Bɔ-Koe-Iyipiti 22:21 - ALLALA KUMƐ

²¹ “Wo kana ko-yogoma ma sundannu na hali ka anu yakɔrɔ-mamɔ bawo wole fanan bi sundanyɛ le la nun Iyipiti nyamanɛ rɔ.

Bɔ-Koe-Iyipiti 22:21 ပူးပေါင်းရင်းမြစ်များ

Yobu 6:27

Wole si kelenni-kun-kundi dɛ fɔ le ka a mayira. Wo si wo diyana-mɔgɛ mayira alako wo ni tɔnɔ-belebele sɔrɔn wo rɔ.

Yaburi 146:9

Mari kɛnɛna kɛɛ-musinu anubɛ kelennɛnu dɛnbɛna. A si sibolo-gbɛrɛnu natanka minnu bi ma tɛma kɔnɔ a si karagbɛlɛnu nata anu kasara tinɛ.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 23:9

“Wo kana sundannu tɔrɔ kamasɔrɔn wo ya a lɔn sundanyɛ ye nya min. Wo ni a lɔn ko wole fanan bi sundanyɛ la Iyipiti nyamanɛ rɔ nun.

Aiseya 1:17

ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 7:6

Sundannu wo, kelennɛnu wo, kɛɛ-musinu wo, wo kana a lagbɛlɛya wonu kuma. Minnu ma ko-yogomɛ ma, wo fara anu fagɛ la nyamanɛ kɛ rɔ. Wo fara bɛsi-kɔ-koe la fanan. Ni wo ma, bɛsi-kɔ-koe wo si wo halaki.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Saraka-Masɔlɛnuta Tɔnnu 19:13

“Wo kana tɔnɔ-wɛ labɔ wo ta-nyɔgɛnu kuma. Ni wo ya wɔli-kɛlɛ bi ka ta wola wɔli-kɛ-tinɛ, yanni i ni a boloka, wo ni a sarɛ don a bolo. Wo kana a sarɛ bira ha wo banda kɛ sɔgɔma.

Saraka-Masɔlɛnuta Tɔnnu 19:33

“Wo kana sundannu kɔndɔfili minnu basannɛ wo la bawo fanka ye wole la ka tenbi anu na.

Saraka-Masɔlɛnuta Tɔnnu 19:34

Wo ni anu bira iko wo ye wo nyɔgɔn birala nya min. Wo ni anu keni iko wo nyɛrɛ. Wo ni a lɔn yati, ko wole fanan bi sundanyɛ la Iyipiti nyamanɛ rɔ nun. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 25:35

“Ni min sigi-nyɔgɛ bolo kolonyara, ado a ti ke a nyɛrɛ makoe nyinyala, yanni a ni ala dugi mayira mɔgɔ-gbɛrɛkɛ ma, fɔ i ni i sigi-nyɔgɛ dɛnbɛ a makoe wonu tɔ. Wo le si a ma, a si to i dafɛ.

Sakaraya 7:10

A ya a fɔ fanan ko wo kana a ragbɛlɛya kɛɛ-musinu anubɛ kelennɛnu anubɛ sibolo-gbɛrɛnu kuma minnu siginɛ wo tɛma. A ko wo kana a lagbɛlɛya fugarɛnu fanan kuma. Wo kana wo miri ko-yogomɛ ma wo nyɔgɔn kan ma.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Tɔn-Fɔɛ-Fila-Nyɔgɛ 1:16

“Wati wo rɔ, n ya kun-tigi wonu makawandi ko wo si kɛlɛ-kumɛnu namɔɛn minnu bi wulila wola mɔgɛnu tɛma. Wo ni kiti wonu bɛɛsi sa a kila-yɔnyɔn fɛ. Wo ni a fɔ a kila-bɛrɛbɛrɛ fɛ, ni wo gbansan le, anubɛ ni a ye wobɛ sundan denu tɛma.

Tɔn-Fɔɛ-Fila-Nyɔgɛ 10:18

Wo ni a lɔn ko Mari ti sɔn mɔgɛ ni kɛɛ-nyaganɛnu anubɛ kelennɛnu bira boloko-yogomɛ-kɛ. Sundan minnu bi wo tɛma, wonu di Alla ye, ado ale le ye anu makoe nyinyala.

Tɔn-Fɔɛ-Fila-Nyɔgɛ 10:19

Wole fanan ni keninteyɛ yira sundannu na bawo wo ye sundanyɛ le la Iyipiti nun.

Tɔn-Fɔɛ-Fila-Nyɔgɛ 23:16

Soe min ba diya yɔɔn wo ye, wo ni fɛrɛ di a ma, a ni sigi nyɔ. I kana a bira boloko-yogomɛ-kɛ.

Tɔn-Fɔɛ-Fila-Nyɔgɛ 23:7

“Idɔm mɔgɛnu sɔgɛ la kana bɔ wo la bawo wobɛ wonu kɛmɔgɔni-kelan-sɔrɛ le wonu na. Iyipiti mɔgɛnu fanan sɔgɛ la kana bɔ wo la bawo wo ara mɛ anu barɛ sundanyɛ la nun.

Tɔn-Fɔɛ-Fila-Nyɔgɛ 24:17

“Wo kana sundannu anubɛ kelennɛnuna yo tinya anu bolo. Wo kana kɛɛ-nyaganɛnuna kurɛnu bi anu bolo tulumayɛ la.

Tɔn-Fɔɛ-Fila-Nyɔgɛ 27:19

“ ‘Alamɛ Allata dankɛ taranta wo mɔgɛnu kuma minnu si mɔgɔ-tɔrɔnɛnuna saratiyi tinya anu bolo, a mara sundan na wo, a mara kelenni na wo, a mara kɛɛ-musu la wo.’ “Anu si a labira ko, ‘Amina.’