Bɔ-Koe-Iyipiti 29:10 - ALLALA KUMƐ

¹⁰ “I ni ta turɛ wo la Fani-Bɔn tenbi-bolɔn la ka a ma Aruna anubɛ ala den-keinu hakɛ-sarakɛ la. Anu ni anu bole sa turɛ wo kunyɛ ma.

Bɔ-Koe-Iyipiti 29:10 ပူးပေါင်းရင်းမြစ်များ

Bɔ-Koe-Iyipiti 29:11

I ni a kan natɛgɛ Fani-Bɔn tenbi-bolɔn wo la.

Bɔ-Koe-Iyipiti 29:15

“I ni saga-yigi kelen fanan bi ka wo ma saraka-mintantɛ la nde, Mari ye. Aruna anubɛ ala den-keinu ni anu bole sa a kunyɛ ma.

Bɔ-Koe-Iyipiti 29:19

“I ni saga-yigi fila nyɔgɛ bi ka a ma Aruna anubɛ ala den-keinu dantɛgɛ-sarakɛ la nde, Mari ma. I ni a fɔ Aruna anubɛ ala den-keinu ye ko anu ni anu bole sa saga-yigi wo kunyɛ kuma.

Aiseya 53:6

Ma dama ara yilan-yilan iko sagɛnu. Bɛɛ ara ta a kun fɛ. Kɔnɔ Mari ara tɔrɔyɛ sigi ale ma ka a tɛgɛ mala ko-yogomɛnu ma.

Isikiyɛli 43:23

I wa ban wo la, i ni tura-bulan anubɛ saga-yigi do bi fanan, fɛɛ sa minnu na, kɔni,

Saraka-Masɔlɛnuta Tɔnnu 1:4

A wa a bole sa ninki kunyɛ kuma, a si a hakɛ yamatogon wo fɛ.

Saraka-Masɔlɛnuta Tɔnnu 16:21

Mɔgɛnu bara wunduyogoya-hakɛ minnu kɛ, anubɛ murutiya-hakɛnu, anubɛ ko-yogo sufa bɛɛ, Aruna si wo bɛɛ latenbi baa wo ma. A si a bolo filɛ sa baa wo kunyɛ kuma. Aruna si a sɔ anu hakɛ la anu bara min ma. Mɔgɔ kelen si bila baa wo fɛ ka a kɛndɛ gben. Baa wo si ta ha wulɛ rɔ.

Saraka-Masɔlɛnuta Tɔnnu 3:2

A si ninki wo bi ka na a la Marita Fani-Bɔn tenbi-bolɔn dafɛ. Saraka-bɔlɛ si a bole sa ninki kunyɛ kuma ka a kan natɛgɛ nyɔ. Saraka-Masɔla Aruna kebila-mɔgɛ donu si na ninki wo yele la saraka-bɔ-tinɛ ka a lakɛ saraka-bɔ-tinɛ tɔnkɔn nanɛ ma.

Saraka-Masɔlɛnuta Tɔnnu 4:4

A si na a la Marita Fani-Bɔn tenbi-bolɔn dafɛ ka a bole sa turɛ wo kunyɛ kuma ka a kan natɛgɛ nyɔ.

Saraka-Masɔlɛnuta Tɔnnu 8:14

Musa nara tura-bulan wo la anu hakɛ-sarakɛla ko la. Aruna anubɛ ala den-keminɛnu ya anu bole sa a kunyɛ ma.

Saraka-Masɔlɛnuta Tɔnnu 8:18

Musa banta wo mala tumɛ min, a nara a saga-yigi fɔlɔtɛ la ka a ma saraka-mintantɛ la. Aruna anubɛ ala den-keminɛnu ya anu bole sa wo kunyɛ kuma.

Yilan-Yilan Koe 8:12

Lifayi bɔnsɔn-mɔgɔ kelen-kelan ni anu bole sa tura-bulun fila filɛ kunyɛnu kuma. Tura-bulun kelen-kelan si ma hakɛ-sarakɛ la ka a to kelen-kelan fanan ma saraka-mintantɛ la. Anu ya wo ma anu hakɛ-yamatogon-fan la.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.