Bɔ-Koe-Iyipiti 29:13 - ALLALA KUMƐ

¹³ I ni a burɔ-kɛɛn bɛɛ bi anubɛ a benya-bɛrɛ anubɛ a kɔ-kili filɛ anubɛ anu kɛɛnnu ka wo bɛɛsi mintan saraka-mintan-tinɛ kuma hakɛ-sarakayɛ la.

Bɔ-Koe-Iyipiti 29:13 ပူးပေါင်းရင်းမြစ်များ

Yaburi 22:14

N sɛnbɛ bɛɛ ara ban fegba iko yi wa bon dugi ma. N natugurun-nya bɛɛsi ara bɔ anu nyɔgɔn na. N yisi ara lee iko li-kɛɛn.

Bɔ-Koe-Iyipiti 12:9

Anu kana a kuran dɔn. Anu kana a tenɛ dɔn fɔ ka anu mintan. A kunyɛ anubɛ a kiannu anubɛ a burɔ-fan bɛɛsi ni mintan gburr!

Bɔ-Koe-Iyipiti 29:18

I ni wo bɛɛsi mintan saraka-mintan-tinɛ kuma gburr! Wo mintan-sumɛ si a diya don n tɔ.

Bɔ-Koe-Iyipiti 29:22

“Mɔgɛ kɛnu dantɛgɛ-sarakɛ le saga-yigi kɛ la nde, Mari ma. I ni a kɛɛn mumɛ bɛɛ bi, a soreta kɛɛn anubɛ a kɔɛ, anubɛ a burɔ-kɛɛnnu ka wonu sa a benya anubɛ a kɔ-kili filɛ anubɛ a bolo-nyimama-wore kuma.

Bɔ-Koe-Iyipiti 29:25

I ni wonu bi anu bolo tɔ ka anu sa saraka-soge wonu kuma tɛ rɔ. Wonu sumɛ si a diya don nde, Mari rɔ.

Aiseya 1:11

A ko wo ye saraka-siyamɛ minnu dila a ma kɛ, wo miri ye a ma ko a ye nyinina wonu ma le, wa? Wo ye saga-sarakɛ minnu bɔla wo, wo ye kolo-fen-hakikɛ minnu kɛɛn bɔla sarakayɛ la wo, wonu sɔgɛ la ara bɔ a la lass! A ko a ara bandan wola kolo-fen-yelenu kɔrɔ, a tura wo, a saga wo, anubɛ a baa.

Aiseya 34:6

Anu kɛɛn anubɛ anu yele si don faan wo ma iko saraka-masɔlɛta saraka-boso-muri. Mari si sarakɛ kɛ bɔ Bɔsira soe burɔ, ado kɛ si ma kan-natɛgɛ-ba la Idɔm nyamanɛ rɔ.

Aiseya 43:24

woletɔ ma sa isɛnti sanna a ye tun. Ma sa a wasa-koenu kɛla ka to sogo-kɛɛn dila a ma. Kɔnɔ ma ara to ma hakɛ-dunɛnu sala a kuma. A ko ma ara to ko-yogomɛnu sigila a kuma min kɛ, wo ara a labandan.

Saraka-Masɔlɛnuta Tɔnnu 1:15

Saraka-masɔlɛ si kona wo bira ka a kan mɔrɔndɔ. A si a kunyɛ sa tɛ rɔ. A si a bɛrɛ bi ka a yele pusen saraka-mintan-tinɛ tɔnkɔn kelan ma.

Saraka-Masɔlɛnuta Tɔnnu 16:25

A si saraka-soge wonu kɛɛnnu mintan anu hakɛ-sarakayɛ la.

Saraka-Masɔlɛnuta Tɔnnu 17:6

Saraka-masɔlɛ si a yele pusen saraka-mintan-tinɛ tɔnkɔn rɔ ka anu kɛɛnnu mintan. Wo sumɛ si a diya don Mari rɔ.

Saraka-Masɔlɛnuta Tɔnnu 4:26

A si a kɛɛn bi ka a mintan saraka-mintan-tinɛ kuma iko komi a ya a ma yisi-kima-sarakɛ la nya min. Kun-tiginuta hakɛ-sarakɛ bɔ nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ. (4) Isirɛla Mɔgɔ-Toe Do Saraka-Bɔ-Nya

Saraka-Masɔlɛnuta Tɔnnu 4:31

A si a kɛɛn mumɛ bɛɛ bi iko anu ya yisi-kima-sarakɛ bɔ nya min. A si a mintan saraka-mintan-tinɛ kuma gburr! Wo le si a ma, a sumɛ si diya Mari ye. Isirɛla mɔgɛ toenu saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Saraka-Masɔlɛnuta Tɔnnu 4:35

A si a kɛɛn mumɛ bɛɛ bi iko anu ya yisi-kima-sarakɛ bɔ nya min. A si a mintan saraka-mintan-tinɛ kuma gburr! Wo le si a ma, a sumɛ si diya Mari ye. Isirɛla mɔgɛ toenuna saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Saraka-Masɔlɛnuta Tɔnnu 6:12

Tɛ min bi saraka-mintan-tinɛ kuma, wo ni to birala su-ke banda-ka. Sɔgɔma-wo-sɔgɔma, a si to sɔgɔ-kundi sɔla tɛ la. Wo wa ban wo mala, wo si sɔgɔma-saraka-mintantɛ sa tɛ rɔ anubɛ anu bi kɛɛn minnu bɔla yisi-kima-sarakayɛ rɔ.

Saraka-Masɔlɛnuta Tɔnnu 7:3

Wo si a kɛɛn mumɛ bi ka a sa tɛ rɔ saraka-mintan-tinɛ kuma. Wo si a kɔɛ anubɛ a kɛɛn bi anubɛ a burɔ-kɛɛnnu anubɛ

Saraka-Masɔlɛnuta Tɔnnu 7:31

Saraka-masɔlɛ wo si a kɛɛn wonu mintan kɔnɔ a sisi wo si to saraka-masɔlɛnu ye.

Saraka-Masɔlɛnuta Tɔnnu 7:4

a kɔ-kili filɛ anubɛ a benya-bɛrɛ.

Saraka-Masɔlɛnuta Tɔnnu 8:16

A ya tura-bulan wo burɔ-kɛɛnnu bi anubɛ a kɔ-kili filɛ ka wonu sa a benya-bɛrɛ kuma ka wo bɛɛ sa tɛ rɔ saraka-mintan-tinɛ kuma.

Saraka-Masɔlɛnuta Tɔnnu 8:25

A ya a kɔɛ anubɛ a kɛɛn bi anubɛ a burɔ-kɛɛn mumɛ bɛɛsi. Wo kɔma, a ya a kɔ-kili filɛ bi anubɛ a bolo-nyimama-wore ka wonu damasi sa a benya-bɛrɛ kuma.

Saraka-Masɔlɛnuta Tɔnnu 9:10

A kɛɛn wo, a kɔ-kili wo, a benya-bɛrɛ wo, a ya wonu sa tɛ rɔ saraka-mintan-tinɛ kuma ka anu mintan. A soge wo, a gbole wo, Aruna bɔra wonu na dagɛ kɔma ka wonu filɛ mintan nyɔ gburr! Anu ya a ma iko Mari ya a fɔ Musa ye nya min.

Saraka-Masɔlɛnuta Tɔnnu 9:19

A ya sarakɛ wonu kɛɛnnu bi anubɛ anu kɔ-kili filɛnu anubɛ anu benya-bɛrɛ ka wonu sa saraka-soge kɛ sisinu kuma ka a kɛɛnnu dɔrɔn sa tɛ rɔ saraka-mintan-tinɛ kuma.

Yilan-Yilan Koe 18:17

Kɔnɔ ni a mara turɛ la wo, saga-kɔndɔn la wo, baa-kɔrɔn la wo, anu kana wonu den fɔlɔtɛ wo keima fenfen kunka, fɔ ka wonu di nde, Mari ma ka wo ma sarakɛ la. Wo si wonu faga ka anu yele purupuru saraka-mintan-tinɛ kuma kɔnɔ a soge si to wole ye. Wo si a kɛɛnnu mintan, ado wo mintan-sumɛ si diya nde, Mari ye. Saraka-masɔla-kun-tigi si a bolo-nyimama-wore anubɛ a kɔgɔ-barasa-kole bi ka a lente-lente nde, Mari yakɔrɔ. Wo kɔma, a si ma wotɛ la.