Bɔ-Koe-Iyipiti 3:20 - ALLALA KUMƐ

²⁰ N si nta ko-makilannɛnu yira Iyipiti mɔgɛnu na ka anu tɔrɔ. Wo kɔma, ale mansɛ si wo boloka.

Bɔ-Koe-Iyipiti 3:20 ပူးပေါင်းရင်းမြစ်များ

Ko-Dabirɛnu 15:14

Kɔnɔ nde si sibolo-gbɛrɛ wonu tɔrɔ minnu bi anu nawɔlila. Wo kɔma, n si a ma, i bɔnsɔn wonu ni bɔ nɔnfulu-siyaman na anu bolo nyamanɛ wo rɔ.

Nihɛmaya 9:10

I ya kabana-koenu nadan Iyipiti mansɛ kan ma ka wonu nadan Iyipiti kun-tiginu anubɛ nyamanita-mɔgɛnu kan ma. I ya wo ma le bawo i wara ila mɔgɛnuna tɔrɔya-nya yen anu bolo. I kɛ-nya le ya a ma, i ya tɔgɛ sɔrɔn, ado ha bi, i mankan ye nyɔ.

Yaburi 105:27

Anu ya Marita kabana-koenu nadan ka ko-makilannɛnu nadan Iyipiti nyamanɛ rɔ.

Yaburi 105:38

Iyipiti kɛnu kilannɛ anu na nun, ado anuna tɛ wo diyara anu ye.

Yaburi 106:22

A ya kabana-ko-siyaman ma nyɔ, ado a ya ko-nyima-belebele ma Kɔgɔ-Yi-Wulan la!

Bɔ-Koe-Iyipiti 11:1

Wo ya a taran, Mari ara a fɔ Musa ye ko, “A ara to kasara kelen n bi min sigila ale mansɛ anubɛ ala mɔgɛnu ma tun. Wo kɔma, a si wo boloka. Wo ni wo bɔ yan, ado nfan, a wa wo boloka tumɛ min, a si wo gben feufeu!

Bɔ-Koe-Iyipiti 12:39

Anu tenbi anuna kila-fandɛnu tela kan min, anu si anuna dɛgɛ wonu mintan nyɔ isiti sa min tɔ. Anu burimatoe bɔra Iyipiti nyamanɛ rɔ min kɛ, woletɔ anu ma fɛrɛ sɔrɔn ka isiti kɛ anuna dɛgɛ lamunnɛ wo rɔ hali ka dɔn-fen-gbɛrɛkɛ rabɛn anu nyɛrɛ ye.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 13:9

Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Bɔ-Koe-Iyipiti 4:21

Mari ya a fɔ Musa ye ko, “I wa sɛgi Iyipiti nyamanɛ rɔ tumɛ min, n bara i labila ko-makawanɛ minnu na kɛ la, i ni wonu nadan mansɛ yala. Hali wo, n si ale mansɛ yisi gbɛlɛya. A ti sɔn ka nta mɔgɛnu boloka.

Bɔ-Koe-Iyipiti 6:1

Mari ya a fɔ Musa ye ko, “N si na min ma ale mansɛ la, i si wo yen i nyɛrɛ yɛ la kaka. Nta sɛnbɛ si a ma, a ni wo boloka, ado a si wo gben ka wo labɔ ata nyamanɛ rɔ.”

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Bɔ-Koe-Iyipiti 9:15

A fɔ ale mansɛ ye ko n si ke n bole rasaganna le ale anubɛ ala mɔgɛnu kan ma ka kiraya-fitinɛ lagbɛlɛya anu kuma. Anu na ni to dogbe!

Aiseya 19:22

Mari si Iyipiti kɛnu tɔrɔ. Wo kɔma, a ni anu dandan. Anu si anu kɔ-sɛgi a ma, wo kɔma, Mari si a wɔlɔ matɔlɔ anu na ka anu dandan.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Isikiyɛli 20:33

“Nde, wo Tigi Mari ya n keli n nyɛrɛ rɔ, n bi Isirɛla mɔgɛnu makawandila ko n si mansayɛ kɛ anu kuma yisi-bɔɛ anubɛ n sɛnbɛ bɛɛ la.

Maika 7:15

Mari, i yandi, i ni ko-makawanɛ kɛ ma ye iko i ya a ma mala mɔgɛnu ye nya min nun anu bɔɛ Iyipiti nyamanɛ rɔ.

Kɛwɔlɛnu 7:36

A ya mɔgɛnu nabɔ Iyipiti nyamanɛ rɔ ka tamaserenu anubɛ kabana-koenu kɛ Iyipiti anubɛ Kɔgɔ-Yi-Wulan dafɛ. San bi-nani kɔrɔ, a ya ko-makawanɛ kɛ anu ye wula-da-rakolɔn rɔ.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Tɔn-Fɔɛ-Fila-Nyɔgɛ 6:22

Ma ya Marita kabana-koenu yen ma nyɛrɛ yɛ la nyɔ anubɛ a ya ko-makilannɛ minnu ma Iyipiti mansɛ anubɛ ata mɔgɛnu na.

Kɛlɛ-Kurugbɛnu 6:8

Isirɛla mɔgɛnuta Mari Alla ya nɛbi do lana anu ma. A ya a fɔ ko, “Mari ko ale le ya wole labɔ yɔɔnyɛ rɔ Iyipiti ka wo lana yan.

Kɛlɛ-Kurugbɛnu 8:16

Ale Kidiyɔn nara wɔnɛ minnu na a bolo ka bɔ wulɛ rɔ, a ya kun-tigi wonu gbesi wonu na ka anu tɔrɔ.