Bɔ-Koe-Iyipiti 23:31 - ALLALA KUMƐ

³¹ “N si wola nyamani-dan dabira Kɔgɔ-Yi-Wulen bolɔn doi ma ha ka ke Mɛdetereniyan kɔgɔ-yi ma Filisitinu bi kan min. Dan min bi a fɔlɔla wulɛ ma, wo le ye tala ha ka ke Yufereti bɛ ma. N si nyamanɛ wo duguran kunyɛnu don wo bolo. N si anu gben-sɛnbɛ di wo ma.

Bɔ-Koe-Iyipiti 23:31 ပူးပေါင်းရင်းမြစ်များ

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

1 Mansɛnu 11:2

Hali Mari ara tɔn sigi Isirɛla mɔgɛnu ma ko anu kana sibolo-gbɛrɛkɛ-dunmusu-wo-dunmusu furu, ale Mansa Silamɛni ya a tui ka furi kɛ sibolo-gbɛrɛkɛ-mɔgɛnu ma. Mari ya tɔn wo sigi bawo a ya a lɔn ko anu bi donna musi wonuta bɛsi-kɔ-koe rɔ. Hali wo, a niyi burita ala musinu fɛ.

1 Mansɛnu 20:13

Wati kelan wo nyɛrɛ rɔ, nɛbi do tara Mansa Ehabu taran. A ya a fɔ a ye ko, “Mari ko i kana kilan kɛlɛ-den-siyamɛ wonu na. A ko a si a ma, i ni nɔ-ko sɔrɔn wonu ma bi. I si a lɔn worɔ ko Mari le ale la.”

1 Mansɛnu 4:21

Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

1 Mansɛnu 4:24

Mansa Silamɛni ya kun-tigiyɛ kɛ nyamanɛ wo bɛɛ kun na. Ale le ye Yufereti bɛ tele-yigi waralɛ bɛɛ kun na ka a bi Tifisa soe ma ha ka ta sigi Kesa soe la. Mansɛ min bɛɛ ye Yufereti bɛ tele-yigi wara la, wonu bi ale le kɔrɔ. A ya yisi-kimɛ sɔrɔn a sigi-nyɔgɛ bɛɛsi bolo.

1 Mansɛnu 8:65

Anu ban Bato-Bɔn wo dantɛgɛla tele wɔrɔnfila kɔrɔ, Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ tɔnkɔn nani bɛɛ rɔ, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

2 Ko-Kɔrɔta-Karan 9:26

Ka a bi Yufereti bɛ ma ka ta a sigi Filisitinuna nyamanɛ la ha ka ta ke Isirɛla anubɛ Iyipiti dan ma, ale le ye tɛngbɛnya wo mansɛ bɛɛ kun na.

Yaburi 72:8

Ala mansayɛ si a bi kɔgɔ-yi-tonke doi ma ha ka ta ke kɔgɔ-yi-tonke doi la. A si a bi Yufereti bɛ ma ha ka ta ke duninya-dan ma.

Yilan-Yilan Koe 21:34

Kɔnɔ Mari ya a fɔ Musa ye ko, “Wo kana kilan anu na. N bara ban fanka dila wo ma mɔgɛ kɛnu kuma. Wo ni a ma Mansa Ɔku la iko wo ya a ma Mansa Saihɔn la nya min.”

Tɔn-Fɔɛ-Fila-Nyɔgɛ 1:7

Wo ni wola dagɛ wayan ka tagama dabira tun. Wo ni ta Amoranuna nyamanɛ rɔ kɔnkɛnu siya kan min anubɛ nyamanɛ minnu bi wola foolɛ rɔ. Wo kɔma, wo ni ta Yorodan-ba-lɛɛ kɔgɔma Kenan nyamanɛ rɔ anubɛ kɔnkɔ-nyamanɛ minnu bi nyɔ. Wo ni bɔ nyɔ ka ta gburukulinu kuma minnu bi nyɔ kɔma anubɛ wo kantɔ-waralɛ ha ka ta a sigi Mɛdetereniyan kɔgɔ-yi la. Wo ni tenbi Kenan nyamanɛ rɔ ka bɔ nyɔ ha ka ta Lɛbanan kɔnkɛnu ma ha ka ta a sigi Yufereti bɛ la pon!’

Tɔn-Fɔɛ-Fila-Nyɔgɛ 1:8

A ko, ‘Nde, Mari ara nyamanɛ wo mumɛ di wo ma. N ya lanyiri kiri Iburayima fɔlɔn ye nun anubɛ ala dan Isiyaka anubɛ Isiyakata dan Yakoba ye ha ka ta a sigi anu kegeyɛnu na. Wo ta nyamanɛ wo mumɛ bi ka wo sigi nyɔ.’ ”

Tɔn-Fɔɛ-Fila-Nyɔgɛ 11:24

Wo tagamanta nyamanɛ wo kan-tina wo kan-tina rɔ, wo si ma wotɛ la. Wola nyamanɛ min ya a dabira dugula wara la wulɛ rɔ ha ka ta ke Lɛbanan kɔnkɛnu ma, wo dugi si ma wotɛ la. Ka a fɔlɔ Yufereti bɛ ma tele-bɔɛ wara la ha ka ta a sigi Mɛdetereniyan kɔgɔ-yi la tele-yigi wara la, wo dugi fanan si ma wotɛ la.

Tɔn-Fɔɛ-Fila-Nyɔgɛ 2:33

Mata Mari Alla ya a ma, ma ya anu halaki ka ale mansɛ anubɛ ala den-keminɛnu faga anubɛ ala kɛlɛ-dannu.

Tɔn-Fɔɛ-Fila-Nyɔgɛ 2:36

Mata Mari Alla ya ma dɛnbɛ ka anuna soe bɛɛ kɛlɛ ka a dabira Arɔra soe ma min bi Anɔn ba lɛɛ rɔ ka ta ke a dafɛ-soe do ma min bi anuna lɛɛ tɛma. Wo kɔma, ma tara ha ka ke Kaliyadi nyamani-dan ma. Anuna soenu tarɛ keri-koe ma gbɛlɛya ma kuma.

Tɔn-Fɔɛ-Fila-Nyɔgɛ 20:16

“Wo wa ta Kenan mɔgɛnu kɛlɛ tinɛ tumɛ min, wo si a mɔgɛ damasi faga.

Tɔn-Fɔɛ-Fila-Nyɔgɛ 3:2

Mari ya a fɔ nde, Musa ye ko ma kana kilan anu na. A ko a si mansɛ wo don ma bolo ka ala nyamanɛ di ma ma anubɛ ala kɛlɛ-dannu tɛrr! A ko Amora Mansɛ Saihɔn min siginɛ Hɛsibɔn soe burɔ nun, ma ni a ma ale mansɛ la iko ma ya a ma wo la nya min.

Tɔn-Fɔɛ-Fila-Nyɔgɛ 9:3

Kɔnɔ kaka, wo si a yen wota Mari Alla ye tala wo yarɔ iko ta-wɔnkɔrɔmɛ. Wo ye tala nya min, ale Mari ye tala mɔgɛnu nɔla wo yarɔ wo nya na le. Wo si ke le ka anuna nyamanɛ bi anu bolo ka anu faga tiriya iko Mari ya lanyiri kiri wo ye nya min.

Yasowa 10:19

kɔnɔ wo dama kana to nyɔ. Wo ni ta ka ma yogenu kɛlɛ alako anu kana sɛgi anu barɛ bawo mata Mari Alla ara fɛrɛ di ma ma ka anu nɔ.”

Yasowa 10:8

Mari ya a fɔ Yasowa ye ko, “I kana kilan bawo n bara mɔgɛ wonu don wo bolo. Hali mɔgɔ kelen ti sɔ wo yarɔ ka wo nɔ.”

Yasowa 13:6

katarala Sadon kɛnu ma min bi kɔnkɔ-nyamanɛ rɔ Misirofa-Maim soe anubɛ Lɛbanan kɔnkɛnu tɛma.

Yasowa 2:24

Anu ya min sa wo kuma, wo le ko, “Ma ya a lɔn serr, ko Mari ara nyamanɛ wo bɛɛ di ma ma. Mɔgɛ bɛɛ kilannɛ ma la kati!”

Yasowa 21:44

Mari ya yisi-kimɛ di anu ma iko a ya lanyiri kiri anu benbanu ye nya min fɔlɔn. Hali sibolo-kelen-bɛrɛn ma nɔ-ko sɔrɔn anu ma bawo Mari ya sɛnbɛ di Isirɛla mɔgɛnu ma anu yogenu kuma kɛlɛ-kɛ-tinɛ.

Yasowa 23:14

“Kaka, n bara kɔrɔya, n siyi ma yan tun. Wole ya a lɔn wo yisi rɔ kaka ko mata Mari Alla ya ko-nyimɛ min bɛɛsi rabɛn wo ye lanyiri fɛ, wo bɛɛsi ara ma tonyɛ la. Mari ya lanyiri kiri fen-nyimɛ min bɛɛla ko la, wo mara tonyɛ la.

Yasowa 24:11

“Wo ya Yorodan bɛ tɛgɛ ka na Yɛrikɔ. Nyɔ-mɔgɛnu ya wo kɛlɛ. Amoranu wo, Perasanu wo, Kenannu wo, Hɛtinu wo, Hefanu wo, Kakasanu wo, anubɛ Yebusinu, wonu dama ya wo kɛlɛ fanan kɔnɔ ale Mari ko a ya nɔlɛ di wo ma wo bɛɛ kuma.

Yasowa 24:12

A ya a ma, anu kumakɔra ka Amora mansa filɛ wonu gben anuna nyamanɛ rɔ. Wole ma wonu gben wota kɛlɛ-kɛ-fannu na.

Yasowa 24:18

Sibolo-gbɛrɛ bɛɛ minnu siginɛ nyamanɛ kɛ rɔ nun, Mari ya wonu gben ma yarɔ hali Amoranu fanan. Woletɔ male si Mari Alla bato bawo mata Mari le.”

Yasowa 24:8

“A ko a nara wo la Amoranuta nyamanɛ rɔ min bi Yorodan bɛ kɔma tele-bɔɛ wara la. Anu ya wo kɛlɛ kɔnɔ ale Mari ya nɔlɛ di wo ma. A ya anu bɛɛ kasara wo yarɔ. Wo ya anuna nyamanɛ bi anu bolo.

Yasowa 8:18

Mari ya a fɔ Yasowa ye ko, “Ila tanbɛ telen Eyai soe wara la. N si soe wo don i bolo.” Yasowa ya a ma wo nya.

Yasowa 8:7

Wole si bɔ wo dogon tinɛ wo rɔ ka soe bira-a-la. Wota Mari Alla si soe wo di wo ma.

Yasowa 9:7

Kɔnɔ Isirɛla mɔgɛnu ya a fɔ anu ye ko, “Ma ye lanyiri kirila wo ye nfenna? Tumado, wole siginɛ ma da kɔrɔ, woletɔ ma ti lanyiri kiri wo ye.”

Kɛlɛ-Kurugbɛnu 1:4

Mari ya sɛnbɛ di anu ma kɛlɛ rɔ. Anu ya Kenan kɛnu anubɛ Perasanu nɔ. Anu ya kei mɔgɔ waga tan (10,000) faga Bɛsɛki soe burɔ.

Kɛlɛ-Kurugbɛnu 11:21

“Kɔnɔ Isirɛla mɔgɛnuta Mari Alla ya a ma, anu ya Mansa Saihɔn anubɛ ala kɛlɛ-dannu nɔ ka Amoranuna nyamanɛ bi anu bolo.

1 Samuwɛli 23:4

Dawuda ya Mari manyinika tun. Mari ya a fɔ a ye ko, “Ta Kiyaila kɛnu kumafunfan bawo n si a ma, i ni Filisitinu nɔ.”