Bɔ-Koe-Iyipiti 23:32 - ALLALA KUMƐ

³² Wobɛ wonu kana lanyiri kiri wo nyɔgɔn tɛma. Wo kana lanyiri kiri bɛsɛnu ye.

Bɔ-Koe-Iyipiti 23:32 ပူးပေါင်းရင်းမြစ်များ

Yaburi 106:35

Kɔnɔ furu-nyɔgɔnyɛ donta anubɛ wonu tɛma. Anu ya Alla-lɔnbɛlɛnu kɛ-nya bi.

Bɔ-Koe-Iyipiti 23:13

“Wo kana bɛsɛnu kɔ, hali anu wara-ko-kumɛ kana taran wo da rɔ. N bara min bɛɛsi fɔ wo ye kɛ la, wo ni a ma wo fɛrɛma wonuna ko la.”

Bɔ-Koe-Iyipiti 23:24

Wo kana mɔgɛ wonuna bɛsɛnu kɔ. Wo kana wɔlɛ kɛ anuna bɛsɛnu ye. Wo kana sibole wonu kɛ-nya bi, fɔ anu bi anuna kuri minnu kɔla, wo ni anuna bɛsɛ wonu halaki pɔɔ, ka wonu takerikeri.

Bɔ-Koe-Iyipiti 34:12

Wo ni a ma wo fɛrɛma wo nyɛrɛla ko la. Wo ye tala kan tinɛ min, wo kana lanyiri kiri nyamanita-mɔgɛ wonu ye alako anu kana ma gbɛrɛ la wo ye.

Bɔ-Koe-Iyipiti 34:15

“Wobɛ nyamanita-mɔgɛ wonu kana lanyiri kiri wo nyɔgɔn tɛma. Wo kana sarakɛnu bɔ anuta allanu ye bawo anu donu si wo kele saraka dɔn tinɛ.

2 Kɔrɛnti 6:15

Ado nfan, Kirasiti anubɛ Setanɛ si bɛn kama? Dɛnkɛninya-mɔgɛla nfen bi dɛnkɛninyabɛlɛ bolo?

Tɔn-Fɔɛ-Fila-Nyɔgɛ 20:18

Wo ye wo mala alako wonu kana wo karan anuna bɛsɛ-kɔ-bolo-yogomɛnu na. Ni wo bilara anu fɛ, wo ara hakɛ kɛ wota Mari la.

Tɔn-Fɔɛ-Fila-Nyɔgɛ 31:5

Wota Mari si a ma, wo si wo yogenu nɔ. Woletɔ wo ni anu bira iko n ya a fɔ wo ye nya min.

Tɔn-Fɔɛ-Fila-Nyɔgɛ 7:1

Musa ya a fɔ Isirɛla mɔgɛnu ye tun ko, “Wota Mari Alla si ta wo la nyamanɛ wo rɔ, wo ye nala sigila kan min. Wo tamatoe, wo si sibolo wɔrɔnfila gben wo yarɔ. Wonu fanka kolo wotɛ ko, ado anu siya wo ko. Sibole wonu tɔgɛ le kɛnu na. Hɛtinu wo, Kagasanu wo, Amoranu wo, Kenannu wo, Perasanu wo, Hefanu wo, anubɛ Yebusinu.

Tɔn-Fɔɛ-Fila-Nyɔgɛ 7:16

Mari Alla ye sibole minnu donna wo bolo, wo kana kinikini anu ma. Wo ni anu damasi faga tɛrr! Wo kana anuna bɛsɛnu kɔ. Ni wo ya wo ma, wo si ma gbalo la wo ye.

Tɔn-Fɔɛ-Fila-Nyɔgɛ 7:2

Wota Mari Alla wa mɔgɛ kɛnu don wo bolo tumɛ min ka anu nɔ, wobɛ mɔgɛ wonu kana ko-wo-ko lakiri wo nyɔgɔn tɛma. Wo kana kinikini anu ma fanan, fɔ ka anu damasi faga tɛrr!

Yasowa 10:40

Yasowa anubɛ ala kɛlɛ-dannu ya sɛnbɛ sɔrɔn nyamanɛ wo kuma anubɛ a mansɛ minnu bi kɔnkɔ-nyamanɛ rɔ anubɛ minnu bi dugula wara la. Ka a dabira Kɛdɛsi-Baniya soe dugu la ha ka ta ke Kesa soe ma kɔgɔ-yi dafɛ anubɛ Kosɛn nyamanɛ bɛɛ ma ha ka ke Kibiyon soe ma, anu ya nyamanɛ wo bɛɛ halaki iko Isirɛlata Mari Alla ya a fɔ anu ye nya min.

Yasowa 9:7

Kɔnɔ Isirɛla mɔgɛnu ya a fɔ anu ye ko, “Ma ye lanyiri kirila wo ye nfenna? Tumado, wole siginɛ ma da kɔrɔ, woletɔ ma ti lanyiri kiri wo ye.”

Kɛlɛ-Kurugbɛnu 2:2

N ya a fɔ fanan ko wo kana lanyiri kiri mɔgɔ-wo-mɔgɔ ye yan fɔ ka anuna bɛsɛnu tinya pɔɔ! Kɔnɔ kaka, wo ara a yen wo ara min ma, wa? Wo ara n kuman-kan tinya.