Bɔ-Koe-Iyipiti 26:33 - ALLALA KUMƐ

³³ Wo ni yorolan dun sɛnɛ-lundan wonu na kɔlɔma nanɛ wonu na ka tɔn-kenkirɛ latenbi yorolan wo kɔma kilɛ la. Yorolan wo si ma dan la Kan-Tina-Sɛnimɛ anubɛ Sɛnima-Sɛnima-Tinɛ tɛma.

Bɔ-Koe-Iyipiti 26:33 ပူးပေါင်းရင်းမြစ်များ

1 Mansɛnu 8:10

Saraka-masɔlɛnu ya anu kunyɛ labɔ Sɛnima-Sɛnima-Tinɛ rɔ tumɛ min, banda-fin-gbɛ, Marita gbiliyɛ, kɔni, wo ya bɔn wo bɛɛ lafa. Wo le ya a ma, saraka-masɔlɛ wonu bɔra luyi ma. Anu ma ke sɛgila nyɔ wo wati rɔ ka anuna wɔlɛ kɛ.

1 Mansɛnu 8:6

Anu ban saraka-bɔɛ wo la, saraka-masɔlɛnu ya Marita tɔn-kenkirɛ wo ladon Bato-Bɔn la ka a sigi melika wonuna muninyɛ kɔrɔ Sɛnima-Sɛnima-Tinɛ rɔ.

2 Ko-Kɔrɔta-Karan 3:8

Bon-burɛ-kɔmatɛ min tɔgɛ Sɛnima-Sɛnima-Tinɛ, wo kɔnɛ anubɛ Bon-burɛ-yarɔtɛ rakɛn. A kɔnɛ nunkan-nya mogan, a lɔngbɔn nunkan-nya mogan. A ya sɛnɛ min mumɛ bɛɛsi lawɔli ka Sɛnima-Sɛnima-Tinɛ wo dandan-burɛ yamatogon, wola gbiliyɛ anubɛ fui-fan bɔrɔ kɛmɛ sawɛ rakɛn de!

Bɔ-Koe-Iyipiti 25:16

N bi nala tɔn sɛbɛla kuru-walan filɛ minnu ma, i ni wonu sa kenkirɛ wo rɔ.

Bɔ-Koe-Iyipiti 26:32

Wo ni akasiya kɔlɔma nani bi ka anu ma yorolan-dun-kɔn la. Wo ni sɛnɛ sa wonu ma ka wonu sɔ wodi-gbɛ nani kuma. Wo ni sɛnɛ-lundannu nadan alako yorolan wo si kiri wonu na nya min kɔlɔma wonu ma.

Bɔ-Koe-Iyipiti 27:10

Wo ni kɔlɔma mogan nadan. Wo ni silɛɛ ladan ka wonu sa kɔlɔma wonu kɔrɔ. Wo ni wodi-gbɛ ma lundannu anubɛ gbɛsɛ-gbɛsannu na. Lundan wonu si ma linɛn-kurɛ wonu dun fan la. Gbɛsɛ-gbɛsannu si ma kɔlɔma wonu balan-fan la. Kata-kɔlɔma wonu kian la ni dan silɛɛ la.

Bɔ-Koe-Iyipiti 36:36

Anu ya akasiya bon-kɔn nanɛ ladan ka sɛnɛ sa wonu ma ka wonu sɔ wodi-gbɛ nani kuma.

Bɔ-Koe-Iyipiti 40:21

A ya tɔn-kenkirɛ ladon Bɔn la. A ya yorolan dun sɛnbɛrɛn-kɔnnu na iko Mari ya a fɔ a ye nya min nun.

Bɔ-Koe-Iyipiti 40:3

I ni tɔn-kenkirɛ ladon Fani-Bɔn wo burɔ ka yorolan dun kenkirɛ wo ya ma.

Isikiyɛli 41:4

A ya bon-burɔ-konko wo suman, a kɔnɛ anubɛ a lɔngbɔn, nunkan-nya mogan-mogan. Bon-burɔ-konko kɛ ye konko-wɛ kɔma. Wo kɔma, a ya a fɔ n ye ko, “Sɛnima-Sɛnima-Tinɛ le yan na.”

Saraka-Masɔlɛnuta Tɔnnu 16:2

Wo kɔma, Mari ya a fɔ Musa ye ko, “A fɔ i kɔrɔ Aruna ye ko a kana ta yorolan kɔma Sɛnima-Sɛnima-Tinɛ rɔ bawo nyɔ ta-wati latɛgɛnɛ de a bolo. A kana to tala nyɔ tuma-wo-tuma. Nde, Mari si bɔ gbɛ rɔ banda-fin-gbɛ rɔ nyɔ tɔn-kenkirɛ da-latogɔn kuma. Kɔnɔ ni i kɔrɔ ma nna kumɛ kɛ bɛɛ bira, ale fanan si faga.