Bɔ-Koe-Iyipiti 22:28 - ALLALA KUMƐ

²⁸ “Wo kana nde, Alla rasɛ anubɛ ka wola kun-tiginu danka.

Bɔ-Koe-Iyipiti 22:28 ပူးပေါင်းရင်းမြစ်များ

2 Samuwɛli 16:5

Mansa Dawuda ke Bahura soe burɔ, Mansa Sɔli na-kelen-nyɔgɛ Kɛra, wola den Simayi bɔra soe ka ta a taran nyɔ. A ye tala Mansa Dawuda mamɔɛnna.

2 Samuwɛli 16:9

Sɛruwa Abisayi ya a fɔ Mansa Dawuda ye ko, “N tigi, nfenna i ye sɔnna wuli kɛ ye i mamɔɛnna? A ma, n ni ta a kunyɛ tɛgɛ a dagɛ rɔ!”

2 Samuwɛli 19:21

Sɛruya-Abisayi ya a fɔ Dawuda ye ko, “Simayi min ya Marita mansa-yabɔnɛ mamɔɛn wulɔn, ma ti wo faga, wa?”

1 Mansɛnu 21:10

Wo ni karagbɛlɛ mɔgɔ fila sigi a yakɔrɔ. Mɔgɔ filɛ wonu ni to ko kelen tɔ, anu ni a fɔ ko, ‘Nebɔti kɛ le ya Alla anubɛ mansɛ rasɛ.’ Wo ni ale Nebɔti bira ka a labɔ soe kɔma. Wo ni a mabon kuri la ha a ni faga.”

Yaburi 138:1

N si baraka bira ile Mari ye n yisi bɛɛ la. N si ile matɔgɔ bɛsi-fuyinu yala.

Yaburi 32:6

Ila mɔgɔ-sɛnimɛnu si ke tubila wati min, anu si i madiya wati wo le tɔ. Woletɔ tɔrɔya-belebele wa na, a ti anu masɔrɔn.

Bɔ-Koe-Iyipiti 13:12

ni musu-wo-musu ya den-kei-sarɛ sɔrɔn, Maritɛ le dan wo la, hali kolo-fannuta den fɔlɔtɛ, a keimɛnu, kɔni.

Bɔ-Koe-Iyipiti 13:2

“A fɔ Isirɛla mɔgɛnu ye ko anu ni anuna den-kei-sarɛ bɛɛ dantɛgɛ nde, Mari ma. Ni musu-wo-musu ya den-kei-sarɛ sɔrɔn, ntɛ le dan wo la, hali a mara anuna kolo-fannuta den fɔlɔtɛ la, a keimɛ, kɔni.”

Bɔ-Koe-Iyipiti 21:17

“Ni min ya a na, ni wo ma, a fa lafɛya, wo ni wo tigi faga yati!

Bɔ-Koe-Iyipiti 23:19

“San-bo-san, wo ni ta wola dɔn-fen-kun-fɔlɔ-hakikɛnu na nde, Mari Alla bato tinɛ. “Saga-den wo, baa-den wo, wo kana wonu do-wo-do te anu na kin-yi la.

Makawandili Kumɛnu 10:20

I kana kuma-yogoma fɔ mansɛ kan ma, hali i miriya-gbuyɛ rɔ. I kana kuma nɔnfulu-tigi ma hali i tenbi ila konko la. Ni i ya wo ma, tumado, kona do si ta a fɔ a ye.

Saraka-Masɔlɛnuta Tɔnnu 24:15

A fɔ Isirɛla mɔgɛnu ye tun ko ni mɔgɔ-wo-mɔgɔ si dankalɛ kɛ n tɔgɔ rɔ, wo tigi fanan bi tɔrɔyɛ sɔrɔnna ka le.

Saraka-Masɔlɛnuta Tɔnnu 24:16

Wota hakɛ dunɛ si ma sayɛ la a bolo. Mɔgɔ-wo-mɔgɔ min siginɛ Isirɛla nyamanɛ rɔ, ni wo ya dankalɛ kɛ nde, Mari tɔgɔ rɔ fufafu, Isirɛla mɔgɔ damasi si wo mabon kuri la.

Kɛwɔlɛnu 23:3

Pɔli ya a fɔ saraka-masɔla-kun-tigi-wɛ ye ko, “Ile nafigi, i manɛ iko dandan-magbɛnɛ. I sɔn ma kin, ado Alla si ile gbesi, yɔ! I siginɛ nyɔ nde kitila Nɛbi Musala tɔn rɔ kɔnɔ i ya a fɔ mɔgɛnu ye ko anu ni nde gbesi. I ya Allala tɔn le tinya wo la!”

Kɛwɔlɛnu 23:5

Pɔli ya anu yabi ko, “N kɔrɔnu, n ma a lɔn ko saraka-masɔla-kun-tigi-wɛ le nun, ado a sɛbɛnɛ Allata kitabu rɔ ko n kana kuma-yogomɛ fɔ mala kun-tigi ma.”

1 Pita 2:17

Wo ni mɔgɛ bɛɛ gbiliya. Wo ni wo ta-nyɔgɛ dɛnkɛninya-mɔgɛnu keni. Wo ni kilan Alla la ka nyamani-tigi gbiliya.

2 Pita 2:10

Ado minnu bi tagamana anu fɛrɛ-bɔnku-nata fɛ, hali ka Allala mansayɛ lafɛya, a si a lagbɛlɛya wonu kuma. Foninya-karan-mɔgɛ wonu wasira. Anu si anu nyɛrɛ kɔrɔbi kati! Melika-gbiliyanɛ minnu bi san ma, anu ti wonu gbiliya mumɛ, fɔ ka to wonu mɔɛnna.

Yude 1:8

Foninya-karan-mɔgɔ kɛnu fanan bi ko-rayirɛ kɛla wo nya na le. Wonu bi anu nyɛrɛ bagbuyi latinyana. Anu bi Allala sɛnbɛ lafɛyala ka kuma-yogomɛ fɔ gbiliya-tiginu ma minnu bi san-kole rɔ.

1 Samuwɛli 24:10

I si a yen i nyɛrɛ yɛ la ko Mari ya i don n bolo tɔ bi. Nna keminɛ donu ya a fɔ n ye ko n ni i faga kɔnɔ n kinikinita i ma. N ya a fɔ ko n ti ko-wo-ko ma i la bawo Mari ara ile le yabɔ ka i ma mansɛ la.

1 Samuwɛli 24:6

Dawuda ya a fɔ ala keminɛ wonu ye ko, “Ka ko-yogomɛ ma nna kun-tigi la, alamɛ Mari ya n tanka wo ma bawo Mari le ya ale yabɔ ka a ma mansɛ la. N kana ko-wo-ko ma a la bawo Mari le ya a sigi mansayɛ la.”

1 Samuwɛli 26:9

Kɔnɔ Dawuda ya a fɔ a ye ko, “I kana ko-wo-ko ma a la bawo ni mɔgɔ-wo-mɔgɔ ya ko ma Marita mansa-yabɔnɛ la, ale Mari si wo tigi tɔrɔ.