Bɔ-Koe-Iyipiti 28:4 - ALLALA KUMƐ

⁴ Mɔgɛ wonu bi kurɛ minnu nadanna, wo le kɛnu na, kɔgɔ-dala-kurɛ wo, kura-kundi-fugbɛ wo, duruku-ba-wɛ wo, duruku-kɔrɔ-donyɛ min sɔgɔnɛ wo, saraka-masɔla-wɛta fulɛ wo, anubɛ a butɛ-kiri-fan. Anu ni kura-sɛnimɛ wonu kara Aruna anubɛ ala den-keinu ye alako anu ni saraka-masɔ-wɔlɛ kɛ n ye.

Bɔ-Koe-Iyipiti 28:4 ပူးပေါင်းရင်းမြစ်များ

2 Samuwɛli 6:14

Kila-birɛ anu bolo tun, Mansa Dawuda ya a dɔn a sɛbɛ-kuna-wɛ la ka Mari gbiliya. A ya a gbu makolonya fɔ linɛn-kura-hakikɛ do, a ya wo le ma kufama la.

Bɔ-Koe-Iyipiti 25:7

Kuru-da-gbɛlɛ do min tɔgɛ ɔnikisi, i ni wonu bira anu bolo anubɛ kuru-da-gbɛlɛ sifa donu. Kuri kɛ donu si sa saraka-masɔla-wɛla kura-kundi-fugbɛ anubɛ a kɔgɔ-dala-kurɛ ma.

Bɔ-Koe-Iyipiti 29:6

I ni saraka-masɔla-wɛta fulɛ don a kunyɛ la ka sɛnɛ-fagbatarɛ kiri fulɛ wo ma.

Bɔ-Koe-Iyipiti 39:28

Anu ya linɛn-kura-hakikɛ ma saraka-masɔlɛnuna fulɛnu na anubɛ anuta kurusi-kundinu.

Aiseya 11:5

A si ala mɔgɛnu mara lanayɛ anubɛ telenbagayɛ la.

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Ɛfɛsa 6:14

Wo ni wo rabɛn ka wo sɔ yiri! Wo ni wo buta kiri tonyɛ la. Wo ni telenbagayɛ ma wo kɔgɔ-matanka-fan la.

1 Tɛsalonaika 5:8

Kɔnɔ teleta-mɔgɛ le male la, woletɔ fɔ ma ni ma hɛnkili masɔ. Ma ni dɛnkɛninyɛ anubɛ keninteyɛ don iko kɔgɔ-matanka-fan. Alla ara lɔnnɛ min di ma ma ko ma ara kisi, wo ni ma mala kɛlɛ-kɛ-fulɛ la.

Lankɛnimayɛ 9:17

Nna ko-rayirɛ wo rɔ, n ya soeenu yen anubɛ minnu siginɛ anu kuma. Kɔgɔ-matanka-fan minnu wulennɛ iko tɛ, wo ye anu bolo anubɛ a bilolamɛ iko kuru-da-gbɛlɛ min tɔgɛ safaira anubɛ min nɛrɛ-munkulamɛ. Soee wonu kunyɛnu mani de iko yarɛnutɛ. Tɛ anubɛ ta-sisi anubɛ munku-gbɛ ye bɔla anu da rɔ.

1 Samuwɛli 2:18

Wo wati ya a taran, Samuwɛli dennɛ le nun. A ye wɔlila Mari ye. A si linɛn-fɔlɔnfalan bila a kan na min manɛ iko saraka-masɔlɛnuta fɔlɔnfalan-natankanɛ.

1 Samuwɛli 22:18

Woletɔ Mansa Sɔli ya a fɔ Dowɛgi ye ko, “Nba, ile ni anu faga.” Idɔm kɛ Dowɛgi, wo ya a ya-lamunun anu na ka anu dama faga. Wulɔn tele rɔ, Dowɛgi ya saraka-masɔla mɔgɔ bi-segin ani mɔgɔ loli (85) faga a bɛnnɛ minnu ni saraka-masɔ-fɔlɔnfalan wo don.

1 Samuwɛli 23:6

Saraka-Masɔla Ahimɛlɛkila den Abiyatari ya a dogon tumɛ min ka ta kofu Dawuda ma Kiyaila, a tara saraka-masɔ-fɔlɔnfalan la a bolo.

1 Samuwɛli 30:7

Dawuda ya a fɔ Ahimɛlɛkila den Saraka-Masɔla Abiyatari ye ko, “Na saraka-masɔ-fɔlɔnfalan la n ye alako n si Alla sako lɔn nya min.” Wo nara wo don a bolo.