Bɔ-Koe-Iyipiti 22:18 - ALLALA KUMƐ

¹⁸ “Wo kana sɔn, suwagɛ ni to a niyi la.

Bɔ-Koe-Iyipiti 22:18 ပူးပေါင်းရင်းမြစ်များ

Aiseya 19:3

Koe min bɛɛ rabɛnnɛ Iyipiti kɛnu bolo, a si wonu tinya anu ma pɔ! A si kumakɔɛ ladon anu tɛma. Anu si anuna bɛsɛnu madiya alako wonu ni anu dɛnbɛ. Anu si ta bolo-tafɛlɛnna-su bɛɛ wara alako wonu ni hɛnkili di anu ma.

Yɛrɛmaya 27:10

Foninya-nɛbi wonu bi anu yanfa-tinɛ le. Wonu si a ma, anu ni ta nyamani-gbɛrɛnu tɔ, ado ale Mari ko a si anu gben ka anu kasara.

Yɛrɛmaya 27:9

N ya a fɔ kilayɛ wonu ye ko anu ni n kan natenbi ko anuna mansɛnu kana anu tole sigi foninya-nɛbinu anubɛ bolo-tafɛlɛnnɛnu kan kɔrɔ minnu bi a fɔla ko anu ni anu ban Babilɔn mansɛ la. Ni kiyo-rakarannɛnu kumara anu ye yarɔ-koenu fɔ-tinɛ, ni wo ma, ka yarɔ-koenu fɔ iko furinu denu ya a fɔ anu ye, ni wo ma, ka yarɔ-kumɛnu fɔ kofo-denyɛ rɔ, anu kana anu tole masɔ wo do-wo-do la.

Saraka-Masɔlɛnuta Tɔnnu 18:23

Kei wo, musu wo, a kana a sa kolo-fan fɛ. Koe kɛ min ma daga, ni min ya wo ma, wo tigi sɛninyani ma tun.

Saraka-Masɔlɛnuta Tɔnnu 19:26

“Wo kana sogo-suyi anubɛ a yele dɔn. “Wo kana wo nyɛrɛ don duruya-koenu tɔ.

Saraka-Masɔlɛnuta Tɔnnu 19:31

“Ni a sɔgɛ ye mɔgɛ do la ka a nyɛrɛ fɛ-koe lɔn, a kana ta ke yi-kɔrɔ-fɛlɛnnɛnu ma wa bolo-tafɛlɛnnɛnu. Ni min ya wo ma, wo tigi-sɛninyabɛlɛ si to. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 20:27

Kei wo, musi wo, ni min ya a nyɛrɛ don yi-kɔrɔ-fɛlɛn-koe rɔ, Mari ko wo ni wo tigi mabon kuri la. Wo tigi tɔgɛ si to a nyɛrɛ la.

Saraka-Masɔlɛnuta Tɔnnu 20:6

“Mari ko wo kana ta ke yi-kɔrɔ-fɛlɛnnɛnu ma ka hɛnkili sɔrɔn anu bolo. A ko ni min ya wo ma, a si a kan-kɔ sɔ wo tigi la. Mari ti a miri ko atɛ le wo mɔgɔ sufa la tun.

Kɛwɔlɛnu 19:19

Minnu bara duriyɛ kɛ, wonu ya anuna duruya-bukunu nadɛn ka anu mintan mɔgɛ bɛɛ yala. Anu ya buku wonu sɔnkɛ yatɛ tumɛ min, wo bɛɛ bɛnta wodi-gbɛ-gbu waga bi-loli (50,000) le ma.

Kalesiya 5:20

bɛsi-kɔɛ wo, anubɛ suwagayɛ. Gboyanayɛ anubɛ nyɔgɔn-kɛlɛ ti ban anu tɛma. Anu bi anu nyɔgɔn makeliyala ka diminya anu nyɔgɔn ma ka anu miri anu nyɛrɛ dɔrɔn ma. Hali anu kurɔn ladɛnnɛ, anu ta si nyɛnsɛn kɛlɛ-tɛgɛ-koe la.

Tɔn-Fɔɛ-Fila-Nyɔgɛ 27:21

“ ‘Alamɛ Allata dankɛ taranta wo mɔgɛnu kuma minnu si anu sa kolo-fannu fɛ.’ “Anu si a labira ko, ‘Amina.’

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.

1 Samuwɛli 28:3

Samuwɛli fagara tumɛ min nun, Isirɛla mɔgɛ bɛɛsi dira ala ko la le, ado anu ya a togon a halala soe Rema le burɔ. Kɔnɔ wo ya a taran, Mansa Sɔli ara bolo-tafɛlɛnnɛnu anubɛ yi-kɔrɔ-fɛlɛnnɛnu gben anuna nyamanɛ rɔ.

1 Samuwɛli 28:9

Musi wo ya a fɔ a ye ko, “Ile ma a lɔn Mansa Sɔli ara bolo-tafɛlɛnnɛnu anubɛ yi-kɔrɔ-fɛlɛnnɛnu gben Isirɛla nyamanɛ kɛ rɔ? A sɔgɛ ye i la, i ni n bole labira alako anu ni nde fanan faga?”