Bɔ-Koe-Iyipiti 20:20 - ALLALA KUMƐ

²⁰ Musa ya a fɔ mɔgɛnu ye ko, “Wo kana kilan. Alla ara na ka wola dɛnkɛninyɛ kɔrɔbɔ. Alla ye a fɛ, wo ni a gbiliya alako wo kana kilɛ boloka ka hakɛ kɛ.”

Bɔ-Koe-Iyipiti 20:20 ပူးပေါင်းရင်းမြစ်များ

Ko-Dabirɛnu 20:11

Iburayima ya a fɔ a ye ko, “Ni i ya a yen n ya kɛ ma, n ya a lɔn ko mɔgɔ sa nyamanɛ kɛ rɔ min si kilan Alla la bawo n ya a lɔn ko anu si n faga ka nna musi kɛ bi n bolo.

Ko-Dabirɛnu 22:1

Wati tenbinɛ, Alla ya Iburayima kele alako a ni a kɔrɔbɔ. A ya a fɔ a ye ko, “Iburayima.” Iburayima ya a labira, a ko, “O-o.”

Ko-Dabirɛnu 22:12

Mari ya a fɔ a ye ko, “I kana ko-wo-ko ma ila dan kɛ la kamasɔrɔn n bara a lɔn kaka ko nde, Alla, gbiliyanɛ i bolo. I ma sɔn ka ila dan kelan dogon fɔ ka a di nde, Alla, ma.”

Nihɛmaya 5:15

Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 16:6

Keninteyɛ anubɛ tonyɛ si a ma, mɔgɔ hakɛ ma si koto. Mɔgɛ min bi kilanna Mari la, wo si fara le ko-yogoma-kɛ la.

Hɛnkilimaya-Kumɛnu 3:7

I kana to i mirila ko i kelan le ya ko lɔn. Mari kelen peta kumɛ bira tun. I ni i ban ko-yogomɛ kɛla.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 41:13

Wo Mari Alla le ale la. A ye sɛnbɛ dila wo ma ka a fɔ wo ye ko hali wo ma kilan. A si wo dɛnbɛ.

Aiseya 8:13

A ko n ni n hɛnkili to ale Mari Sɛnbɛ-Bɛɛ-Tigita sɛninyɛ ko. A ko a bɛnta, n ni kilan ale le dɔrɔn na.

Tɔn-Fɔɛ-Fila-Nyɔgɛ 10:12

Musa ya a fɔ tun ko, “Wo Mari ye nyinina min ma wo bolo, wole Isirɛla mɔgɛnu, wo ni wo tole masɔ wo la. Wo ni Alla bato ka ata kumɛnu bira ka a ma iko a ya a fɔ wo ye nya min. Wo ni a keni ka ata wɔlɛ kɛ wo yisi bɛɛ la,

Tɔn-Fɔɛ-Fila-Nyɔgɛ 13:3

wo kana wo tole masɔ a la. Ko-sufa wonu si ma wo kɔrɔbɔ-koe le la wota Mari Alla bolo ka a lɔn ni wo ya ale Alla keni wo yisi bɛɛ la.

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

Tɔn-Fɔɛ-Fila-Nyɔgɛ 6:24

Mata Mari Alla ya a fɔ ma ye ko ma ni tɔn kɛnu bira ka ale Mari gbiliya. Ni ma ya wo ma, a si ma kandan ka ma makoenu nyinya iko a ye wo mala nya min kaka.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Yasowa 24:14

Woletɔ Yasowa ya a fɔ Isirɛla mɔgɛnu ye ko, “Wo ni mata Mari gbiliya ka a bato wo yisi bɛɛ la ka wo telen a ye wati bɛɛ. Wo benbanu ya bɛsi-fuyi minnu kɔ Yufereti bɛ kɔma anubɛ Iyipiti nyamanɛ rɔ, wo ni wonu nakɛ a rɔ. Wo ni mata Mari kelen pe le bato.

1 Samuwɛli 12:20

Samuwɛli ya a fɔ ko, “Wo kana kilan. Hali wo ara ko-yogoma-su kɛnu ma, wo kana wo kan-kɔ sɔ Mari la. Wo ni ata wɔlɛ kɛ wo yisi bɛɛ la.