Bɔ-Koe-Iyipiti 22:31 - ALLALA KUMƐ

³¹ “Sogo-feremɛnu bi soge minnu fagala, wo kana wonu dɔn. Wo ni anu nafili wulinu kɔrɔ bawo nta mɔgɔ-sɛnimɛ le wole la.”

Bɔ-Koe-Iyipiti 22:31 ပူးပေါင်းရင်းမြစ်များ

Ɛsira 9:2

Isirɛla keinu bi musinu furula sibolo-gbɛrɛ kɛnu tɔ. Anu ya wo ma min kɛ, wo le wara a ma, male Allata mɔgɛnu na ara tinya, ado kun-tiginu anubɛ mɔgɔ-banu denu fɔlɔn ya ko-yogomɛ-kɛ dabira.”

Isikiyɛli 4:14

Kɔnɔ n ya Mari sɔsɔ, n ko, “N Tigi Mari Alla, i yandi, n kana wo ma. Ha bi, n ma n bole don bɛ ko-kɔsɔni ko rɔ. Ka a bi n dennɛ ma ha kaka, n ma yifɛ dɔn bɛ, ado ha bi, dɔn-fen-sɛninyabɛlɛ ma don bɛ n da rɔ.”

Isikiyɛli 44:31

Saraka-masɔlɛnu kana yifa-wo-yifa dɔn, a mara koni la wo, a mara sogo la wo. Hali a tɔgɔ tora sogo-gbɛrɛkɛ le la, anu kana wo dɔn.”

Saraka-Masɔlɛnuta Tɔnnu 20:25

“Mari ko wo ni ata tɔnnu anubɛ a kuman-kan bira. Ni wo ma ata tɔnnu bira, wo wa ke Kenan nyamanɛ rɔ tumɛ min, Mari ko a si wo fanan gben nyamanɛ wo rɔ iko a ye nala nyɔ-mɔgɛnu gbenna nya min. Wo kana Kenan mɔgɛnuna kɛ-nyanu bi bawo anu bara ko-yogomɛ dan-natenbi. Woletɔ Mari fonde bɔnɛ anu kuma.

Saraka-Masɔlɛnuta Tɔnnu 22:8

Saraka-masɔla fenfen kana soge dɔn min bara faga a nyɛrɛ ma anubɛ sogo-feremɛnu bara min faga. Ni min ya wo dɔn, wo sɛninyabɛlɛ si to. Nde le wota Mari Alla la min ya wo fɔ.

Saraka-Masɔlɛnuta Tɔnnu 7:24

Kolo-fan min bɛnta ka ma sarakɛ la Mari ye, mɔgɔ tenbi wo kɛɛn dɔnna tumɛ min, mɔgɔ kana a miri a ma ko Allata mɔgɛ le wo la tun. Ni kolo-fen wo kolo-fen fagara a nyɛrɛ ma, ka, ni sogo-feremɛ do ni kolo-fan wo do faga, wo kana a kɛɛn dɔn kɔnɔ wo si a bi le ka a ma wo mako-dogbɛrɛ la.

Kɛwɔlɛnu 10:14

Kɔnɔ Pita ya a sɔsɔ, a ko, “Ade, Mari! N ma fenfen dɔn bɛ n tanɛ ye min na. N ti fen-kɔsɔnɛ dɔn mumɛ!”

Kɛwɔlɛnu 15:20

Kɔnɔ ma ni kɛdi sɛbɛ anu ma ka a fɔ anu ye ko dɔn-fan min bara di bɛsɛnu ma nun, anu kana wo dɔn bawo a latinyanɛ. Anu ni anu nyɛrɛ matanka yɛlɛnya-su bɛɛ ma. Wo kɔma, anu kana sogo-yifanɛ fenfen dɔn bawo a yele ye a rɔ.

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.