Bɔ-Koe-Iyipiti 28:29 - ALLALA KUMƐ

²⁹ “Aruna tenbi Kan-Tina-Sɛnimɛ rɔ tumɛ min, a ni a makiri-miran don a kan na Isirɛla bɔnsɔn tan-ni-filɛ tɔgɔ sɛbɛnɛ min ma. A kiri kura-kundi-fugbɛ ma, woletɔ nde, Alla si n hɛnkili to anu ko tuma-wo-tuma, ni a yogoma ma.

Bɔ-Koe-Iyipiti 28:29 ပူးပေါင်းရင်းမြစ်များ

Bɔ-Koe-Iyipiti 28:12

Wo ni kuru filɛ wonu sa saraka-masɔla-wɛta kura-kundi-fugbɛ kɛɛ filɛ kuma. Anu si ma tamasere-kurinu na alako nde, Mari yili ni to Isirɛla mɔgɛnu ko. Aruna si kura-kundi-fugbɛ wo don a kan na. Wo si ma yili to kurinu na a kanban kun filɛ kuma nde, Mari ye.

Bɔ-Koe-Iyipiti 28:15

“Wo ni linɛn-kurɛ bi ka a ma kɔgɔ-dala-kurɛ la. Wo si ma nde, Alla sako-lɔn-fan la. Wo ni a ladan iko saraka-masɔlɛta kura-kundi-fugbɛ la si dan nya min. Wo ni a sɔgɔ yesekara-yalafinyɛ anubɛ yesekara-bilolamɛ anubɛ yesekara-wulan anubɛ sɛnɛ-yesekari la.

Bɔ-Koe-Iyipiti 28:28

Wo ni kɔgɔ-dala-kurɛ dɛɛn-kɔlɔni filɛ doi fanan kiri saraka-masɔlɛta kura-kundi-fugbɛ la. Wo ni a kiri anu nyɔgɔn na yili-kolo-bilolamɛ la wo nya alako kɔgɔ-dala-kurɛ ni to a butɛ-kiri-fan kan tɔ. Wo le si a ma, kɔgɔ-dala-kurɛ ti bɔ saraka-masɔla-wɛta kura-kundi-fugbɛ wo la.

Bɔ-Koe-Iyipiti 28:30

Wo si nde, Alla sako-lɔn-fen filɛ minnu fɛ minnu tɔgɛ Yurim anubɛ Tumin, i ni wonu sa kɔgɔ-dala-kurɛ wo yifɛ rɔ. Aruna wa don nde, Marita Fani-Bɔn la tumɛ min, wonu ni to a kɔgɔ dɛ rɔ ka nde sako lɔn Isirɛla mɔgɛnuna ko la.”

Keninteya-Siginu 8:6

Mɔgɔ-wo-mɔgɔ kana diya i ye nde kɔma. I kana i bole don musu-wo-musu kawɛ kɔrɔ nde kɔma. Fen de keninteyɛ la min makawara iko sayɛ. Keliyɛ fanan gbɛlɛ iko sayɛ. Keliyɛ mani de iko ta-mɛlɛn-nɛ wa a labɔ woron-gbalɛ ma.

Yɛrɛmaya 30:21

Wola kun-tigi si bɔ wo nyɛrɛ rɔ. Wola mɔgɔ-bɛrɛbɛrɛ le wo lamarala. Mari ko a wa kun-tigi wo rakele, wo si a gbɛrɛn a ma, ado yon si ke a gbɛrɛnna ale Mari ma, ni a ma min takele? A ko wole si ma ata mɔgɛnu na, ale si ma wota Alla la. Ale Mari kan le kɛ la.

Romu 10:1

A sɔgɛ ye n na bɛrɛbɛrɛ-wɛ-kɛ ko n na-kelen-nyɔgɔ Yahudiyanu ni kisi! N bi Alla matarala anu ye dɛɛ!