Bɔ-Koe-Iyipiti 29:33 - ALLALA KUMƐ

³³ Anu dɔrɔn si wo dɔn. Mɔgɔ-dogbɛrɛ kana anu dɔn fɔ minnu dantɛgɛnɛ nde, Alla ma kamasɔrɔn kɔli-fan wonu sɛninyanɛ le.

Bɔ-Koe-Iyipiti 29:33 ပူးပေါင်းရင်းမြစ်များ

Yaburi 22:26

Bolo-kolɔnnu si fa iko a di anu ye nya min. Minnu bi nala Mari bato tinɛ, wonu si a tanto. Alamɛ anu taranta anu diya anu siyi-tele-bɛɛ rɔ.

Bɔ-Koe-Iyipiti 29:32

Aruna anubɛ ala den-keinu ni soge wo dɔn anubɛ biredi-toe minnu bi sende rɔ ka a dɔn kata burɔ.

Saraka-Masɔlɛnuta Tɔnnu 1:4

A wa a bole sa ninki kunyɛ kuma, a si a hakɛ yamatogon wo fɛ.

Saraka-Masɔlɛnuta Tɔnnu 10:12

Musa ya a fɔ Aruna anubɛ ala den-keminɛnu Ɛliyasa anubɛ Itamarayi ye ko, “Anu bi nala dɛgɛ min na ka a di Mari ma, wo toe min bi tola, wo ni wo bi ka a ma biredi la kɔnɔ wo kana isiti kɛ a rɔ. Fɔ ni wo ya a dɔn saraka-mintan-tinɛ tɔgɔfɛ bawo a sɛninyanɛ le.

Yilan-Yilan Koe 16:40

Miran-sɛnima-dɛnfɛnɛ wonu si ma wo hɛnkili-bila-fan la tɔn ko ko mɔgɔ-wo-mɔgɔ kana isɛnti mintan nyɔ fɔ Aruna anubɛ a kegeyɛnu. Wonu denu dɔrɔn si a mintan nyɔ. Aruna kegeya ma minnu na, wonu fanan si halaki iko Kora anubɛ a gba-fɛ-bilalɛnu mara nya min.

Yilan-Yilan Koe 16:5

Wo kɔma, a ya a fɔ Kora anubɛ a ta-nyɔgɛ wonu ye ko, “Sina sɔgɔma, Mari si ata mɔgɛ yira ma la bawo Mari ye sɔnna mɔgɛ min na, a si mɔgɛ wo madon ale la.

Yilan-Yilan Koe 18:7

Wota dunɛ le kɛ la bawo n bara saraka-masɔ-wɔlɛ di wo ma. Mɔgɔ-wo-mɔgɔ min ma bɛn ka wɔlɛ wo kɛ, ni wo ya nyɛrɛmankolayɛ ladan, wo nyɛrɛ si faga.”

Yilan-Yilan Koe 3:10

Kɔnɔ i ni Aruna anubɛ ala dannu yabɔ ka anu ma saraka-masɔla-wɛnu na. Aruna anubɛ ala dannu dɔrɔn ni saraka-sɛnimɛ bɔ mɔgɛ bɛɛ ye. Ni mɔgɔ-wo-mɔgɔ ya a tui ka ma saraka-masɔlɛ la anu denu kɔma, wo tigi si faga.”

Yilan-Yilan Koe 3:38

Musa ani Aruna anubɛ ala dannu, wonu si anuna fani-bɔnnu sɔ Marita Fani-Bɔn yakɔrɔ tele-bɔɛ wara la. Anuta wɔlɛ le ka Marita Bɔn mumɛ bɛɛ fɛ-bira Isirɛla mɔgɛ bɛɛla ko la. Ni mɔgɔ-wo-mɔgɔ ya a gbɛrɛn Marita Bɔn wo ma anu kɔma, anu si wo tigi faga.

1 Kɔrɛnti 11:24

ka baraka bira Alla ye. A ban a rakerila, a ko, “N fɛrɛ-bɔnkɛ le kɛ la min bi wola ko la. Wo ni kɛ dɔn alako wo yili ni to n ko nya min.”

1 Kɔrɛnti 11:26

Wo tenbi biredi kɛ dɔnna ka wo min tuma-wo-tuma, wo si wo miri Marita saya-koe ma ka to a fɔla ha a ni na tumɛ min,