Bɔ-Koe-Iyipiti 28:41 - ALLALA KUMƐ

⁴¹ I ni wonu don i kɔrɔ-kei Aruna anubɛ ala den-keinu kan na. I ni dantɛgɛ-tuli kɛ anu kunyɛ rɔ ka anu dantɛgɛ nde, Alla ma alako anu ni wɔlɛ kɛ nde ye saraka masɔ tinɛ.

Bɔ-Koe-Iyipiti 28:41 ပူးပေါင်းရင်းမြစ်များ

Bɔ-Koe-Iyipiti 28:1

“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 28:4

Mɔgɛ wonu bi kurɛ minnu nadanna, wo le kɛnu na, kɔgɔ-dala-kurɛ wo, kura-kundi-fugbɛ wo, duruku-ba-wɛ wo, duruku-kɔrɔ-donyɛ min sɔgɔnɛ wo, saraka-masɔla-wɛta fulɛ wo, anubɛ a butɛ-kiri-fan. Anu ni kura-sɛnimɛ wonu kara Aruna anubɛ ala den-keinu ye alako anu ni saraka-masɔ-wɔlɛ kɛ n ye.

Bɔ-Koe-Iyipiti 29:24

I ni wo bɛɛ don Aruna anubɛ ala den-keinu bolo alako anu ni biredi wo bi ka a dantɛgɛ nde ma ka a ma kɔ-fan la nde, Mari ye.

Bɔ-Koe-Iyipiti 29:35

“I ni a ma iko n bara a fɔ Aruna anubɛ ala den-keinu na ko la nya min kɛ la. Anuna dantɛgɛ koe nde, Alla ma, wo si ma tele wɔrɔnfila la.

Bɔ-Koe-Iyipiti 29:7

I ni dantɛgɛ-tuli do bi ka a kɛ a kunyɛ rɔ, ka a dantɛgɛ nde, Mari ma.

Bɔ-Koe-Iyipiti 29:9

I ni Aruna anubɛ ala den-keinu butɛ kiri buta-kiri-fannu na ka saraka-masɔ-fulɛnu don anu kunyɛ la. Saraka-masɔ-wɔlɛ si ma habadan-tɔn la anu ye. “I ni Aruna anubɛ ala den-keinu dantɛgɛ nde, Alla ma ka le.

Bɔ-Koe-Iyipiti 30:35

I ni wonu nakofu ka anu ma isɛnti la ka a yabasan iko wo si sɛnti yabasan nya min. Wo ni kɔgɛ kɛ a rɔ alako a ni sɛninya.

Bɔ-Koe-Iyipiti 40:13

I ni saraka-masɔla-wɛta makiri-mirannu bila Aruna kan na. I ni dantɛgɛ-tuli wo do bi ka a kɛ a kunyɛ rɔ ka a dantɛgɛ nde, Mari ma woletɔ a si nta saraka-masɔ-wɔlɛ kɛ.

Bɔ-Koe-Iyipiti 40:15

ka tuli kɛ anu fanan kunyɛ rɔ iko i ya a ma anu fa la nya min. Anu fanan si nta saraka-masɔ-wɔlɛ kɛ. I wara tuli min kɛ anu kunyɛ rɔ kɛ la, wo si a ma, anu si to saraka-masɔ-wɔlɛnu kɛla n ye ha tumɛ min di nde, Alla ye.”

Aiseya 10:27

Mari ko wati wo wa ke, a ko a si wo bɔ Asiriyanu bolo la. Wo ti ma yɔɔnnu na anu kɔrɔ tun.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Isikiyɛli 43:26

Tele wɔrɔnfilɛ wo kɔrɔ, saraka-masɔlɛnu bi saraka-mintan-tinɛ dantɛgɛla alako a ra ni bɛn ala wɔlɛ-koe la.

Saraka-Masɔlɛnuta Tɔnnu 10:7

Kɔnɔ wole, fɔ ni wo tora Marita Fani-Bon-dɛ la bawo anu bara ban wo dantɛgɛla Mari ma tulu-sɛnimɛ la. Ni wo bɔra nyɔ rɔ, wo si faga.” Anu ya a ma iko Musa ya a fɔ anu ye nya min.

Saraka-Masɔlɛnuta Tɔnnu 16:24

Wo kɔma, a si a ku nyɔ ka a nyɛrɛta kurɛnu bi. A wa ban a mayɛlɛmana tumɛ min, a si bɔ luyi ma ka saraka-mintantɛ saga-yigi filɛ wonu kan natɛgɛ ka anu mintan gburr! A wa ban kɛnu mintanna, wo si ale anubɛ Isirɛla mɔgɛnuna hakɛ yamatogon.

Yilan-Yilan Koe 16:5

Wo kɔma, a ya a fɔ Kora anubɛ a ta-nyɔgɛ wonu ye ko, “Sina sɔgɔma, Mari si ata mɔgɛ yira ma la bawo Mari ye sɔnna mɔgɛ min na, a si mɔgɛ wo madon ale la.

Yɔni 3:34

Alla ara min sɔ, wo si Allala kumɛ fɔ bawo Alla le si ala Ni-Sɛnimɛ di a ma duk!

Hiburunu 5:4

Mɔgɛ wa ma saraka-masɔla-kun-tigi-wɛ la, gbiliyɛ le wo la. Kɔnɔ mɔgɔ-wo-mɔgɔ ti sɔ tinɛ wo bi a nyɛrɛ ma bawo a ye nyinina a ma fɔ Alla wa a kele iko ma benba Aruna keleta nya min.

Hiburunu 7:28

Alla ya tɔn min di Nɛbi Musa ma, wo ya mɔgɛnu yatɔnbɔn alako anu ni ma saraka-masɔla-kun-tigi-wɛnu na hali anu ma telen wo nya. Kɔnɔ Allata kelili sanɛ lanyiri min kuma, wo nara Nɛbi Musala tɔn kɔma le. Wo ye ata dan le yabɔla min si Allata ko-latɛgɛnɛ kanbali habadan!

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.