Bɔ-Koe-Iyipiti 29:2 - ALLALA KUMƐ

² I ni dɛgɛ-munku-hakikɛ do bi ka a ma biredi anubɛ keki la n ye, isiti sa minnu tɔ. Biredi tɔnkɔn kelan, tuli ni taran wo rɔ, a tɔnkɔn kelan, tulu kana taran wo rɔ. Wo ni tuli susa keki wonu ma.

Bɔ-Koe-Iyipiti 29:2 ပူးပေါင်းရင်းမြစ်များ

Bɔ-Koe-Iyipiti 12:8

Anu si soge wonu mintan ka anubɛ yanba-kun-kunanɛ donu dɔn anubɛ biredi-yɛlɛbɛlɛ suyi wo nyɛrɛ rɔ.

Bɔ-Koe-Iyipiti 29:23

Isiti sa biredi minnu tɔ, wo ara min di n ma nun, i ni biredi wo kelen bi sende rɔ. I ni biredi do bi fanan min tamaganɛ tuli la anubɛ keki kelen.

Bɔ-Koe-Iyipiti 29:3

I ni biredi anubɛ keki wonu sa sende kelen tɔ ka wo ma sarakɛ la n ye, anubɛ tura-bulan anubɛ saga-yigi fila.

Saraka-Masɔlɛnuta Tɔnnu 2:15

A si a yabasan tuli la ka isɛnti sa a kuma.

Saraka-Masɔlɛnuta Tɔnnu 6:13

Kɔnɔ tɛ wo kana dufen hali doni bɛrɛni! (2) Dɛgɛ-Munku-Sarakɛnu

Saraka-Masɔlɛnuta Tɔnnu 7:10

Dɛgɛ-munke-mintanbɛlɛ, ni a yabasannɛ tuli la, ka, ni a yabasanni ma tuli la, wo dama si to Aruna kebila-mɔgɛnu ye. Anu si a tala anu nyɔgɔn tɛma ka a rakɛnya. (6) Yisi-Kimɛ-Sarakɛnu

Saraka-Masɔlɛnuta Tɔnnu 7:12

Ni mɔgɛ do ye saraka sufa kɛnu bɔla, a si baraka bira Mari ye wonu fɛ. Mɔgɔ tenbi kolo-fan bɔla ka a di Mari ma, a si biredi do sa wo kuma isiti sa min tɔ. Ni a diyara a ye, a si biredi-dɔgɔmɛ mintan ka tuli sosa a kumɛ ma. Ka, ni a diyara a ye fanan, a si a ma biredi-kinamɛ la min yabasannɛ tuli la, ni wo ma, a si keki ladan min yabasannɛ tuli la.

Saraka-Masɔlɛnuta Tɔnnu 8:2

“Aruna anubɛ ala den-keminɛnu bi ka ta anu na nta Fani-Bɔn tenbi-bolɔn la. I ni na saraka-masɔ-kurɛnu na anubɛ tuli min si anu sɛninya nde, Mari yala. I ni na sarakɛ kɛnu na, tura-bulan min si ma hakɛ-sarakɛ la anubɛ saga-yigi fila anubɛ sende-nya kelen biredi la isiti sa min tɔ. Isirɛla mɔgɛ damasi ladɛn anu nyɔgɔn fɛ ka na wo taran nta Fani-Bɔn bolon dɛ la.”

Saraka-Masɔlɛnuta Tɔnnu 8:26

A ya biredi-lɔngbɔn kelen bi sende rɔ isiti sa min tɔ min dantɛgɛnɛ Mari ma. A ya biredi kelen bi fanan min tamagara tuli la anubɛ keki-dɔgɔmanɛ do. A ya wonubɛ sogo-kɛɛn sa bolo-nyimama-wore kuma

Yilan-Yilan Koe 6:15

Mɔgɛ min dantɛgɛnɛ Mari ma, wota wati-latɛgɛnɛ wa ke tumɛ min, a ni dɛgɛ-munku-hakikɛ do ma biredi-kinamɛ la min yabasannɛ tulu-hakikɛ la. Wo kɔma fanan, a ni dɛgɛ-munku-hakikɛ do ma biredi-dɔgɔmɛ la ka tuli sosa a kumɛ ma. A ni na sende-nya kelen na biredi wo su filɛ bɛɛ la isiti sa min tɔ ka wo ma sarakɛ la. Min tugunnɛ wo la, a ni na bu-gbɛngbɛnnɛ la anubɛ nɔnbɔ-gbɔ-yi la ka wonu di Mari ma.

Yilan-Yilan Koe 6:19

“Saraka-masɔlɛ wa saga-yigi wo kɛɛ te wati min, a ni biredi-kinama kelen anubɛ biredi-dɔgɔma kelen bi ka bɔ sende rɔ. A ni fen sawɛ wo bi anu nyɔgɔn fɛ ka wonu sa mɔgɔ-dantɛgɛnɛ wo bole tɔ.

1 Kɔrɛnti 5:7

Wo ni ko-yogoma-kɛlɛ wo gben wo tɛma. Wo si ma iko biredi-yɛlɛ-fan sa dɛgɛ min tɔ wo rɔ, ado ni hakɛ sifa sa wo tɛma, wole ara ban mala iko yɛlɛ-fen sa dɛgɛ min tɔ. Kirasiti ara ban mala sarakɛ la nun. Mata saga-dan le ale la mata Kanan-Ko-Ladiyɛ rɔ.