sigi kenkirɛ kelen-kelennamɛ-bɛɛ kuma. Kunan wonu kɔnɛ ya nunkan-nya nani-nani bɔ. Yi-durɔmu nanɛ si kun de anu kelen-kelennamɛ-bɛɛ rɔ.

2 Ko-Kɔrɔta-Karan 4:2

A ya yi-sigi-kunan-kinama-wɛ do ladan silɛɛ la. A latintannɛ sii! Ka a bi a da-gbole doi kɛ ma ka ke a da-gbole doi ma, nunkan-nya tan. A burɛ rayanyɛ ya nunkan-nya loli bɔ. Ala minɛ ya bolo-bira-nya bi-kɔnɔntɔ bɔ.

2 Ko-Kɔrɔta-Karan 4:6

A ya yi-sigi-miran tan nadan. Lolɛ doi ye Bato-Bɔn dugula wara la. Lolɛ ye Bato-Bɔn kantɔ-wara la. Yi min kɛnɛ wonu tɔ, wonu bi nyɔ ka saraka-mintantɛnu soge maku. Yi min bi yi-sigi-kunan-kinama-wɛ wo rɔ, wo ye nyɔ alako saraka-masɔlɛnu ni to anu kula wo la.

Bɔ-Koe-Iyipiti 30:17

Mari ya a fɔ Musa ye ko,

Bɔ-Koe-Iyipiti 31:9

Anu ni saraka-mintan-tinɛ anubɛ a fɛ-mirannu nadan. Anu ni yi-sigi-miran anubɛ a sigi-fan ladan.

Bɔ-Koe-Iyipiti 38:8

Musi minnu bi wɔlila Marita Fani-Bɔn dafɛ dagɛ kɔma kilɛ la, wonu nara anuna sila-nyɛrɛ-mafɛlannu na ka anu ma kɔ-fan la Mari ye. Bɛsalɛli ya wonu ma yi-sigi-miran anubɛ a sigi-fan la.

Bɔ-Koe-Iyipiti 40:7

I ni yi-sigi-miran sigi Fani-Bɔn anubɛ saraka-mintan-tinɛ tɛma ka yi kɛ a rɔ.

Makawandili Kumɛnu 5:1

A ma i fɛrɛma Alla Bato-Bɔn la. Yanni mɔgɛ ni kuntanya-sarakɛnu bɔ nyɔ iko kuntan donu bi a mala nya min, a fisa, a ni ta nyɔ ka hɛnkili sɔrɔn bawo kuntan wonu ma a lɔn ko anu bi ko-yogomɛ le kun na.

Saraka-Masɔlɛnuta Tɔnnu 8:11

A ya tuli wo do bi tun ka a pusen saraka-mintan-tinɛ anubɛ a mirannu kuma iko wɔrɔnfila. Wo kɔma, a ya tuli pusen yi-sigi-miran anubɛ a sigi-fan ma iko wɔrɔnfila ka wo bɛɛsi dantɛgɛ Mari ma wo nya na le.

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Taita 3:5

a ya ma kisi. A ma ma kisi ka a tɛgɛ ma nyɛrɛta kɛwɔli-nyimɛnuna ko la de! A ya wo ma ala kinikinɛ lela ko la. A ya ma kisi ata Ni-Sɛnimɛ baraka rɔ min bi sɔrɔn-nya-kurɛ anubɛ ni-kurɛ dila ma ma. Ale le si mɔgɔ yisi ku ka a sɔn sɛninya,

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.