Bɔ-Koe-Iyipiti 24:3 - ALLALA KUMƐ

³ Wo kɔma, Musa tara ka Marila kumɛ anubɛ ata tɔn kɛnu natenbi mɔgɛnu ma. Mɔgɛ bɛɛ ya a fɔ nya-kun-kelen ko, “Mari ara kumɛ min bɛɛsi fɔ, ma si wonu bira.”

Bɔ-Koe-Iyipiti 24:3 ပူးပေါင်းရင်းမြစ်များ

2 Ko-Kɔrɔta-Karan 15:14

Anu ya anu keli anu kulu-mayɛlɛnɛ la Mari tɔgɔ rɔ ka a fɔ ko anu si sarama-kan kɛ bira gben! Wo kɔma, anu ya a lasɔnkɔ ka burinu fɛ.

2 Ko-Kɔrɔta-Karan 15:15

Yuda mɔgɛ bɛɛ sewara bawo anu bara sarama-kan kɛ kiri anu yisi bɛɛ la. Anu sewara Mari bato tinɛ. Woletɔ Mari fanan ya anu tabira ka yisi-kimɛ di anu ma anuna nyamanɛ wo kan tinɛ bɛɛ rɔ.

Yaburi 50:5

Alla ko ata lanaya-mɔgɛ minnu bara sarama-kan kiri a ye saraka-bɔ-koe rɔ, wonu ni anu gbɛrɛn a ma.

Bɔ-Koe-Iyipiti 19:8

Mɔgɛ bɛɛsi ya a yabi anu nyɔgɔn fɛ ko, “Mari ara min bɛɛsi fɔ, ma si wonu bira.” Musa tara mɔgɛnu kan wo latenbi Mari ma.

Bɔ-Koe-Iyipiti 24:2

Ile, Musa kelan ni yɛlɛ kɔnkɛ kuma ka i madon n na kɔnɔ kun-tigi wonu kana anu gbɛrɛn n ma. Mɔgɔ-gbɛrɛkɛ kana yɛlɛ kɔnkɛ bu la kun-tigi kɛnu fɛ.”

Bɔ-Koe-Iyipiti 24:7

A ya tɔn-buku wo bi ka a karan mɔgɛnu ye. Anu ya a yabi ko, “Mari ara min bɛɛsi fɔ, ma si wonu kɛ ka ala kumɛ bira.”

Yɛrɛmaya 11:4

A ko a ye kumala sarama-kan wara-koe la ale Mari anubɛ ma benbanu ya min kiri. Anu bɔɛ Iyipiti, anubɛ Alla nara to sarama-kan kirila anu nyɔgɔn tɛma. A ko Iyipiti manɛ wo ye iko sulubondɔn. A ya a fɔ Isirɛla mɔgɛnu ye ko ni anu ya a kan to a gbɛ rɔ, ale si ma anuta Alla la, anu denu fanan si ma ata mɔgɛnu na.

Yɛrɛmaya 34:13

wole, ala mɔgɛnu ye ko a ya wo benbanu bɔ yɔɔnyɛ rɔ Iyipiti tumɛ min, a ya sarama-kan kiri anubɛ wo benbanu tɛma. A ko

Hegayi 2:5

Wo bɔra Iyipiti tumɛ min, n ya a fɔ ko n bi wo fɛ, ado n bi wo fɛ wo nya na le fanan, yɔ! N ti bɔ wo fɛ. Wo kana kilan.”

Malakayi 2:10

Wole Yuda mɔgɛnu, kɛmɔgɔni-kelan-sɔrɛ le ma dama la. Alla kelen de ya ma dama ladan. Ni tonyɛ le wo la, nfenna ma si mala lanyiri tinya ma nyɔgɔn bara la? Nfenna Alla ya sarama-kan min kiri ma benbanu ye, ma si tɛgɛ wo rɔ?

Tɔn-Fɔɛ-Fila-Nyɔgɛ 11:1

Musa ya a fɔ tun ko, “Wo ni wota Mari Alla keni ka ata tɔn bɛɛ bira tuma-wo-tuma.

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:45

anu bɔɛ Iyipiti nyamanɛ rɔ. A ye a karanna anu ye tumɛ min, wo ya a taran, anu bi Yorodan bɛ dafɛ Bɛti-Piyɔri soe da kɔrɔ. Dugi kan tinɛ wo ye Amora Mansa Saihɔn le bolo nun. Wo siginɛ Hɛsibɔn soe burɔ nun.

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.

Tɔn-Fɔɛ-Fila-Nyɔgɛ 5:1

Musa ya Isirɛla mɔgɛnu nadɛn anu nyɔgɔn fɛ ka a fɔ anu ye ko, “Wole Isirɛla mɔgɛnu, n bi nala tɔn minnu karanna wo ye bi, wo ni wo tole masɔ wonu na. Wo si anu karan a kila-bɛrɛbɛrɛ fɛ. Wo ni la anu na serr, ka anu bira gben!

Tɔn-Fɔɛ-Fila-Nyɔgɛ 5:31

Kɔnɔ ile ni to n dafɛ yan. Nde nyɛrɛ si nna tɔnnu anubɛ nna sereyanu don i bolo. Ile si ta anu karan wonu na, woletɔ anu ba ta lanyiri-nyamanɛ wo rɔ n bi nala min dila anu ma, anu si nna tɔnnu anubɛ nna sereyanu natɔnbagaya.’ ”

Tɔn-Fɔɛ-Fila-Nyɔgɛ 6:1

Musa ya a fɔ Isirɛla mɔgɛnu ye tun ko, “Mata Mari Alla ya tɔn kɛnu don n bolo ka wo karan anu na. Wo ye nala wo sigila wola nyamanɛ min tɔ kaka, wo wa ke nyɔ rɔ, wo si tɔn kɛnu bira.

Yasowa 24:21

Isirɛla mɔgɛnu ya a fɔ a ye ko, “Ma si Mari Alla le bato serr!”

Yasowa 24:22

Yasowa ya a fɔ anu ye ko, “Wo sere ye wo nyɛrɛ burɔ ni wo si Mari Alla bato.” Mɔgɛnu ya a yabi ko, “Ɔnde, i wara tonyɛ fɔ. Ma sere le ma nyɛrɛ la.”

Yasowa 24:24

Isirɛla mɔgɛnu ya a fɔ Yasowa ye ko, “Ma si mata Mari Allata kumɛ bira ka ale kelen pe le bato!”