Bɔ-Koe-Iyipiti 22:24 - ALLALA KUMƐ

²⁴ n yisi si bɔ wo kuma. Ni min ya wo ma, n si wo tigi faga. Ale fanan musi si ma kɛɛ-musi la. Ala dannu si to kelenniyɛ rɔ.

Bɔ-Koe-Iyipiti 22:24 ပူးပေါင်းရင်းမြစ်များ

Nihɛmaya 5:7

N ya n miri a kɔrɛ ma tumɛ min, n ya kun-tiginu anubɛ mɔgɔ-banu makuma. N ko, “Wo ara a lagbɛlɛya wo na-kelen-nyɔgɛnu kuma.” Wo le ya a ma, n ya nyama kundɛn kan-tina-kelen ka ko-rabɛn-kɛ.

Yobu 31:23

N ti ko-yogo-sifa kɛ ma bawo n kilannɛ Allata tɔrɔyɛ la.

Yaburi 109:2

bawo karagbɛlɛnu anubɛ foninya-fɔlɛnu bara wuli n kan ma. Anu bi tɔgɛ sala n na

Yaburi 109:9

Alamɛ ala dannu mara kelennɛnu na. Ala musi ni ma kɛɛ-musi la.

Yaburi 15:5

A si mɔgɔ dɔndɔ, a ti tɔnɔ sa a kuma. Ni mɔgɛ min yilikinɛ kumɛ rɔ, a ti sɔn dogonta-fan birala wo bolo. Min bi a mala a fɛrɛma ko sufa kɛ dama ma, mɔgɛ wo ra ti maga muk!

Yaburi 69:24

Alamɛ i ya ila fondo-labɔɛ labɔn anu ma. Alamɛ ila diminyɛ ya anu gben ka digin anu ma.

Yaburi 76:7

Bɛɛ kilannɛ ile Mari la. Mɔgɔ-wo-mɔgɔ ti a sɔ i fonde bɔnɛ yarɔ.

Yaburi 90:11

Yon si ke ita fondo-bɔ-fanka lɔnna? Ma si kilan i la iko a bɛnnɛ ka kilan ita fondo-bɔɛ la nya min.

Yɛrɛmaya 15:8

Wole Yuda musu-siyaman si foo wola keinu na. A ko kɛɛ-nyaganɛ si siyaya ka tenbi ba-kɛnkɛn la. A ko a si kasarɛ lana tele-latelen-wati wole, Yuda kemini-mɛsɛnu kan ma. A ko kɛ si kilan anubɛ dumɛ lana anu nanu kuma.

Yɛrɛmaya 18:21

Nba, i ni a ma, anuna dannu ni faga kɔnkɛ bolo. I ni a ma, anu yogenu ni anu nɔ kɛlɛ rɔ. A ma, anuna musinu ni foo anuna dannu na. Anu ni ma kɛɛ-musinu na fanan. A ma, Yuda mɔgɛnu manyimanɛ ni faga. Anuna kemini-mɛsɛnu kunyɛ ni to kɛlɛ rɔ.

Nimisa Koe 5:3

Ma yogenu bara ma fanu faga ka ma to kelenniyɛ rɔ. Ma nanu bara ma kɛɛ-musinu na gbɛ!

Saraka-Masɔlɛnuta Tɔnnu 25:35

“Ni min sigi-nyɔgɛ bolo kolonyara, ado a ti ke a nyɛrɛ makoe nyinyala, yanni a ni ala dugi mayira mɔgɔ-gbɛrɛkɛ ma, fɔ i ni i sigi-nyɔgɛ dɛnbɛ a makoe wonu tɔ. Wo le si a ma, a si to i dafɛ.

Saraka-Masɔlɛnuta Tɔnnu 25:36

Ni i ya a dɔndɔ min na, i kana tɔnɛ sa wo kuma. Ni i ye ila dɔntɛ mayirala a ma, i kana tɔnɛ sa wo fanan kuma. Wo ni kilan nde, Alla la ka wo sigi-nyɔgɛnu fɛ-bira.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Luka 6:38

Wo ni mɔgɛnu kɔ, woletɔ Alla si wo kɔ, ado a si a suma wo ye a kin na! A la si fa pen ka a madɛndɛn ka a don wo bolo. Wo ye fan sumanna doinu ye nya min, Alla si a suma wo ye wo nya na le.”

Tɔn-Fɔɛ-Fila-Nyɔgɛ 23:20

Kɔnɔ ni wole Isirɛla mɔgɛ min ya sibolo-gbɛrɛkɛ-mɔgɛ do dɔndɔ, ni a diyara wo ye, wo si tɔnɛ sa le a kuma. Ni wo ya tɔn kɛnu bira lanyiri-nyamanɛ rɔ, wota Mari Alla si ata duwɛ layigi wo kuma koe bɛɛ rɔ.

Tɔn-Fɔɛ-Fila-Nyɔgɛ 23:21

“Ni mɔgɛ ya a dakan don Mari ye, a kana a kun kimaya dakan wo kanbali-koe rɔ. Ni mɔgɛ ya dakan kiri kɔnɔ a ma a kanbali, Mari si a bira wo yili la. Wo si ma hakɛ la a bolo.

Hiburunu 10:31

Ka don Alla nimɛ bolo tɔ, ko-makilanni-ba le wo la!