Bɔ-Koe-Iyipiti 23:26 - ALLALA KUMƐ

²⁶ Wola musinu ba buyi bi, anu buyi wo fenfen ti tinya. Gbanda ti taran anu tɔ. Wo si taran wo diya wo siyi-tele-bɛɛ kɔrɔ.

Bɔ-Koe-Iyipiti 23:26 ပူးပေါင်းရင်းမြစ်များ

1 Ko-Kɔrɔta-Karan 23:1

Mansa Dawuda kɔrɔyara tumɛ min kɔbɔkɔbɔ, a ya ala den Silamɛni sigi mansayɛ la Isirɛla mɔgɛnu kun na.

Yobu 21:10

Anuna kolo-fannu bi yirila, ado anuna kolo-fan wonu fenfen ti foo anuna dannu na.

Yobu 42:17

A kɔrɔyanɛ kɔbɔkɔbɔ, a nara to so-sɛgi-kɛla.

Yobu 5:26

I kɔrɔyanɛ kɔbɔkɔbɔ, i ragbɛlɛyanɛ iko kemini-mɛsɛ. I gbilikinnɛ si to iko fui-fan min bi tɛgɛla a wati rɔ.

Yaburi 107:38

Allata duwɛ yigira mɔgɛ kɛnu ma. Wonu yirita bui! Kasara ma sigi anuna ninkinu na tun.

Yaburi 144:13

Alamɛ mala bondɔnnu nafara fui-fen-su bɛɛ la. Alamɛ mala sagɛnu yirita bui, ka dannu sɔrɔn waga-wagayɛ ma.

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Yaburi 90:10

Ma siyi si san bi-wɔrɔnfila le bɔ dɔrɔn. Ni ma kɔgɔra, ma si san bi-segin bɔ. Kɔnɔ hali ma ye ma diya wati min, yakɔrɔ-mamɔɛ ye ma kuma tolon, ado ma siyi ti mɛ banna.

Aiseya 65:20

Tɔn si sigi den-pulan-sayɛ la. Mɔgɔ-wo-mɔgɔ ti taran nyɔ min siyi-fɛ ti yanya. Min ba san kɛmɛ bɔ, anu ko fonike le wo la fɔlɔn. Ni min siyi ma ke san kɛmɛ rɔ a ni faga, anu si a fɔ ko wunduyoge le wo la.

Hoseya 9:14

E, Mari, nde, Hoseya si i madiya mɔgɛ kɛnuna ko la kama? I ni a ma, anuna musinu buyi ni to tinyana. I ni a ma, anu kinyɛnu ta ni gbala todo!

Tɔn-Fɔɛ-Fila-Nyɔgɛ 28:4

“Marita duwɛ si to wo ye ka a ma, wo ni yiri boi! Wola fui-fannu ni ma-a-la. Wola kolo-fannu ni siyaya.

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”

Tɔn-Fɔɛ-Fila-Nyɔgɛ 7:14

Sibolo mumɛ sa duninya rɔ min si duwa-su-kɛnu sɔrɔn iko wole. Wo do-wo-do gbandɛ ti to, hali wola kolo-fannu.