Bɔ-Koe-Iyipiti 23:17 - ALLALA KUMƐ

¹⁷ “Kei bɛɛsi ni ta nde, Mari Allata ladɛn sawɛ kɛnu tɔ ka nde, Mari Sɛnbɛ-Bɛɛ-Tigi bato.

Bɔ-Koe-Iyipiti 23:17 ပူးပေါင်းရင်းမြစ်များ

Yaburi 122:4

Isirɛla bɔnsɔn na-tinɛ le kɛ la ka baraka bira Mari ye iko komi, a ara tɔn di anu ma nya min nun.

Yaburi 42:2

Ile Alla-nimɛ sɔgɔ-bɛrɛbɛrɛ ye n na. N si ta i taran muntuma ka i bato?

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Bɔ-Koe-Iyipiti 23:14

“San-bo-san, wo ni ladɛn-belebele sawɛ kɛnu kɛ n ye.

Bɔ-Koe-Iyipiti 34:23

N ba ban sibolo-gbɛrɛnu gbenna wo yarɔ ka wola nyamanɛ lakoloya tumɛ min, kei bɛɛsi ni ta n bato tinɛ san-bo-san iko sawa. Wo tenbi ladɛn wonu tɔ tumɛ min, wo hɛnkili la ni tɛgɛ ko nde, Alla si a ma, wo yogenu ti wola nyamanɛ bi wo bolo wo kɔma kilɛ la.

Aiseya 1:12

A ko wo tenbi nala a bato tinɛ, yon ya a fɔ wo ye ko fɔ wo wa na saraka-sufa wonubɛ wo hakɛnu na wo bolo? Yon ya wo sɔ tagama-tagamana a Bato-Bɔn kata burɔ?

Luka 2:42

Yisa ya san tan-ni-fila bɔ tumɛ min, anu tara ladiyɛ rɔ iko anu duruta a mala nya min.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 16:16

“Isirɛla kei mumɛ bɛɛ si na Marita kan-tina-yabɔnɛ wo rɔ kinyama sawa san kɔrɔ. A dabira fɔlɔtɛ wo le Kanan-Ko-Ladiyɛ la, wo wa ban, Dɔn-Fen-Kun-Fɔlɛ-Ladɛn, wo wa tenbi, Lele-Sɔɛ-Ladɛn. Kei-wo-kei kana ta sɔ Mari yakɔrɔ nyɔ a bolo lakolɔn

Tɔn-Fɔɛ-Fila-Nyɔgɛ 31:11

Mɔgɛnu ba na ladɛn rɔ, wo si tɔn kɛnu karan anu ye Marita kan-tina-yabɔnɛ wo rɔ.