Bɔ-Koe-Iyipiti 26:36 - ALLALA KUMƐ

³⁶ “Anu bi kura-hakikɛ min kelela linɛn, wo ni wo ma bɔn don-da-kurɛ la. Mɔgɛ minnu kusan, wonu ni mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 26:36 ပူးပေါင်းရင်းမြစ်များ

2 Samuwɛli 7:6

Kebi n ya Isirɛla mɔgɛnu nabɔ Iyipiti tumɛ min, ha ka a sigi kaka la, ha bi, bato-bon ma sɔ wɛ nde ye n si sigi kan min. Nde duruta sigila fani-bɔn le kɔrɔ belenna.

Yaburi 78:60

A ya a ban ata fani-bɔn la Sailo soe burɔ a mayiginɛ mɔgɛnu tɛma kan min nun.

Bɔ-Koe-Iyipiti 26:31

“Anu bi kura-hakikɛ min kelela linɛn, wo ni wo ma yorolan la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Bɔ-Koe-Iyipiti 27:16

Anu bi kura-hakikɛ min kelela linɛn, wo ni wo kiri tenbi-bolɔn la. Kura-sɔgɔlɛ min kusan, wo ni a ladan. A ni yesekara-yalafinyɛ anubɛ yesekara-bilolamɛ anubɛ yesekara-wulan bi ka mɔlɔnɛ do sɔgɔ linɛn-kurɛ wo ma. Kurɛ min kirinɛ tenbi-bolɔn wo la, a yanyɛ ni ma nunkan-nya mogan na. Wo si a kiri kɔlɔma nani na minnu sɔnɛ sila nani kuma tenbi-bolɔn wo la.

Bɔ-Koe-Iyipiti 28:15

“Wo ni linɛn-kurɛ bi ka a ma kɔgɔ-dala-kurɛ la. Wo si ma nde, Alla sako-lɔn-fan la. Wo ni a ladan iko saraka-masɔlɛta kura-kundi-fugbɛ la si dan nya min. Wo ni a sɔgɔ yesekara-yalafinyɛ anubɛ yesekara-bilolamɛ anubɛ yesekara-wulan anubɛ sɛnɛ-yesekari la.

Bɔ-Koe-Iyipiti 28:39

“Wo ni kura-hakikɛ do bi min tɔgɛ linɛn ka a ma duruku-kɔrɔ-donyɛ la. Wo ni linɛn-kurɛ do bi ka saraka-masɔlɛta fulɛ ladan. Kura-sɔgɔlɛ min bi buta-kiri-fan ladanna, wo ni a sɔgɔ a kin na!

Bɔ-Koe-Iyipiti 35:11

Wo ni Marita Fani-Bɔn ladan, a tuwa-kurɛnu anubɛ a tuwa-gbolenu anubɛ a lundannu anubɛ a fɛrannu anubɛ a kɔlɔma-yannu anubɛ a bon-kɔnnu wodi-gbɛ si sa minnu kɔrɔ.

Bɔ-Koe-Iyipiti 35:15

Wo ni isɛnti mintan tinɛ anubɛ a bi-kɔlɔmanu nadan anubɛ dantɛgɛ-tuli anubɛ isɛnti nyɛrɛ. Wo ni bɔn don-da-kurɛ ladan.

Bɔ-Koe-Iyipiti 36:37

Kura-hakikɛ min tɔgɛ linɛn, anu ya wo ma bɔn don-da-kurɛ la. Mɔgɛ minnu kusan, wonu ya mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan.

Bɔ-Koe-Iyipiti 38:18

Boloma-wɔli-kɛlɛ minnu kusan kura sɔgɔla, wonu ya yesekara-yalafinyɛ anubɛ yesekara-bilolamɛ anubɛ yesekara-wulan bi ka mɔlɔnɛ do sɔgɔ linɛn-kurɛ wo ma. A ya kɔlɔma nani ladan minnu si na sɔ sila nani kuma tenbi-bolɔn wo la. A ya wodi-gbɛ sa tenbi-bolɔn kɔlɔma bɛɛsi kuma. A ya silɛɛ sa kɔlɔma kelen-kelan wo bɛɛsi kɔrɔ. Anu si na kurɛ min kiri tenbi-bolɔn wo la, a ya wola yanyɛ ma nunkan-nya mogan na. A ya a kɔnɛ ma nunkan-nya loli la iko kata-masansan-kurɛ kɔnɛ ye nya min. A ya wodi-gbɛ-lundannu anubɛ gbɛsɛ-gbɛsannu ladan.

Bɔ-Koe-Iyipiti 39:29

Kura-sɔgɔlɛ ya saraka-masɔlɛnuta butɛ-kiri-fannu nadan ka a sɔgɔ a kin na yesekara-yalafinyɛ anubɛ yesekara-bilolamɛ anubɛ yesekara-wulan la iko Mari ya a fɔ Musa ye nya min nun.

Bɔ-Koe-Iyipiti 39:33

Anu nara wo bɛɛsi la Musa wara, a tuwa-kurɛnu anubɛ a lundannu anubɛ a fɛrannu anubɛ a kɔlɔma-yannu anubɛ a bon-kɔnnu anubɛ wodi-gbɛ kɛ minnu si sa fɛrannu anubɛ bon-kɔnnu kɔrɔ.

Bɔ-Koe-Iyipiti 40:5

I ni isɛnti mintan tinɛ ladon ka a sigi Kan-Tina-Sɛnimɛ rɔ yorolan wo dafɛ. I ni Bɔn don-da-kurɛ dun Fani-Bɔn wo don-dɛ la.

Isikiyɛli 16:10

N ya duruku-bonni-hakikɛ don i kan na. N ya gbolo-sanbara-hakikɛ di i ma. N ya linɛn-kun-yili-hakikɛ anubɛ kura-da-gbɛlɛ di i ma.

Yilan-Yilan Koe 3:25

Marita Fani-Bɔn wo, kurɛ min si sa a kuma wo, kurɛ min dunnɛ bonda-dɛ la wo, kata-masansan-kurɛnu, Bato-Bɔn anubɛ saraka-mintan-tinɛ lafoonɛ min na wo, kurɛ min bi a tenbi-bolɔn la wo, a yilinu anubɛ a fɛ-fannu wo, Kɛrisɔn kebilɛnuta wɔlɛ le ka wo bɛɛ lamara a kin na!

Yilan-Yilan Koe 9:15

Anu banta Marita Fani-Bɔn sɔla tele min tɔ, Mari ya ata banda-fin-gbɛ layigi ka a sɔ ata Bɔn wo kuma. Suyi rɔ, Marita tamasere wo si malan iko tɛ. Tele rɔ, a si gbɛ iko banda-fin-gbɛ.

Yɔni 10:9

Nde le anu don-dɛ la. Min ba don nde fɛ, wo si kisi. A si ta-ni-sɛgi kɛ a de-nyini tinɛ.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.