Bɔ-Koe-Iyipiti 20:26 - ALLALA KUMƐ

²⁶ Min sanɛ wo kuma, anu kana saraka-mintan-tinɛ yɛlɛ tinɛ sɔ a ma, woletɔ mɔgɛnu ti saraka-masɔlɛnu nakolɔn yen.”

Bɔ-Koe-Iyipiti 20:26 ပူးပေါင်းရင်းမြစ်များ

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Bɔ-Koe-Iyipiti 28:42

“Wo ni linɛn-kura-nyimɛ ma anuta kurusi-kundi la. Wonu dan si ma anu wore la woletɔ mɔgɔ ti anu nakolɔn yen.

Bɔ-Koe-Iyipiti 28:43

Aruna anubɛ ala den-keinu wa don Fani-Bɔn la tumɛ min, anu si kurusi wonu don. Fananta anu bi nta wɔli kɛla kata burɔ, kurusi wonu ni to anu na. Ni anu ma kurusi-kundi wonu don kan-tina-sɛnimɛ wo rɔ, nde, Alla si anu faga bawo anu nakolɔn le n yala worɔ. “Wo ni ma habadan-tɔn la Aruna anubɛ a kebila-mɔgɛnu ye.”

Makawandili Kumɛnu 5:1

A ma i fɛrɛma Alla Bato-Bɔn la. Yanni mɔgɛ ni kuntanya-sarakɛnu bɔ nyɔ iko kuntan donu bi a mala nya min, a fisa, a ni ta nyɔ ka hɛnkili sɔrɔn bawo kuntan wonu ma a lɔn ko anu bi ko-yogomɛ le kun na.

Isikiyɛli 43:17

A tɛmatɛ kumɛ lɔngbɔn anubɛ a kɔnɛ, nunkan-nya tan-ni-nani, tan-ni-nani. A tɛmatɛ-da-gbengbe min nayɛlɛnɛ ala foolɛ rɔ, nunkan-nya tala le wo la. Denkɛ min nafoonɛ a tɛmatɛ wo la, wo kɔnɛ nunkan-nya kelen. Saraka mintan tinɛ wo yɛlɛdɛ ye yɛlɛla a tele-bɔɛ wara la le.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

1 Pita 1:16

ado a sɛbɛnɛ Allala kitabu rɔ ko, “Wo ni sɛninya bawo nde sɛnima.”