Bɔ-Koe-Iyipiti 28:1 - ALLALA KUMƐ

¹ “Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 28:1 ပူးပေါင်းရင်းမြစ်များ

1 Ko-Kɔrɔta-Karan 23:13

Ala sarɛ, Amiram, wo ya Aruna anubɛ Musa sɔrɔn. (Alla ya Aruna anubɛ a kegeyɛnu yabɔ alako anu ni ma ata mɔgɔ-yabɔnɛnu na burubukai! Anu si to sarakɛnu mintanna Mari ye. Anu si to miran-sɛnimɛnu fɛ-birala ka duwa mɔgɛnu ye ale Alla tɔgɛ rɔ.

1 Ko-Kɔrɔta-Karan 6:10

Yohenan ya Asaraya sɔrɔn min ya saraka-masɔ-wɔlɛ kɛ Mansa Silamɛnita Bato-Bon-sɔnɛ la.

1 Ko-Kɔrɔta-Karan 6:34

Samuwɛli fa le Ɛlakena la. Ɛlakena fa le Yɛroham la. Yɛroham fa le Iliyɛli la. Iliyɛli fa le Towa la.

2 Ko-Kɔrɔta-Karan 11:14

Anu ya anuna bɔnnu anubɛ anuna kolo-fen de-nyini-tinɛnu boloka ka ta Yuda nyamanɛ anubɛ Yerusalɛm soe burɔ bawo Isirɛla Mansa Yɛrabowami anubɛ ala dannu ma sɔn anu ni anuta saraka-masɔ-wɔlɛ kɛ Mari ye.

Yaburi 115:10

Wole minnu bi sarakɛnu masɔla Alla ye, wo ni la Mari la. Ale le ye wo dɛnbɛna ka wo lakanan.

Yaburi 99:6

Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

Bɔ-Koe-Iyipiti 24:1

Mari ya a fɔ Musa ye ko, “I ni Aruna bi anubɛ Nedabu anubɛ Abaihu ka wonu sa Isirɛla kun-tigi bi-wɔrɔnfila kuma. I ni yɛlɛ wonu na kɔnkɛ bu la ka nde, Mari bato.

Bɔ-Koe-Iyipiti 24:9

Musa ya Aruna anubɛ ala den-kei filɛ bi, Nedabu anubɛ Abaihu, kɔni, ka wonu sa Isirɛla kun-tigi bi-wɔrɔnfila kuma ka ta anu na kɔnkɛ wo bu tɛma.

Bɔ-Koe-Iyipiti 28:41

I ni wonu don i kɔrɔ-kei Aruna anubɛ ala den-keinu kan na. I ni dantɛgɛ-tuli kɛ anu kunyɛ rɔ ka anu dantɛgɛ nde, Alla ma alako anu ni wɔlɛ kɛ nde ye saraka masɔ tinɛ.

Bɔ-Koe-Iyipiti 29:1

“I wa wuli Aruna anubɛ ala dannu dantɛgɛla nde, Alla ma saraka-masɔ-wɔlɛla ko la tumɛ min, i si na sarakɛ kɛnu na, tura-bulan kelen anubɛ saga-yigi fila, fɛɛ sa minnu na.

Bɔ-Koe-Iyipiti 29:44

“N si nta bɔn anubɛ saraka-mintan-tinɛ wo sɛninya wo nya na le ka Aruna anubɛ ala den-keinu sɛninya fanan alako anu ni saraka-masɔ-wɔlɛ kɛ n ye.

Bɔ-Koe-Iyipiti 29:9

I ni Aruna anubɛ ala den-keinu butɛ kiri buta-kiri-fannu na ka saraka-masɔ-fulɛnu don anu kunyɛ la. Saraka-masɔ-wɔlɛ si ma habadan-tɔn la anu ye. “I ni Aruna anubɛ ala den-keinu dantɛgɛ nde, Alla ma ka le.

Bɔ-Koe-Iyipiti 30:30

“I ni tulu-sɛnimɛ wo do sisa Aruna anubɛ ala den-keinu ma ka anu dantɛgɛ nde, Alla ma alako anu ni nta saraka-masɔ-wɔlɛ kɛ.

Bɔ-Koe-Iyipiti 31:10

Anu ni Aruna anubɛ ala den-keinuna saraka-masɔ-kura-sɛnimɛnu nadan.

Bɔ-Koe-Iyipiti 35:19

Wo ni makiri-fen-sɛnimɛnu nadan Aruna anubɛ ala den-keinuna saraka-masɔ-wɔlɛla ko la anu si minnu dun anu kan na kan-tina-sɛnimɛ wo rɔ.”

Bɔ-Koe-Iyipiti 6:23

Amiramta dan Aruna ya Aminadabula dunmusi Ɛlisiba furu. Neson tirisan-musu-bɛrɛbɛrɛ le Ɛlisiba wo la. Musi wo ya Nedabu wo, Abaihu wo, Ɛliyasa wo, anubɛ Itamarayi sɔrɔn Aruna ye.

Saraka-Masɔlɛnuta Tɔnnu 10:1

Arunala den-kei filɛ Nedabu anubɛ Abaihu, wonu ya ta-wɔlɔn bi ka a sa anuna ta-kɔ-mirannu tɔ. Anu ya isɛnti-munke bi ka a kɛ ta-wɔlɔn wo kuma miran wonu tɔ. Anu ya wonu bi ka anu di Mari ma kɔnɔ Mari ma sɔn wonu na bawo a ma bɛn, anu ni a ma wo nya na Mari ye.

Saraka-Masɔlɛnuta Tɔnnu 10:12

Musa ya a fɔ Aruna anubɛ ala den-keminɛnu Ɛliyasa anubɛ Itamarayi ye ko, “Anu bi nala dɛgɛ min na ka a di Mari ma, wo toe min bi tola, wo ni wo bi ka a ma biredi la kɔnɔ wo kana isiti kɛ a rɔ. Fɔ ni wo ya a dɔn saraka-mintan-tinɛ tɔgɔfɛ bawo a sɛninyanɛ le.

Saraka-Masɔlɛnuta Tɔnnu 7:35

“A mara Aruna anubɛ ala den-keminɛnu na wo nya na le wo tumɛ anu bi anu dantɛgɛla Mari ma ka saraka-masɔ-wɔlɛ kɛ.

Saraka-Masɔlɛnuta Tɔnnu 8:1

Mari ya a fɔ Musa ye ko,

Saraka-Masɔlɛnuta Tɔnnu 8:2

“Aruna anubɛ ala den-keminɛnu bi ka ta anu na nta Fani-Bɔn tenbi-bolɔn la. I ni na saraka-masɔ-kurɛnu na anubɛ tuli min si anu sɛninya nde, Mari yala. I ni na sarakɛ kɛnu na, tura-bulan min si ma hakɛ-sarakɛ la anubɛ saga-yigi fila anubɛ sende-nya kelen biredi la isiti sa min tɔ. Isirɛla mɔgɛ damasi ladɛn anu nyɔgɔn fɛ ka na wo taran nta Fani-Bɔn bolon dɛ la.”

Yilan-Yilan Koe 18:7

Wota dunɛ le kɛ la bawo n bara saraka-masɔ-wɔlɛ di wo ma. Mɔgɔ-wo-mɔgɔ min ma bɛn ka wɔlɛ wo kɛ, ni wo ya nyɛrɛmankolayɛ ladan, wo nyɛrɛ si faga.”

Yilan-Yilan Koe 26:61

Nedabu anubɛ Abaihu nara tɛ la Marila saraka-bɔ-tinɛ kuma a ma bɛn anu ni na min na. Wo le ya a ma, Mari ya anu faga nyɔ rɔ.

Luka 1:8

Lunyɛ do, Sakarayata saraka-masɔ-nyɔgɛnu bi anuta wɔli kɛla Alla ye Bato-Bɔn la.

Tɔn-Fɔɛ-Fila-Nyɔgɛ 10:6

Isirɛla mɔgɛnu bɔra Yekan kebila-mɔgɛnuna kɔlɔn dafɛ tumɛ min ka ta anu sigi kan tinɛ min tɔgɛ Mɔsɛra, Aruna fagara nyɔ le. Anu ya a togon nyɔ. Ala den-keminɛ Ɛliyasa, wo ya a gbɛ bi ka saraka-masɔ-wɔlɛ kɛ.

Tɔn-Fɔɛ-Fila-Nyɔgɛ 18:5

Mari Alla ya Lifayi bɔnsɔn-mɔgɛnu yabɔ Isirɛla bɔnsɔn doinu tɛma ka anu denu ma aleta wɔli-kɛlɛnu na.

1 Samuwɛli 2:28

A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.