Bɔ-Koe-Iyipiti 20:13 - ALLALA KUMƐ

¹³ “Wo kana mɔgɛ faga.

Bɔ-Koe-Iyipiti 20:13 ပူးပေါင်းရင်းမြစ်များ

2 Mansɛnu 21:16

Mansa Manasa ya a ma, Yuda mɔgɛnu bara hakɛ kɛ Mari la ka anu don bɛsi-kɔ-koe rɔ. Min sanɛ wo kuma, sɔn-yogoma sa mɔgɛ minnu na, mansɛ ya wonu mɔgɔ-siyaman faga ha wonu yele tugura a rɔ Yerusalɛm kilɛnu na iko gboron-gboronna-yi.

2 Ko-Kɔrɔta-Karan 24:22

Hali ka a miri Sakaraya fa Saraka-Masɔla Yɛhoyadala wɔli-nyimɛ ma, a ya min ma a ye, a ma wo ma. Sakaraya ye fagala tumɛ min, a ya a dɛ sa-a-rɔ, a ko, “Wo ye minnu mala n na kɛ la, alamɛ Mari ya wo yen. A ni wole fanan tɔrɔ.”

Bɔ-Koe-Iyipiti 21:12

“Ni min ya mɔgɔ gbesi ka a faga, wo ni wo tigi faga yati!

Bɔ-Koe-Iyipiti 21:14

Ni mɔgɛ do ya yanfɛ sigi a ta-nyɔgɛ do la ka a faga wunduyogoyɛ la, hali a tara nna saraka-mintan-tinɛ ala kisi-koe la, wo ni wo tigi faga.

Bɔ-Koe-Iyipiti 21:20

“Ni mɔgɔ ya ala yɔɔn-kei, ni wo ma, ala yɔɔn-musi gbesi kɔlɔma la, ni yɔɔn wo fagara a bolo, wo ni wo tigi tɔrɔ kosɛbɛ!

Bɔ-Koe-Iyipiti 21:29

Kɔnɔ ni tura-feremɛ do tara mɔgɛ do sɔgɔ, ado a tigi ya a lɔn nun ko a fere kɔnɔ hali wo, a ma sɔn a kiri-koe ma, ni a ya mɔgɛ do faga, wo si turɛ wo mabon kuri la ka a tigi fanan faga.

Bɔ-Koe-Iyipiti 23:7

Mɔgɔ kana tɔgɛ sa a ta-nyɔgɛ la. Wo kana mɔgɔ-magbalanɛnu faga. Ni min ya wo sufa ma, nde, Mari si wo tigi yiliki.

Hɛnkilimaya-Kumɛnu 1:11

Ni anu ya a fɔ i ye ko, “Na, ma ni ta baga mɔgɛ do ma ka a faga alako ma ni ma nyɛrɛ ladiya. Ma si a kɛndɛ taran kɔnɔ ma bɔmatoe si a suyi to nyɔ.” I kana sɔn wo ma.

Hɛnkilimaya-Kumɛnu 1:18

Kɔnɔ mɔgɔ-yogomɛ kɛnu bi gbɛrɛ lasigila anu nyɛrɛ ye, anu ya sa a la, ado anu si faga anu nyɛrɛta gbɛrɛ-lasiginɛ la.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Yɛrɛmaya 26:15

Kɔnɔ wo ni la kɛ la serr! Ni wo ya n faga, wo ara n faga le dɔrɔn, fɛɛ sa n na bawo Mari le nyɛrɛ ya n sɔ wo makawandili-kumɛ kɛ fɔ-tinɛ wo ye.”

Saraka-Masɔlɛnuta Tɔnnu 24:17

“Min sanɛ wo kuma fanani, ni min ya mɔgɔ faga, wo ni wo fanan faga.

Saraka-Masɔlɛnuta Tɔnnu 24:21

Ni min ya a ta-nyɔgɛla kolo-fan faga, a ni a nyɔgɔ lasɛgi kolo-fan la. Ni min ya a lawuli a ma ka a ta-nyɔgɛ hadama-dan faga, wo ni ale fanan faga.

Matiyu 19:18

Kei wo ya nyinikalɛ kɛ fanan ko, “Tɔn nyamintan?” Yisa ya a yabi ko, “I kana mɔgɔ faga. I kana yɛlɛnyɛ kɛ. I kana kankanyɛ kɛ. I kana foninya-sereyɛ bɔ.

Maraka 10:19

Ka ila nyinikalɛ yabi, i ya tɔn kɛnu lɔn. Anu ko, ‘Wo kana mɔgɔ faga. Wo kana yɛlɛnyɛ kɛ. Wo kana kankanyɛ kɛ. Wo kana foninya-sereyɛ bɔ. Wo kana mɔgɔ kensunya. Wo ni wo na anubɛ wo fa gbiliya.’ ”

Luka 18:20

Ka ila nyinikalɛ yabi, i ya tɔn kɛnu lɔn. Anu ko, ‘Wo kana yɛlɛnyɛ kɛ. Wo kana mɔgɔ faga. Wo kana kankanyɛ kɛ. Wo kana foninya-sereyɛ bɔ. Wo ni wo fa anubɛ wo na gbiliya.’ ”

Kɛwɔlɛnu 16:28

Kɔnɔ Pɔli gbele-gbelenta kan-ba la, a ko, “I kana i nyɛrɛ madumɛ! Ma dama ye yan!”

Kɛwɔlɛnu 28:4

Nyɔ-dugurannu ya fɔnfɔnɛ dunnɛ yen Pɔli bole la. Anu ya a fɔ anu nyɔgɔn ye ko, “Mɔgɔ-fagalɛ le kei kɛ la feu! Nba, hali a ara kisi kɔgɔ-yi ma kɔnɔ bɛsɛ min bi ko-latelennɛ kun na, wo ti sɔn a ni beli.”

Romu 13:9

A sɛbɛnɛ Nɛbi Musala tɔn-kitabu rɔ ko, “Wo kana yɛlɛnyɛ kɛ. Wo kana mɔgɔ faga. Wo kana kankanyɛ kɛ. Wo kana wo niyi sa mɔgɔna-fan kuma.” Tɔn kɛ bɛɛsi anubɛ doinu, wonu bɛɛsi ye tɔn kelen pe kɔrɔ min ya a fɔ ko, “Wo ni wo ta-nyɔgɔn keni iko wo nyɛrɛ.”

Kalesiya 5:21

Anu sa nyinina ko-nyima wo ko-nyima ma anu bɔnuna ko la. Anu manɛ gbɛɛtoenu na. Anu bi anu fɛrɛ-bɔnku-natanu denu wasala tolon! Anu bi ko-sufa wo bɛɛ mala. N bi a fɔla wo ye tun ko minnu bi ko-sufa wo bɛɛ kɛla, wonu ti Allala mansayɛ sɔrɔn muk!

Tɔn-Fɔɛ-Fila-Nyɔgɛ 5:17

“Mari ko wo kana mɔgɔ faga.

1 Timoti 1:9

Tɔn wonu ma sigi mɔgɔ-nyimɛnuna ko la iko i ya a lɔn nya min. Tɔn wonu sanɛ tɔn-tinyanɛnu anubɛ ko-yogoma-kɛlɛnuna ko la. Alla-lɔnbɛlɛnu wo, hakɛ-tiginu wo, dina-birabɛlɛnu wo, Alla-lafɛyalɛnu wo, minnu ya anu sɔrɔnnɛnu faga wo, mɔgɔ-gbɛrɛ-fagalɛnu wo,

Yemesi 2:11

Bawo kitabu min ya a fɔ ko, “I kana yɛlɛnyɛ kɛ,” wo le ya a fɔ fanan ko, “I kana mɔgɔ faga.” Nba, hali i ma yɛlɛnyɛ kɛ kɔnɔ ni i ya mɔgɔ faga, i wara ma tɔn-tinyalɛ la worɔ.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.