Bɔ-Koe-Iyipiti 2:5 - ALLALA KUMƐ

⁵ Mansɛla dunmusi tara ba-worɔn wo la a ku tinɛ. Sunkurɔn minnu bi a fɛ, wonu tora anu matagamana bɛ dala. Mansɛla dunmusi ya digi wo yen sɔnfɔn-kurinu tɔ tumɛ min, a ya ala yɔɔn-musi sɔ ka ta a bi.

Bɔ-Koe-Iyipiti 2:5 ပူးပေါင်းရင်းမြစ်များ

1 Mansɛnu 17:6

Mansa-wala-konanu tora nala sogenu anubɛ biredinu na a ye sɔgɔma ani wurɛ la. A ya yi wo min.

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Yaburi 9:9

Mɔgɔ-tɔrɔnɛnu dogon tinɛ le Mari warɛ la. Anu tenbi kɔndɔfili rɔ, i si anu natanka.

Bɔ-Koe-Iyipiti 2:6

A ya digi laka ka dan wo yen dila. A kinikinita a ma. A ko, “Isirɛla mɔgɛnuna dan do le kɛ la.”

Bɔ-Koe-Iyipiti 7:15

Sɔgɔma wo ni ta mansɛ taran Nayɛli bɛ dala. I ni ta sewuri wo la i bolo min yɛlɛmanta duguma-fan la nun.

Bɔ-Koe-Iyipiti 8:20

Mari ya a fɔ Musa ye ko, “Mansɛ tenbi tala yi dɛ la tumɛ min sinan subaga ma, i ni suri ka ta a taran kilɛ la. I ni a fɔ a ye ko nde, Mari kan le kɛ la ko a ni nta mɔgɛnu boloka alako anu ni ta n bato tinɛ.”

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Yona 1:17

Mari ya yɛgɛ-belebele do sɔ ka Nɛbi Yona lakunu. A ye a burɔ su sawa, tele sawa.

Yona 2:10

Mari ya a ma, yɛgɛ ya Nɛbi Yona lateseri kɛnkɛn ma.

Kɛwɔlɛnu 7:21

Anu ya a bɔ a fa warɛ tumɛ min, nyɔ-mansɛla dunmusi ya a bi ka a makolo iko a nyɛrɛta-den-sɔrɔnnɛ.