Bɔ-Koe-Iyipiti 28:9 - ALLALA KUMƐ

⁹ “Wo ni kuru-da-gbɛlɛ fila bi minnu tɔgɛ ɔnikisi ka Isirɛla bɔnsɔn-mɔgɔ tan-ni-fila tɔgɛ sɛbɛ wonu ma.

Bɔ-Koe-Iyipiti 28:9 ပူးပေါင်းရင်းမြစ်များ

Ko-Dabirɛnu 2:12

Sɛnɛ-hakikɛ anubɛ tulu-suma-diyamɛ anubɛ kuru-da-gbɛlɛmɛnu bi nyɔ le.

1 Ko-Kɔrɔta-Karan 29:2

N bara n se-koe-bɛɛ kɛ ka n taya Bato-Bon-mirannu-nyinɛ ma. Sɛnɛ wo, wodi-gbɛ wo, sila wo, nɛgɛ wo, kɔlɔma-lɔngbɔn wo, dugu-kɔrɔ-nɔnfulu-su bɛɛsi wo, kuru-lɛsɛtɛnu wo, n bara wonu nadɛn Bato-Bon sɔ-ko-wɔlɛ kɛla ko la.

2 Ko-Kɔrɔta-Karan 2:7

Woletɔ i yandi, boloma-wɔli-kɛlɛ donu nana n ma minnu kusan sɛnɛ anubɛ wodi-gbɛ anubɛ silɛɛ anubɛ nɛgɛ ladanna. Wo kɔma, i ni mɔgɛnu nana n ma minnu kusan kura-bilolamɛ anubɛ kura-wulan anubɛ kura-finyɛ ladanna. Wonu ni na kofu nna boloma-wɔli-kɛlɛnu ma, n fa Mansa Dawuda ya minnu yabɔ Yerusalɛm soe burɔ Yuda nyamanɛ kɛ rɔ.

Yobu 28:16

Hali sɛnɛ-bɛrɛ anubɛ kuri minnu dɛ gbɛlɛ ha ka a dan-natenbi, wonu mɔlɔn ti ke hɛnkilimayɛtɛ rɔ.

Bɔ-Koe-Iyipiti 25:7

Kuru-da-gbɛlɛ do min tɔgɛ ɔnikisi, i ni wonu bira anu bolo anubɛ kuru-da-gbɛlɛ sifa donu. Kuri kɛ donu si sa saraka-masɔla-wɛla kura-kundi-fugbɛ anubɛ a kɔgɔ-dala-kurɛ ma.

Bɔ-Koe-Iyipiti 28:10

Kuru-lɛsɛlɛ min kusan, wo si bɔnsɔn wɔrɛ tɔgɛ sɛbɛ kuru kelan ma. Wo kɔma, a si bɔnsɔn wɔrɛ doi tɔgɛ sɛbɛ kuri doi ma iko anu sɔrɔnta nya min. Wo ni na wonu sa sɛnɛ-mɔlɔni fila tɛma.

Bɔ-Koe-Iyipiti 28:20

A gbaranda nani nyɔgɛ wo kurinu tɔgɛ le kɛnu na, bɔrɔ wo, ɔnikisi wo, anubɛ yasipa. Wo ni sɛnɛ-mɔlɔnɛ do ladan kuru-da-gbɛlɛ kɛnu si sa min tɔ ka anu kankan kɔgɔ-dala-kurɛ kɛ ma.

Bɔ-Koe-Iyipiti 28:36

“Wo ni sɛnɛ ladan ka a ma fagbatara! Wo ni a sɛbɛ sɛnɛ wo ma ko, ‘Mɔgɛ Kɛ Dantɛgɛnɛ Mari Le Ma.’

Bɔ-Koe-Iyipiti 28:8

Buta-kiri-fan min nadannɛ iko kura-kundi-fugbɛ wo, wo ni wo tugun kura-kundi-fugbɛ wo la. Wo ni linɛn-kurɛ ladan buta-kiri-fan wo la. Anu ni yesekara-yalafinyɛ anubɛ yesekara-bilolamɛ anubɛ yesekara-wulan anubɛ sɛnɛ-yesekari sɔgɔ wo ma.

Bɔ-Koe-Iyipiti 31:5

A si ke kuru-da-gbɛlɛnu anubɛ kɔlɔmanu lɛsɛla ka kusanya wɔli-siyaman kɛla.

Bɔ-Koe-Iyipiti 39:13

A gbarandɛ nani nyɔgɛ wo kurinu tɔgɛ le kɛnu na, bɔrɔ wo, ɔnikisi wo, anubɛ yasipa. Anu ya sɛnɛ-mɔlɔnɛ do ladan kuru-da-gbɛlɛ kɛnu si sa min tɔ ka anu kankan kɔgɔ-dala-kurɛ kɛ ma.

Bɔ-Koe-Iyipiti 39:6

Anu ya kuru-da-gbɛlɛ fila bi minnu tɔgɛ ɔnikisi. Anu ya Isirɛla bɔnsɔn-mɔgɔ tan-ni-filɛ tɔgɛ sɛbɛ wonu ma. Anu ya kuri wonu sigi tinɛ ladan sɛnɛ-mɔlɔnɛ wo rɔ.

Keninteya-Siginu 8:6

Mɔgɔ-wo-mɔgɔ kana diya i ye nde kɔma. I kana i bole don musu-wo-musu kawɛ kɔrɔ nde kɔma. Fen de keninteyɛ la min makawara iko sayɛ. Keliyɛ fanan gbɛlɛ iko sayɛ. Keliyɛ mani de iko ta-mɛlɛn-nɛ wa a labɔ woron-gbalɛ ma.

Aiseya 49:16

Mari ko a ti nyina male Yerusalɛm kɛnu ko hali! A ara ma tɔgɛ sɛbɛ a kɔɛn burɔ gbarr!

Isikiyɛli 28:13

A siginɛ nde, Allata nakɔɛ rɔ nun Idɛn. Kuru-da-gbɛlɛnu denu manɛ a makiri-fan la. Wonu tɔgɛ le kɛnu na, rubi wo, daimon wo, topasi wo, bɔrɔ wo, ɔnikisi wo, yasipa wo, safaira wo, ɛmarɔdi wo, anubɛ tukɔsi. Kuri bɛɛ siginɛ sɛnɛ tɛma. Kɛ bɛɛ rabɛnta a ye, kebi a bɔnkɛ kɔra lunyɛ min.

Sakaraya 9:16

Wo tele nyɛrɛ wa na, Mari wota Alla si wole, ala mɔgɛnu nakisi iko saga-fɛ-biralɛ si ala sagɛnu nakisi nya min. Wo si malan ata nyamanɛ kuma iko kuru-da-gbɛlɛmɛnu.