Bɔ-Koe-Iyipiti 24:17 - ALLALA KUMƐ

^17-18 A tele wɔrɔnfila nyɔgɛ ma, Mari ya Musa rakele banda-finyɛ wo rɔ. A tara banda-finyɛ wo tɛma. A ye nyɔ su bi-nani, tele bi-nani. Isirɛla mɔgɛ toe minnu bi dagɛ rɔ, wonu ya Marila gbiliyɛ wo yen kɔnkɛ kuma iko ta-mɛlɛn-belebele-wɛ.

Bɔ-Koe-Iyipiti 24:17 ပူးပေါင်းရင်းမြစ်များ

2 Samuwɛli 22:13

San-sɛrɛn-balubalu-wɛ ye bɔla wo rɔ. Wo si banda-kole anubɛ ta-yolenu pusen tala. Wonu bi buila banda-fin-digidigi-wɛ rɔ.

2 Samuwɛli 22:9

Bawo a fonde bɔnɛ, a mara iko ta-sisi le ye bɔla a sunyɛ rɔ. A mara fanan iko ta-mɛlan le ye bɔla a karɛ rɔ. Wo damasi mara bawo a fonde bɔnɛ.

Bɔ-Koe-Iyipiti 19:11

A tele sawa nyɔgɛ ma, n si a taran, anu bara anu tabɛn kamasɔrɔn a tele sawa nyɔgɛ wo ma, n si yigi Sinayi kɔnkɛ kuma banda-finyɛ rɔ mɔgɛ bɛɛ yala.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Bɔ-Koe-Iyipiti 3:2

Mari nara melikala muninyɛ rɔ. A ya a sigi kɔlɔma-nɛ do rɔ iko ta-mɛlan. Musa ya a mafɛlɛn, tɛ ye kɔlɔma wo la kɔnɔ a sa a mintanna.

Isikiyɛli 1:27

Min siginɛ waganɛ wo rɔ, ka a bi a tɛmɛ ma ka yɛlɛ, wo ye malan-malanna iko sila-yesinɛ. Ka a bi a tɛmɛ ma ka yigi, wo manɛ iko tɛ,

Isikiyɛli 1:28

ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Tɔn-Fɔɛ-Fila-Nyɔgɛ 4:24

bawo wota Mari Alla mani de iko ta-wɔnkɔrɔmɛ. A sa nyinina a ma ko fenfen ni a senaya.

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

Tɔn-Fɔɛ-Fila-Nyɔgɛ 9:3

Kɔnɔ kaka, wo si a yen wota Mari Alla ye tala wo yarɔ iko ta-wɔnkɔrɔmɛ. Wo ye tala nya min, ale Mari ye tala mɔgɛnu nɔla wo yarɔ wo nya na le. Wo si ke le ka anuna nyamanɛ bi anu bolo ka anu faga tiriya iko Mari ya lanyiri kiri wo ye nya min.

Hiburunu 12:18

Iko Isirɛla mɔgɛnu nara Sinayi kɔnkɛ dafɛ ta-mɛlan ye min dafɛ, wole ma na wɛ kɔnkɔ-su wo ma. Anu ya pinpi anubɛ banda-finyɛ anubɛ fɔn-digidigi-wɛ min tayen, wole ma wonu tayen.

Hiburunu 12:29

ado mata Alla mani de iko tɛ min si fan bɛɛ mintan gburr!