Bɔ-Koe-Iyipiti 25:31 - ALLALA KUMƐ

³¹ “I ni sɛnɛ gbesi a kin na ka a ma lɛnpu la. A kuri wo, a gbaga-kuru makɛ tinɛ wo, a gbuyi minnu bi mala a bolɔnnu na wo, a tuli-kɛ-tinɛ minnu bi sɔla a bolɔn wonu kuma wo, mɔlɔnɛ do minnu manɛ iko kɔn-ferela muninyɛ wo, wo ni wonu nadan ka anu kankan anu nyɔgɔn ma nya-kun-kelen.

Bɔ-Koe-Iyipiti 25:31 ပူးပေါင်းရင်းမြစ်များ

1 Mansɛnu 7:24

A ya bara-kan-yanla muninyɛ gbaranda fila ladan kunan wo da-gbolela foolɛ bɛɛ rɔ. A ya anubɛ yi-sigi-kunan wo ladan nya-kun-kelen.

1 Mansɛnu 7:49

anubɛ lɛnpu-sigi-fan minnu sɔnɛ Sɛnima-Sɛnima-Tinɛ wara la. (Lɛnpu-sigi-fan wo, loli ye bolo-nyimɛ rɔ, loli ye bolo-maran rɔ.) A ya kɔn-ferela muninyɛnu nadan sɛnɛ la fanan anubɛ lɛnpunu anubɛ a barannu.

1 Ko-Kɔrɔta-Karan 28:15

A lɛnpunu anubɛ anu gbaga-kuru-makɛ-tina wo,

2 Ko-Kɔrɔta-Karan 13:11

Sɔgɔma-wo-sɔgɔma, wura-wo-wura, wonu bi isɛnti mintanna isɛnti mintan tinɛ kuma ka saraka-mintantɛnu mintan saraka-mintan-tinɛ kuma. Anu bi Marita biredi sala tebulu-sɛnimɛ kuma Mari ye. Wura-wo-wura, anu bi Marita sɛnɛ-lɛnpunu namalanna. Mari ara tɔn min sigi nun, ma ye wo birala kɔnɔ wole ara wo kan-kɔ sɔ wo la.

2 Ko-Kɔrɔta-Karan 4:20

Lɛnpu anubɛ a sigi-fan nadannɛ sɛnɛ la. Wonu bi malanna Sɛnima-Sɛnima-Tinɛ wara la iko a fɔnɛ a ye nya min.

2 Ko-Kɔrɔta-Karan 4:7

A ya sɛnɛ-lɛnpu sigi-fen tan ladan iko a fɔnɛ a ye nya min nun. Anu ya tebulu tan fanan nadan ka wonu sigi Bato-Bɔn burɔ. A ya tebulu loli anubɛ lɛnpu loli sigi a tɔnkɔn doi rɔ. Wo kɔma, a ya tebulu loli anubɛ lɛnpu loli sigi a tɔnkɔn doi fanan tɔ. Wo kɔma, anu ya yi-sigi-miran kɛmɛ fanan nadan sɛnɛ la.

Bɔ-Koe-Iyipiti 25:36

A fere anubɛ a gbuyi anubɛ a bolɔnnu anubɛ a kuri ni ma sɛnɛ-gbesinɛ la ka anu kankan anu nyɔgɔn ma nya-kun-kelen.

Bɔ-Koe-Iyipiti 31:8

Anu ni tebulu anubɛ a fɛ-mirannu nadan. Anu ni lɛnpu anubɛ a fɛ-mirannu nadan. Anu ni isɛnti mintan tinɛ ladan.

Bɔ-Koe-Iyipiti 35:14

Wo ni lɛnpu-kuri anubɛ a fɛ-mirannu nadan anubɛ a yi-lafɛnu anubɛ tuli min bi kɛla a rɔ.

Bɔ-Koe-Iyipiti 39:37

Anu nara lɛnpu-kuri anubɛ a fɛ-mirannu na anubɛ a yi-lafɛnu anubɛ tuli min bi kɛla a rɔ.

Saraka-Masɔlɛnuta Tɔnnu 24:4

Aruna si lɛnpu wonu mafɛlɛn min bi lɛnpu sigi tinɛ. A si a ma, lɛnpu wonu si to malanna su-wo-su.

Sakaraya 4:2

A ya n manyinika, a ko, “I ye nfen yenna kaka?” N ya a fɔ a ye ko, “Sɛnɛ-lɛnpu. A tulu-kɛ-tinɛ ye a kuma. A lamalan-tina wɔrɔnfila ye ala foolɛ rɔ. Saraba wɔrɔnfilɛ ye anu kelen-kelennamɛ-bɛɛ ma.

Yilan-Yilan Koe 3:31

Tɔn kenkirɛ wo, tebulu wo, lɛnpu wo, saraka-bɔ-tinɛnu wo, saraka-masɔlɛnu si wɔlɛ miran min bɛɛ la kan-tina-sɛnimɛ rɔ wo, yorolan min si Kan-Tina-Sɛnimɛ yamatogon wo, anubɛ wonu fɛ-fannu, anuna wɔlɛ le ka miran wo bɛɛ lamara.

Yilan-Yilan Koe 4:10

Anu ni kɛ bɛɛ sa anu nyɔgɔn kuma ka gbolo-koloni-hakikɛ mamini wo ma ka a sigi fɛrannu kuma anu si a bi minnu na.

Yilan-Yilan Koe 4:9

“Wo kɔma, anu ni kura-bilolamɛ bi ka a sa lɛnpu-sigi-fan wo kuma anubɛ lɛnpu nyɛrɛnu anubɛ a tirɛnu anubɛ saraba-tɛgɛ-fannu anubɛ tuli-kɛ-fannu.

Yilan-Yilan Koe 8:1

Mari ya a fɔ Musa ye ko

Yilan-Yilan Koe 8:4

Anu ya lɛnpu wo ladan sɛnɛ-gbesinɛ la ka a fɔlɔ a kuri ma ha a kuma. Wo bɛɛ ladannɛ iko Mari ya a fɔ Musa ye nya min.

Hiburunu 9:2

Woletɔ anu ya fani-bɔn sɔ. Bɔn wo burɛ faranɛ fila la yorolan la. Dinkira-fɔlɔtɛ tɔgɔ le, “Kan-Tina-Sɛnimɛ.” Lɛnpu anubɛ tebulu ye nyɔ burɔ. Biredi min dantɛgɛnɛ Alla ma siginɛ tebulu wo kuma.

Lankɛnimayɛ 1:12

N ya n tintan alako min bi kumala n ye, n ni wo yen. N ya sɛnɛ-lɛnpu-sigi-fen wɔrɔnfila yen.

Lankɛnimayɛ 1:20

Lolo wɔrɔnfilɛ minnu bi n bolo-nyimɛ rɔ yan anubɛ sɛnɛ-lɛnpu-sigi-fen wɔrɔnfilɛ kɛnu, wonu gbundu-ko-kɔrɛ le kɛ la. Lolo wɔrɔnfilɛ wo, chɔchi wɔrɔnfilɛta melika-misalɛ le wonu na. Sɛnɛ-lɛnpu-sigi-fen wɔrɔnfilɛ wo, chɔchi wɔrɔnfilɛ misalɛ le wonu na.

Lankɛnimayɛ 2:5

Wo buinɛ ka bɔ kan min, wo hɛnkili ni to wo ko de! Wo ni wo kɛ-nya yɛlɛma. Wo ya kɛwɔli minnu kɛ fɔlɔ-nun, wo ni wonu kɛ tun. Ni wo ma wo kɛ-nya yɛlɛma, n si na ka wola lɛnpu-sigi-fan bɔ a gbɛ rɔ.

Lankɛnimayɛ 4:5

Banda-nyin-masɔgɛ anubɛ banda-tugu-kan anubɛ san-sɛrɛn-kan ye bɔla mansaya-sigi-fan wo rɔ min bi anu tɛma. Ta-mɛlɛn wɔrɔnfilɛ ye malanna mansaya-sigi-fan wo yakɔrɔ fanan. Allata Ni wɔrɔnfilɛ le wonu na.