Bɔ-Koe-Iyipiti 24:14 - ALLALA KUMƐ

¹⁴ Kɔnɔ yanni anu ni wuli, Musa ya a fɔ kun-tigi wonu ye ko, “Wo ni ma makɔni yan. Ma si na wo wara tun. Ni sɔsɔli fenfen donta wo tɛma, wo si a fɔ Aruna anubɛ Huri ye.”

Bɔ-Koe-Iyipiti 24:14 ပူးပေါင်းရင်းမြစ်များ

Ko-Dabirɛnu 22:5

Iburayima ya a fɔ ala wɔli-kɛlɛ wonu ye ko, “Wo ni ma makɔni sofɛlɛ kɛ fɛ yan. Mabɛ nna den Isiyaka ni ta pan ka Alla bato nyɔ. Ma ye nala, yɔ!”

Bɔ-Koe-Iyipiti 17:10

Yasowa ya a ma iko Musa ya a fɔ a ye nya min. A tara Amalɛkinu kɛlɛ tinɛ. Musa wo, Aruna wo, anubɛ Huri yɛlɛta kɔnkɛ wo kun tɛma.

Bɔ-Koe-Iyipiti 17:12

Kɔnɔ Musa kɔɛn rakunta tumɛ min, anu ya kuri madon a la. A ya a mayigi wo kuma. A kɔɛn tora birani san ma Aruna anubɛ Huri bolo ha tele buira.

Bɔ-Koe-Iyipiti 18:16

Ni kiti ye anu bolo, anu si na nde wara. N si kiti tɛgɛ mɔgɛnu tɛma. N si Allata kumɛnu anubɛ ata tɔnnu fɔ anu ye.”

Bɔ-Koe-Iyipiti 32:1

Mɔgɛnu ya a yen tumɛ min ko Musa ara mɛ Sinayi kɔnkɛ kuma, anu ya anu kundɛn Aruna dafɛ. Anu ya a fɔ a ye ko, “Musa min nara ma la ka bɔ Iyipiti nyamanɛ rɔ, ma ma a lɔn min bara ma a la. I lasɔ ma fɛ ka bɛsɛ do ladan ma ye min si sɔ ma yarɔ.”

1 Samuwɛli 10:8

I si ta n yarɔ Kiligali soe burɔ. N ni i taran nyɔ. Ma si sarakɛnu mintan ka yisi-kima-sarakɛnu bɔ nyɔ ma nyɔgɔn fɛ. I ni n makɔnɔ nyɔ tele wɔrɔnfila kɔrɔ ha n ni na. N ba ke nyɔ tumɛ min, ile si min ma, nde si wo fɔ i ye.”