Bɔ-Koe-Iyipiti 3:9 - ALLALA KUMƐ

⁹ Isirɛla mɔgɛnu di-kɛ-kan ara ke n ma nkɛkuna, ado Iyipiti kɛnu bi anu tɔrɔla nya min, n bara wo bɛɛsi yen.

Bɔ-Koe-Iyipiti 3:9 ပူးပေါင်းရင်းမြစ်များ

Ko-Dabirɛnu 16:11

I si den-kei sɔrɔn. I si a tɔgɔ sa Sumanyila kamasɔrɔn nde, Mari ara ila tɔrɔyɛ di-kɛ-kan namɔɛn. Sumanyila wo kɔrɛ le ko, ‘Alla si ko lamɔɛn.’

Ko-Dabirɛnu 31:12

Woletɔ Mari ko ale Leban ye min bɛɛsi kɛla n na, ale ara wo bɛɛ lɔn. A ko n ni n hɛnkili to baa-kɔrɔn-pusan wonu bara-koe ma. Baa-kɔrɔn-pusan anubɛ gbɛ kelen-kelan ye minnu fɛrɛ ma, wonu bi yɛlɛla baa-musinu ma.

2 Mansɛnu 13:4

Wo kɔma, Mansa Yɛhowahasi ya a kan nabɔ Mari ma. Mari sɔnta ala kan-nabɔɛ ma bawo a ya Isirɛla mɔgɛnuna tɔrɔya-nya yen Siriya mansɛ bolo.

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

Nihɛmaya 9:9

“Wo kɔma, ma benbanu tɔrɔta nya min Iyipiti, i ya wo yen de! I ya anu kan-nabɔ-kan lamɔɛn Kɔgɔ-Yi-Wulan dafɛ.

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 9:14

woletɔ n si ke sɔla mɔgɛ bɛɛ yakɔrɔ Yerusalɛm soe burɔ ka i matɔgɔ-koenu fɔ anu ye. N si sewa bawo i wara n nakisi.

Bɔ-Koe-Iyipiti 1:11

Woletɔ Iyipiti kɛnu ya wɔli-kunyɛnu sigi anu kuma. Wonu ya wɔlɛ lagbɛlɛya anu kuma ka anu tɔrɔ. Isirɛla mɔgɛnu ya so-kura fila sɔ Iyipiti mansɛ wo ye, Pitɔm soe anubɛ Ramɛsisi soe ka wonu ma ata fen-namara-soenu na.

Bɔ-Koe-Iyipiti 1:22

A laban, mansɛ ya a fɔ mɔgɛ bɛɛsi ye ko, “Den-kei minnu ba sɔrɔn, wo ni wonu bi ka ta anu nafili Nayɛli bɛ rɔ ka dunmusinu kɛndɛ to.”

Bɔ-Koe-Iyipiti 1:8

Nba, mansa-kurɛ min sigira Iyipiti nyamanɛ rɔ, wo ma Yusufu lɔn nun.

Bɔ-Koe-Iyipiti 2:23

San siyaman tenbinɛ wo kɔma, Iyipiti mansɛ wo fagara. Isirɛla mɔgɛnu gbunyara yɔɔnyɛ kɔrɔ ka anu kan nabɔ Alla ma.

Bɔ-Koe-Iyipiti 2:25

ka to a mirila Isirɛla mɔgɛnuna tɔrɔyɛ wara-koe ma.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Emɔsi 4:1

Wole Samariya musu-ba-kunbanu Basan nyamanɛ rɔ, wo kunbayanɛ iko bɔrɔkɛ. Wo ni wo tole masɔ. Wo sa fɛlɛtenɛnu anubɛ bolo-kolɔnnu birala a kin na! Wo ye wola keinu fɔrɔsɛla alako anu ni to nala baan la wo ye tuma-wo-tuma.

Tɔn-Fɔɛ-Fila-Nyɔgɛ 26:7

Ma ya ma kan nabɔ ma benbanuta Alla ma ka di a dala. Mari Alla ya ma di-kɛ-kan lamɔɛn. A ya ma tɔrɔyanɛ yen.

1 Samuwɛli 9:16

“Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”