Bɔ-Koe-Iyipiti 29:4 - ALLALA KUMƐ

⁴ I ni ta Aruna anubɛ ala den-keinu na Fani-Bɔn tenbi-bolɔn la ka anu ku yi la nyɔ.

Bɔ-Koe-Iyipiti 29:4 ပူးပေါင်းရင်းမြစ်များ

Bɔ-Koe-Iyipiti 26:36

“Anu bi kura-hakikɛ min kelela linɛn, wo ni wo ma bɔn don-da-kurɛ la. Mɔgɛ minnu kusan, wonu ni mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 29:3

I ni biredi anubɛ keki wonu sa sende kelen tɔ ka wo ma sarakɛ la n ye, anubɛ tura-bulan anubɛ saga-yigi fila.

Bɔ-Koe-Iyipiti 40:12

“I ni ta Aruna anubɛ ala den-keinu na Fani-Bɔn tenbi-bolɔn la ka anu ku yi la nyɔ.

Bɔ-Koe-Iyipiti 40:28

A ya saraka-mintan-tinɛ sigi Fani-Bɔn don-dɛ telen tɔ luyi ma. A ya saraka-mintantɛ anubɛ bu-munke mintan nyɔ kuma iko Mari ya a fɔ a ye nya min.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Isikiyɛli 42:14

Ni a taranta saraka-masɔlɛ do ye bɔla Bato-Bɔn la ka ta kata burɔ mɔgɔ-gbɛrɛnu nadɛnnɛ kan min, yanni a ni ta nyɔ, a si Marita saraka-masɔ-kurɛnu bɔ ka wonu to konko wonu na bawo kurɛ wonu sɛninyanɛ. A si a halala-kurɛnu don yanni a ni ta mɔgɛ doinu tɛma.”

Saraka-Masɔlɛnuta Tɔnnu 14:8

Kirayato-kɔrɛ wo si ala kurɛnu ku, wo kɔma, a si a fɛrɛ mumɛ masii. Wo kɔma fanan, a si a fɛrɛ-bɔnkɛ fanan ku. Hali wo, a sɛninyanɛ kɔnɔ a toe tonɛ a la. A si ta dagɛ rɔ kɔnɔ a kana don ala fani-bɔn la tele wɔrɔnfila kɔrɔ.

Yilan-Yilan Koe 8:9

Wo kɔma, i ni Lifayi bɔnsɔn-mɔgɛnu nadɛn nta Fani-Bɔn yakɔrɔ ka Isirɛla mɔgɛ bɛɛ ladɛn nyɔ.

Ɛfɛsa 5:26

A ara ata mɔgɛnu sɛninya kuma-sɛnimɛ anubɛ yi la alako a ni anu dantɛgɛ Alla ma.

Tɔn-Fɔɛ-Fila-Nyɔgɛ 23:11

Wurɛ la, a si a ku. Tele-kolo-wulan ma, a ni ta dagɛ rɔ a gbɛ rɔ.

Taita 3:5

a ya ma kisi. A ma ma kisi ka a tɛgɛ ma nyɛrɛta kɛwɔli-nyimɛnuna ko la de! A ya wo ma ala kinikinɛ lela ko la. A ya ma kisi ata Ni-Sɛnimɛ baraka rɔ min bi sɔrɔn-nya-kurɛ anubɛ ni-kurɛ dila ma ma. Ale le si mɔgɔ yisi ku ka a sɔn sɛninya,

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.