Bɔ-Koe-Iyipiti 29:43 - ALLALA KUMƐ

⁴³ Wole Isirɛla mɔgɛnu si nna tamasere taran nyɔ. Nta wan-takɛ si nta bɔn wo sɛninya.

Bɔ-Koe-Iyipiti 29:43 ပူးပေါင်းရင်းမြစ်များ

Bɔ-Koe-Iyipiti 25:22

Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”

Bɔ-Koe-Iyipiti 29:42

“Wo ni to saraka-mintantɛ kɛnu bɔla nde, Marita kata burɔ tenbi-bolɔn dafɛ n si kuma wo ye kan min tuma-wo-tuma ka a bi wole ma ha ka a sigi wo kegeyɛnu na.

Bɔ-Koe-Iyipiti 29:44

“N si nta bɔn anubɛ saraka-mintan-tinɛ wo sɛninya wo nya na le ka Aruna anubɛ ala den-keinu sɛninya fanan alako anu ni saraka-masɔ-wɔlɛ kɛ n ye.

Bɔ-Koe-Iyipiti 40:34

Marita banda-fin-gbɛ wo ya Fani-Bɔn wo yamatogon. Marita wan-takanɛ donta Fani-Bɔn wo la.

Bɔ-Koe-Iyipiti 40:35

Wo le ya a ma, Musa ma sisi donna Fani-Bɔn la wo wati rɔ.

Aiseya 60:1

Ile Yerusalɛm, i lasɔ, i silɛɛ ni tii i ma iko tele. Marita gbiliyɛ ye malanna i kuma.

Isikiyɛli 43:5

Marita Sɛnbɛ ya n bi ka ta n na Bato-Bon-lu-kole ma. N ya Bato-Bɔn lafanɛ yen Marita gbiliyɛ la.

Saraka-Masɔlɛnuta Tɔnnu 9:4

Wo kɔma, anu ni na tura kelen na anubɛ saga-yigi kelen ka wonu sa sarakɛ doi kɛnu kuma. Kɛnu filɛ fanan si ma yisi-kima-sarakɛ la. Anu ba na sarakɛ min nyɔgɔn na Mari ye, anu si na wo nyɔgɔn dɛgɛ la min tamaganɛ tuli la. Wo ni kɛnu ma bi bawo Mari si a nyɛrɛta tamasere yira wo la bi.”

Saraka-Masɔlɛnuta Tɔnnu 9:6

Musa ya a fɔ anu ye ko, “Mari ya wo sɔ ka kɛ damasi ma alako a si ata wan-takanɛ yira wo la.”

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!