Bɔ-Koe-Iyipiti 25:37 - ALLALA KUMƐ

³⁷ “Wo ni bolon wɔrɛ wonu yi-lafɛnu nadan sɛnɛ la anubɛ a gbagɛnu. A lamalan tinɛ wo mumɛ ni bɛn wɔrɔnfila ma. Wo ni wonu tabɛn alako anu ni waan raka anu yarɔ kilɛ la.

Bɔ-Koe-Iyipiti 25:37 ပူးပေါင်းရင်းမြစ်များ

2 Ko-Kɔrɔta-Karan 13:11

Sɔgɔma-wo-sɔgɔma, wura-wo-wura, wonu bi isɛnti mintanna isɛnti mintan tinɛ kuma ka saraka-mintantɛnu mintan saraka-mintan-tinɛ kuma. Anu bi Marita biredi sala tebulu-sɛnimɛ kuma Mari ye. Wura-wo-wura, anu bi Marita sɛnɛ-lɛnpunu namalanna. Mari ara tɔn min sigi nun, ma ye wo birala kɔnɔ wole ara wo kan-kɔ sɔ wo la.

2 Ko-Kɔrɔta-Karan 4:20

Lɛnpu anubɛ a sigi-fan nadannɛ sɛnɛ la. Wonu bi malanna Sɛnima-Sɛnima-Tinɛ wara la iko a fɔnɛ a ye nya min.

Yaburi 119:105

Ila kumɛ ye waan rakala n ye iko lɛnpu min biranɛ n yarɔ-kilɛ la. A ye waan rakala n kin kɔrɔ.

Bɔ-Koe-Iyipiti 25:38

Wo ni lɛnpu wo saraba-tɛgɛ-fannu nadan sɛnɛ la anubɛ a pani-talɛɛnɛnu.

Bɔ-Koe-Iyipiti 30:8

A tenbi lɛnpu lamalanna wurɛ la, a ni isɛnti mintan tun, woletɔ isɛnti si mintan sɔgɔma ani wurɛ la nde, Mari ye ha tumɛ min di nde, Alla ye.

Bɔ-Koe-Iyipiti 37:23

A ya bolon wɔrɛ wonu yi-lafɛ ladan sɛnɛ la anubɛ a gbagɛ wotɛ. A ya sɛnɛ ladan ta-ladufen-fannu anubɛ bugura-makɔ-mirannu na.

Bɔ-Koe-Iyipiti 40:24

A ya lɛnpu ladon Bɔn la ka a sigi Kan-Tina-Sɛnimɛ rɔ bolo-nyimɛ rɔ.

Bɔ-Koe-Iyipiti 40:25

A ya lɛnpu wonu namalan iko Mari ya a fɔ a ye nya min.

Hɛnkilimaya-Kumɛnu 6:23

Anuna kumɛ si waan raka i ma waran! Anuna karan si ma i ye iko kuru-lɛnpu. Anuna makumɛ wo si i kɛ-nya latelen.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Sakaraya 4:2

A ya n manyinika, a ko, “I ye nfen yenna kaka?” N ya a fɔ a ye ko, “Sɛnɛ-lɛnpu. A tulu-kɛ-tinɛ ye a kuma. A lamalan-tina wɔrɔnfila ye ala foolɛ rɔ. Saraba wɔrɔnfilɛ ye anu kelen-kelennamɛ-bɛɛ ma.

Yilan-Yilan Koe 4:9

“Wo kɔma, anu ni kura-bilolamɛ bi ka a sa lɛnpu-sigi-fan wo kuma anubɛ lɛnpu nyɛrɛnu anubɛ a tirɛnu anubɛ saraba-tɛgɛ-fannu anubɛ tuli-kɛ-fannu.

Yilan-Yilan Koe 8:2

a ni ta a fɔ Aruna ye ko, “I tenbi lɛnpu kɛnu namalanna tumɛ min, i ni a ma, a waan ni ta a yarɔ.”

Matiyu 5:14

“Wo manɛ mɔgɛnu ye iko wan-takanɛ, ado soe min sɔnɛ kɔnkɛ kuma, wo dogon-koe gbɛlɛ.

Luka 1:79

Minnu siginɛ pinpi rɔ anubɛ sayɛ ninɛ kɔrɔ, a si malan wo bɛɛ ye ka mala tagama-nya yira ma la yisi-kimɛ-kilɛ fɛ.”

Yɔni 1:9

Wo wati rɔ, wan-bɛrɛbɛrɛ ye nala duninya rɔ ka kilɛ yira mɔgɛ bɛɛ la.

Yɔni 12:5

“Nfenna mɔgɔ ma sɛnti kɛ feri wodi-ba la ka wo di bolo-kolɔnnu ma? Wo sɔnkɛ si san kelen nyɔgɔn sarɛ bɔ.”

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Lankɛnimayɛ 1:12

N ya n tintan alako min bi kumala n ye, n ni wo yen. N ya sɛnɛ-lɛnpu-sigi-fen wɔrɔnfila yen.

Lankɛnimayɛ 1:20

Lolo wɔrɔnfilɛ minnu bi n bolo-nyimɛ rɔ yan anubɛ sɛnɛ-lɛnpu-sigi-fen wɔrɔnfilɛ kɛnu, wonu gbundu-ko-kɔrɛ le kɛ la. Lolo wɔrɔnfilɛ wo, chɔchi wɔrɔnfilɛta melika-misalɛ le wonu na. Sɛnɛ-lɛnpu-sigi-fen wɔrɔnfilɛ wo, chɔchi wɔrɔnfilɛ misalɛ le wonu na.

Lankɛnimayɛ 1:4

Nde, Yɔni le ye kɛ sɛbɛla ka a lata chɔchi wɔrɔnfilɛnu ma minnu bi Esiya nyamanɛ rɔ. Alla min bi yan kaka, a ye nyɔ kebi fɔlɔ, ado a ye nala le, alamɛ wo ya hinɛ anubɛ yisi-kimɛ di wole chɔchinu ma ka bɔ Allata Ni-wɔrɔnfila rɔ minnu bi ala mansaya-sigi-fan yakɔrɔ.

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!

Lankɛnimayɛ 4:5

Banda-nyin-masɔgɛ anubɛ banda-tugu-kan anubɛ san-sɛrɛn-kan ye bɔla mansaya-sigi-fan wo rɔ min bi anu tɛma. Ta-mɛlɛn wɔrɔnfilɛ ye malanna mansaya-sigi-fan wo yakɔrɔ fanan. Allata Ni wɔrɔnfilɛ le wonu na.