Bɔ-Koe-Iyipiti 23:23 - ALLALA KUMƐ

²³ Nta melika si ta wo yarɔ ka wo ladon nyamanɛ wo rɔ Amoranu anubɛ Hɛtinu anubɛ Pɛrasanu anubɛ Kenannu anubɛ Hefanu anubɛ Yebusinu bi kan min. Nde, Mari si ta wonu kasara.

Bɔ-Koe-Iyipiti 23:23 ပူးပေါင်းရင်းမြစ်များ

Ko-Dabirɛnu 24:7

San-Kole-Mari-Alla min ya n nabɔ n fala bɔn la ka n nabɔ n sɔrɔn-nyamanɛ rɔ fanan, wo le ya lanyiri kɛ kiri n ye gben, ko a si nyamanɛ kɛ di n bɔnsɔn ma. Alla si ata melika sɔ i yarɔ alako i si musi sɔrɔn nna dan ye nyɔ nya min.

Ko-Dabirɛnu 34:2

Hemori min bi mansayɛ la Hɛfa nyamanɛ wo rɔ, wola dan Sɛkɛm buira Daina ma ka a sa a fɛ.

Bɔ-Koe-Iyipiti 18:8

Mari ya koe min bɛɛsi sigi Iyipiti mansɛ anubɛ ala mɔgɛnu na, Musa ya wo bɛɛsi dantɛgɛlɛ sa a biran-kei wo ye. Anu ya tɔrɔyɛ sɔrɔn nya min kilɛ la, a ya wo rakaran a biran-kei wo ye. Mari ya anu kisi nya min, a ya wo fanan takaran a ye.

Bɔ-Koe-Iyipiti 23:20

“N si melika sɔ wo yarɔ ka wo kandan kilɛ la ha wo si don kan tinɛ wo rɔ n bara min tabɛn wo ye.

Bɔ-Koe-Iyipiti 3:17

N si anu nabɔ Iyipiti tɔrɔyɛ rɔ ka ta anu na Kenan nyamanɛ wo le tɔ, bɔnsɔn kɛnu siginɛ kan min, Kenannu wo, Hɛtinu wo, Amoranu wo, Pɛrasanu wo, Hɛfanu wo, anubɛ Yɛbusinu. Wonu bɛɛsi siginɛ Kenan nyamanɛ wo le tɔ. Nyamani-diyamɛ le nyɔ la.”

Bɔ-Koe-Iyipiti 32:2

Aruna ya a fɔ anu ye ko, “Sɛnɛ minnu bi wola musinu anubɛ wola dannu tole la, wo ta wonu bi. Wo ni na anu na n bara.”

Aiseya 5:13

woletɔ fɔ wo yogenu ba wo bira ka ta wo la. Wola kun-tiginu si faga kɔnkɛ bolo. A mɔgɛ toenu si faga kan-nagbalɛ bolo.

Tɔn-Fɔɛ-Fila-Nyɔgɛ 9:3

Kɔnɔ kaka, wo si a yen wota Mari Alla ye tala wo yarɔ iko ta-wɔnkɔrɔmɛ. Wo ye tala nya min, ale Mari ye tala mɔgɛnu nɔla wo yarɔ wo nya na le. Wo si ke le ka anuna nyamanɛ bi anu bolo ka anu faga tiriya iko Mari ya lanyiri kiri wo ye nya min.

Yasowa 23:9

Mari ya wo yogo-sɛnbɛmɛnu gben wo yarɔ. Sibolo-kelen-bɛrɛn ma ke wo nɔla.

Yasowa 5:13

Yasowa gbɛrɛnta Yɛrikɔ ma tumɛ min, a ya mɔgɛ do yen sɔnɛ a yakɔrɔ, faan ye a bole tɔ. Yasowa tara a wara la ka a fɔ a ye ko, “I ye male le fɛ, ka, ma kɛlɛ-nyɔgɛ le ile la?”

Yasowa 9:1

Mansɛ minnu bi Yorodan tele-yigi wara la anubɛ mansɛ minnu bi kɔnkɔ-nyamanɛ rɔ anubɛ minnu bi kɔgɔ-yi dafɛ ha Lɛbanan dugula wara la, wonu bɔnsɔnnu tɔgɛ le kɛnu na, Hɛtinu, Amoranu, Kenannu, Perasanu, Hefanu, anubɛ Yebusinu. Mansɛ wonu ya a lamɔɛn tumɛ min ko Isirɛla mɔgɛnu bara nɔlɛ sɔrɔn, anu ya anu nyɔgɔn nadɛn ka anu miri anu si Yasowa anubɛ ala mɔgɛnu kɛlɛ nya min.