Bɔ-Koe-Iyipiti 28:33 - ALLALA KUMƐ

^33-34 Kɔlɔma-gbɔɛ min tɔgɛ pamakarani, wo ni wola muninyɛnu nadan duruki wo da-gbole la. Wo ni wonu nadan yesekara-yalafinyɛ anubɛ yesekara-bilolamɛ anubɛ yesekara-wulan la ka wonu ma duruki wo da-gbole bunsan la. Wo ni sɛnɛ-tɛlan-dɔgɔmanɛnu kiri tala pamakaranila muninyɛ wonu tɛma duruki wo da-gbole la.

Bɔ-Koe-Iyipiti 28:33 ပူးပေါင်းရင်းမြစ်များ

1 Mansɛnu 7:18

A ya kɔn-gbɔɛ dola muninyɛ ladan silɛɛ la min tɔgɛ pamakarani. A ya wo gbaranda fila dun a yalɛ wonu na san ma.

2 Mansɛnu 25:17

Sɛnbɛrɛn-kɔn wonu takɛn. Anuna yanyɛ ya nunkan-nya tan-ni-segin tan-ni-segin bɔ. Anu kunna-sɛnu natugunnɛ anu na. Kunna-sɛ wonuna yanyɛ nunkan-nya sawa-sawa. Kunna-sɛ wonu nafoonɛ sila-yalɛnu na. Kɔn-gbɔɛ min tɔgɛ pamakarani, anu ya wola muninyɛ ladan silɛɛ la nun. Wonu tugunnɛ kunna sɛ wonu na sila-yalɛla minɛ rɔ a kuma.

Yaburi 133:2

Wo mani de iko Isirɛla mɔgɛnu ba anu nadɛn dantɛgɛ-tuli-kɛ-tinɛ Aruna salɛ rɔ nun. Tuli wo si yigi nun a buyɛ ma ha ala duruki kan ma.

Bɔ-Koe-Iyipiti 28:32

Wo ni duruki wo kan tɛgɛ ka saraba sa duruki wo kan ma woletɔ nyɔ ti fara yona.

Sakaraya 14:20

Wo wati rɔ, hali soeenu kanna-tɛlan, anu si a sɛbɛ tɛlan wonu ma ko, “Dantɛgɛnɛ Mari Ma.” Hali fen-te-daga minnu bi Bato-Bɔn la, wonu sɛninyanɛ si taran iko saraka-mintan-tinɛ mirannu bi nya min.