Bɔ-Koe-Iyipiti 20:12 - ALLALA KUMƐ

¹² “Wo ni wo fanu anubɛ wo nanu gbiliya. Woletɔ n bara wo yili-madiya nyamanɛ min na, wo si simayɛ sɔrɔn wo rɔ.

Bɔ-Koe-Iyipiti 20:12 ပူးပေါင်းရင်းမြစ်များ

Ko-Dabirɛnu 48:12

Yusufu ya ala dan wonu bɔ a fa kian kuma ka a laburun a ma dugi ma a fa kin kɔrɔ.

Ko-Dabirɛnu 50:12

Yakobala den-keinu tara a furi la ha faran wo la anu benba Iburayima ya min san Hɛti kɛ do ma min tɔgɛ Ɛfirɔn. Faran wo ye Makipela tɛngbɛnya rɔ Mamireya telen tɔ Kenan nyamanɛ rɔ. Anuta kaburu-soe le faran wo la. Ala den-keinu ya a togon iko a ya a fɔ anu ye nya min.

1 Mansɛnu 2:19

Woletɔ Batasiba tara Mansa Silamɛni wara ka kuma a ye Adonayala ko la. Mansɛ ya a lakɔɛnma. A ya a kunyɛ madu a na ye ka a kɔndɔn. Wo kɔma, a ya a mayigi ka sigi-fan do makele a nala ko la. Wo sigira a bolo-nyimɛ rɔ.

2 Mansɛnu 2:12

Nɛbi Ilaisa ya a yen yɛlɛla, a ya a rakele, a ko, “E, n fa! Ile Isirɛla latankalɛ! I wara ta!” Nɛbi Ilaisa ma a yen tun. Yisi-tinyɛ wola ko la, Nɛbi Ilaisa ya a kan-na-duruki rafara filɛ la.

Bɔ-Koe-Iyipiti 21:15

“Ni min ya a na gbesi, ni wo ma, a fa, wo ni wo tigi faga yati!

Bɔ-Koe-Iyipiti 21:17

“Ni min ya a na, ni wo ma, a fa lafɛya, wo ni wo tigi faga yati!

Hɛnkilimaya-Kumɛnu 15:5

Ni min ya a kan-kɔ sɔ a fala kawandili-kan la, yuwɛ le wo tigi la kɔnɔ ni min ya wo bira, hɛnkilimɛ le wo tigi la.

Hɛnkilimaya-Kumɛnu 17:6

Benbe si a wasi a mamanɛ la iko dan si a wasi a fa la nya min.

Hɛnkilimaya-Kumɛnu 20:20

Mɔgɛ min bi a na anubɛ a fa mɔɛnna, wo wara-koe ra si de dogbe iko lɛnpu si dufen pinpi rɔ nya min dɔi!

Hɛnkilimaya-Kumɛnu 28:24

Mɔgɛ min bi a sɔrɔnbagɛnu kankanna, a ni a fɔ ko, “Tana ma kɛ la,” wonubɛ kasarantenu takɛn de!

Hɛnkilimaya-Kumɛnu 3:16

Hɛnkilimayɛ si simayɛ anubɛ sabatiyi anubɛ gbiliyɛ di i ma.

Hɛnkilimaya-Kumɛnu 30:11

Mɔgɛ donu bi nyɔ, wonu bi anu fanu mɔɛnna, katarala anu nanu ma.

Hɛnkilimaya-Kumɛnu 30:17

Mɔgɛ min bi a na anubɛ a fa bɔrɔbɔla, a bɛnta, a furi-bolokanɛ ni to. Mansa-wala-kona anubɛ dogɛnu ni a furi dɔn.

Yɛrɛmaya 35:18

N ya a fɔ Rɛkabu kebila-mɔgɛ wonu ye ko, “Mari Sɛnbɛ-Bɛɛ-Tigi Isirɛlata Alla ko wo benba Yonadabu ara tɔn min sigi wo ma, wo ara wo balan a kalɛ la min kɛ,

Yɛrɛmaya 35:7

A ya a fɔ ma ye fanan ko ma kana bɔn sɔ. Ma kana sɛnɛ sa. A ko ma kana ki-fan ki. A ko ma ni to fani-bɔnnu na dɛɛ alako ma ni mɛ nyamanɛ kɛ rɔ iko sundan.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Saraka-Masɔlɛnuta Tɔnnu 19:3

Wo ni wo fanu anubɛ wo nanu gbiliya iko n ya a fɔ nya min wati tenbinɛ rɔ. Wo ni Sulen-Tele ma tele-latankanɛ la fanan. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 19:32

“Wo ni wola kinanu gbiliya ka wo famayigi anu ye. Wo ni kilan nde la bawo nde, wota Mari Alla ya kɛ le fɔ wo ye.

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Matiyu 19:19

I ni i na anubɛ i fa gbiliya. I ni i sigi-nyɔgɛ keni iko i nyɛrɛ.”

Maraka 10:19

Ka ila nyinikalɛ yabi, i ya tɔn kɛnu lɔn. Anu ko, ‘Wo kana mɔgɔ faga. Wo kana yɛlɛnyɛ kɛ. Wo kana kankanyɛ kɛ. Wo kana foninya-sereyɛ bɔ. Wo kana mɔgɔ kensunya. Wo ni wo na anubɛ wo fa gbiliya.’ ”

Maraka 7:10

Bawo Nɛbi Musa ya a fɔ ko, ‘Wo ni wo fanu anubɛ wo nanu gbiliya.’ A ko fanan, ‘Ni mɔgɔ-wo-mɔgɔ ya kuma-yogomɛ fɔ a na anubɛ a fa ma, fɔ wo tigi ni faga serr!’

Luka 18:20

Ka ila nyinikalɛ yabi, i ya tɔn kɛnu lɔn. Anu ko, ‘Wo kana yɛlɛnyɛ kɛ. Wo kana mɔgɔ faga. Wo kana kankanyɛ kɛ. Wo kana foninya-sereyɛ bɔ. Wo ni wo fa anubɛ wo na gbiliya.’ ”

Ɛfɛsa 5:21

Wo ni sɔnnaya wo nyɔgɔn ye Kirasitita gbiliyɛla ko la.

Tɔn-Fɔɛ-Fila-Nyɔgɛ 11:8

“N ya tɔn kɛ min damasi di wo ma bi, wo ni wonu bira. Ni wo ya wo ma, wo si ke le Yorodan bɛ tɛgɛla worɔ ka ta nyamanɛ wo bi, wo ye tala sigila kan min.

Tɔn-Fɔɛ-Fila-Nyɔgɛ 11:9

Mari ya lanyiri kiri nyamani-hakikɛ minna ko la wo benbanu anubɛ anu kegeyɛnu ye, wo si simayɛ sɔrɔn ka mɛ sigini nyɔ rɔ.

Tɔn-Fɔɛ-Fila-Nyɔgɛ 21:18

“Ni a taranta, den-kei do ye mɔgɛ do bolo, min tengberenta, a ara murutiya ala mɔgɛ wonu ma, hali anu bi a tiila kɔnɔ a ti anu kuman-kan bira mumɛ!

Tɔn-Fɔɛ-Fila-Nyɔgɛ 25:15

Wola fen-suman-fannu ta ni kɛnya woletɔ wo si sumanni kɛ a kilɛ fɛ. Wo si a ma, wota Mari Alla ye nala wola nyamanɛ min dila wo ma, wo ni simayɛ sɔrɔn nyɔ rɔ.

Tɔn-Fɔɛ-Fila-Nyɔgɛ 27:16

“ ‘Alamɛ Allata dankɛ taranta wo mɔgɛnu kuma minnu ti sɔn anu fa anubɛ anu na gbiliya-koe ma.’ “Anu si a labira ko, ‘Amina.’

Tɔn-Fɔɛ-Fila-Nyɔgɛ 32:47

Fufafu ma karan kɛ la de! Wo niyi-kole le kɛ la. Ni wo ya a bira, wo si simayɛ sɔrɔn lanyiri-nyamanɛ rɔ Yorodan bɛ kɔgɔma wo ye nala tala kan min.”

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”

Tɔn-Fɔɛ-Fila-Nyɔgɛ 5:16

“Wota Mari Alla ko wo ni wo fanu anubɛ wo nanu gbiliya, woletɔ a ye nala nyamanɛ min dila wo ma, wo si simayɛ sɔrɔn ka sigi hɛrɛ rɔ nyɔ rɔ.

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

Kɔlɔsi 3:20

Wole dennɛnu, wo ni wo sɔrɔnnɛnuna kumɛ bira tumɛ bɛɛ bawo wo le ye Alla hɛnɛna.

Ruti 3:6

Ruti tara gbere ma iko a mama ya a fɔ a ye nya min.

1 Samuwɛli 22:3

Dawuda bɔra nyɔ ka ta Misipa soe burɔ min bi Mohabu nyamanɛ rɔ. A ya a fɔ Mohabu mansɛ ye ko, “N fa, i yandi, a ma, n fa anubɛ n na ni na sigi i wara ha n ni a lɔn Alla ye nala min mala n ye.”