Bɔ-Koe-Iyipiti 25:16 - ALLALA KUMƐ

¹⁶ N bi nala tɔn sɛbɛla kuru-walan filɛ minnu ma, i ni wonu sa kenkirɛ wo rɔ.

Bɔ-Koe-Iyipiti 25:16 ပူးပေါင်းရင်းမြစ်များ

1 Mansɛnu 8:9

Fenfen sa tɔn-kenkirɛ wo burɔ fɔ Musa ya kuru-walan filɛ minnu sa a rɔ Sinayi kɔnkɛ dafɛ. Isirɛla mɔgɛnu bɔra Iyipiti tumɛ min, Mari ya tɔn sɛbɛ kuru-walan wonu denu ma alako anubɛ Isirɛla mɔgɛnu si sarama-kan kiri anu nyɔgɔn tɛma nya min.

2 Mansɛnu 11:12

Saraka-Masɔla Yɛhoyada sɔra Yohasi yarɔ, anu bɔra Bato-Bɔn la mɔgɛ bɛɛ yala. Yɛhoyada ya mansaya-fulɛ sigi Yohasi salɛ la. Mansaya-tɔn minnu namaranɛ, a ya wonu don a karɛ tɔ. A ya dantɛgɛ-tuli kɛ a salɛ rɔ ka a ma mansɛ la. Mɔgɛnu ya lɛnkɛ gbesi. Anu ya a lasɔnkɔ, anu ko, “Alamɛ mala mansɛ mɛra ma kuma!”

2 Ko-Kɔrɔta-Karan 23:11

A ban kɛ mumɛ bɛɛsi rabɛnna, Saraka-Masɔla Yɛhoyada tara mansa kurɛ kɛ bi ka a labɔ Bato-Bɔn luyi ma. A ya mansaya-fulɛ sigi Yohasi kunyɛ la. Tɔn minnu namaranɛ, a ya wonu don a bolo. Mansaya-tɔn minnu namaranɛ, a ya wonu don a bolo fanan. Saraka-Masɔla Yɛhoyada anubɛ ala dannu ya dantɛgɛ-tuli kɛ mansa-kurɛ wo salɛ rɔ ka a ma mansɛ la. Mɔgɛnu ya a lasɔnkɔ ka a fɔ ko, “Alamɛ mala mansɛ mɛra ma kuma!”

Bɔ-Koe-Iyipiti 16:34

Aruna ya a ma iko Mari ya a fɔ Musa ye nya min. A ya a sigi tɔn-kenkirɛ yarɔ.

Bɔ-Koe-Iyipiti 25:21

N bi nala kuru-walan filɛ minnu dila ile Musa ma, i si wonu sa kenkirɛ wo burɔ ka kenkirɛ wo da latogon anu ma.”

Bɔ-Koe-Iyipiti 26:33

Wo ni yorolan dun sɛnɛ-lundan wonu na kɔlɔma nanɛ wonu na ka tɔn-kenkirɛ latenbi yorolan wo kɔma kilɛ la. Yorolan wo si ma dan la Kan-Tina-Sɛnimɛ anubɛ Sɛnima-Sɛnima-Tinɛ tɛma.

Bɔ-Koe-Iyipiti 30:36

Wo ni wo do bunden ka a munke wo sigi tɔn-kenkirɛ wo yarɔ nta Fani-Bɔn la. Wo ni a fɛ-bira iko fen-sɛnima-bɛrɛbɛrɛ.

Bɔ-Koe-Iyipiti 30:6

Wo ni isɛnti mintan tinɛ sigi Kan-Tina-Sɛnimɛ rɔ. Yorolan si taran anubɛ tɔn-kenkirɛ tɛma.

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Bɔ-Koe-Iyipiti 32:15

Wo kɔma, Musa ya kuru-walan filɛ wonu bi Marita tɔn sɛbɛnɛ min tɔnkɔn filɛ ma. Alla nyɛrɛ le ya kuru-walan wonu nadan ka ala tɔnnu sɛbɛ wonu ma. Musa ye kɔnkɛ wo yigila tumɛ min ka ta mɔgɛ wonu taran,

Bɔ-Koe-Iyipiti 34:29

Musa ye Sinayi kɔnkɛ yigila tumɛ min tɔn-walan filɛ wo la a bolo, a yakɔrɛ ye malan-malanna kamasɔrɔn a kumara Mari fɛ. Aruna anubɛ Isirɛla mɔgɛ bɛɛ ya anu yɛ lata Musa ma tumɛ min, anu ya a yen a yakɔrɛ ye malan-malanna. Anu kilanta anu madonna a la kɔnɔ ale Musa ma a lɔn a yakɔrɛ ye malanna.

Bɔ-Koe-Iyipiti 38:21

Fan minnu mara Marita Fani-Bɔn sɔ-fannu na, wonu yatɛ le wonu na. Musa ya a fɔ Lifayi bɔnsɔn-mɔgɛnu ye ko wonu ni fan kɛnu yatɛ sɛbɛ. Arunala den-kei Itamarayi, wo mara sɛbɛli-kɛlɛnu kunyɛ la.

Bɔ-Koe-Iyipiti 40:20

A ya tɔn-walan filɛ wonu sa tɔn-kenkirɛ wo rɔ. A ya a bi-kɔlɔmanu don bolo-kalama-dɛɛnnu woe rɔ ka a da latogon.

Yilan-Yilan Koe 17:4

I si kɔrɔ-sɔ-sewuru tan-ni-filɛ wonu bi ka ta anu na nta Fani-Bɔn la ka anu sa nta tɔn-kenkirɛ yakɔrɔ n si i taran kan min.

Kɛwɔlɛnu 7:44

“Allata Fani-Bɔn ye ma benbanu bolo nun wulɛ rɔ. A ladanta iko Alla ya a fɔ Musa ye nya min. Anu ya a ladan iko Alla ya min su yira Musa la yati!

Romu 3:2

A tɔnɛ kolo a nya ma! A fɔlɔtɛ, Alla ya ala sarakanɛ don Yahudiyanu denu bolo.

Tɔn-Fɔɛ-Fila-Nyɔgɛ 31:26

“Allata tɔn-kitabu kɛ bi ka a sa wota Mari Allata tɔn-kenkirɛ burɔ. Kitabu wo si to sanɛ nyɔ ka ma sereyɛ la wole Isirɛla mɔgɛnu kan ma.

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.