Bɔ-Koe-Iyipiti 30:15 - ALLALA KUMƐ

¹⁵ Anu tenbi anu niyi-kunka-fan labɔla tumɛ min, i kana a banbɛ makele nɔnfulu-tiginu bolo. Wo kana a dɔgɔmɛ makele bolo-kolɔnnu bolo. Anu damasi niyi kelen.

Bɔ-Koe-Iyipiti 30:15 ပူးပေါင်းရင်းမြစ်များ

2 Samuwɛli 21:3

Mansa Dawuda ya kilayɛ lata Kibiyon kɛnu ma ka anu kele. Wonu ke, a ya a fɔ anu ye ko, “A sɔgɛ ye wo la, n ni nfen ma wo ye? Ko-yogomɛ min sigira wo la, a sɔgɛ ye n na, nde ni wo fɛ-bira. Wo si a ma, wo ni duwa Marita mɔgɛnu ye.”

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Bɔ-Koe-Iyipiti 30:12

“I wa Isirɛla mɔgɛ keimɛnu tɔgɛ sɛbɛ tumɛ min, anu kelen-kelennamɛ-bɛɛ ni anu niyi-kunka-fan di nde, Mari ma, alako kiraya-fitinɛ kana don anu tɛma.

Bɔ-Koe-Iyipiti 30:14

Ka a bi minnu sɔrɔn ara san mogan bɔ ha ka yɛlɛ, wo bɛɛsi ni anu niyi-kunka-fan kɛ labɔ.

Bɔ-Koe-Iyipiti 30:16

Ile Musa ni wodi-gbɛ wo bira Isirɛla mɔgɛnu bolo ka a ma nde, Allata Fani-Bɔn mabɛn-fan la. Wo si ma wo hakɛ-yamatogon-fan la alako nde, Mari yili ni to wo ko.”

Bɔ-Koe-Iyipiti 38:26

Kei minnu siyi ara tenbi san tan-ni-kɔnɔntɔ la, wo kelen-kelennamɛ-bɛɛsi nara wodi-gbɛ minnu na, wo kelen-kelen gbiliyɛ manɛ iko wodi-mɛlɛn kelanna gbiliyɛ ye nya min. Anu ya wo mɔlɔn tɛgɛ a kilɛ fɛ iko a di Mari ye nya min. Kei min bɛɛsi nara wodi-gbɛ kɛnu na, anu ya anu tɔgɛ sɛbɛ. Kei wonu bɛɛsi lakofunɛ yatɛ bɛnta mɔgɔ waga kɛmɛ wɔrɔ, mɔgɔ waga sawa, mɔgɔ kɛmɛ loli ani bi-loli (603,550) ma.

Hɛnkilimaya-Kumɛnu 22:2

Mari le ya mɔgɛ bɛɛsi dan, bolo-kolɔn wo, fen-tigi wo.

Isikiyɛli 45:16

Isirɛla nyamanita-mɔgɛ bɛɛ ni kɛnu di anuta mansɛ ma.

Saraka-Masɔlɛnuta Tɔnnu 17:11

bawo nima-fan bɛɛ niyi ye a yele rɔ. Woletɔ Mari nyɛrɛ ya a fɔ ko anu ni kolo-fannu yele bi ka a kɛ saraka-mintan-tinɛ ma. Wo si anu hakɛ bɔ anu ma. Niyi ye yele wo min tɔ, wo si mɔgɛnu hakɛ bɔ anu ma.

Yilan-Yilan Koe 31:50

Woletɔ ma ara sɛnɛ minnu sɔrɔn kɛ la, ma si na matɛ wonu di Mari ma. Ma ya sɛnɛ bolo-kalama-dɛɛnnu sɔrɔn, anubɛ sɛnɛ-dɛɛn-kɔlɔnɛnu, anubɛ sɛnɛ-forenu anubɛ sɛnɛ kanna-fannu, anubɛ sɛnɛ-mɔlɔnɛnu anu si minnu sa anuna durukinu ma, ma si wonu di Mari ma alako ma hakɛ yama ni togon.”

Ɛfɛsa 6:9

Wole yɔɔn-tiginu, wo ni wola yɔɔnnu bira wo nya na le fanan. Wo fara anu niyi ragbɛrɛnna anu ma. Wo ni a lɔn ko wobɛ wola yɔɔnnu, wo Tigi kelen de Arinyɛni tɔ. Ale ti mɔgɛ do lafisaya do ko. Bɛɛ kelen de a yala.

Kɔlɔsi 3:25

Kɔnɔ ni wo ya ko-yogomɛ kɛ, wo si wo sarɛ sɔrɔn bawo Alla ti mɔgɔ lafisaya anu nyɔgɔn ko. Mɔgɛ bɛɛ kelen a yala.